Корона – скандал ја тресе Британија : Се бара оставка од главниот советник на премиерот

Расте притисокот врз британскиот премиер Борис Џонсон да го отпушти неговиот главен советник, откако медиумите вчера вечер објавија дека тој ги прекршил патните ограничувања наметнати заради коронавирусот.

„Гардијан и Мирор“ објавија дека Доминик Камингс патувал од Лондон до округот Дурам, до куќата на неговите родители, во време кога имал симптоми на коронавирус.

Само една недела порано, владата воведе строги мерки против слобода на движење за да го ограничи ширењето на коронавирусот.

Патувањето е дозволено само во итни случаи, а лицата со симптоми на коронавирус мора да останат во изолација седум дена.

Портпаролот на владата одби да ги коментира извештаите, пренесува dpa.

Полицијата потврди дека посетиле имот во округот Дурам, по обвиненијата дека Камингс патувал 430 километри од неговиот дом за време на карантинот, јавува британското здружение за печат (ПА).

Лидерот на шкотската Национална партија, Иан Блекфорд, вчера вечер повика на оставка на Камингс.

„По веста дека Доминик Камингс патувал од Лондон до Дурам за време на карантин, што полицијата моментно го истражува, неговата позиција е целосно неодржлива - тој мора да поднесе оставка или да биде отпуштен од работа“, напиша тој.

Ед Дејви, вршител на должноста лидер на либералните демократи, исто така на Твитер изјави: „Ако Доминик Кумингс ги прекрши правилата воведени за време на карантинот, тој ќе мора да си даде оставка. Сосема едноставно“.

Британската јавност со недели ја критикува владата затоа што бројот на смртни случаи во таа земја од коронавирус надминува 36.000, што е повеќе отколку во која било друга европска земја.

Хуманитарен концерт во сеќавање на Климентина Рафајловска

Во Салон 19:19 во Скопје вечерва ќе се одржи концерт во сеќавање на Климентина Рафајловска (1977-1994), која била ученик на пијано и харфа во училиштето „Илија Николовски-Луј”.

На програмата ќе бидат изведени дела од композиторите Сен Санс, Равел, Буланже, Штолцел, Пијацола, Хенсон, Капле, Форе и Шостакович.

На концертот ќе учествуваат музичари од нејзината генерација, Ема Абаџиева – обоа, англиски рог, Весна Ангелова Христов – пијано, Орце Ицковски – фагот, Гордана Јаневска – виолина, Тереза Крцоска – виолина, Јанинка Невчева – пијано, Јулија Нелковска – виолина, Надежда Рубен – сопран, Боро Станковски – виола, Елена Стојческа – флејта, Дарко Трајковски – виолина, Мерсиха Шукри – харфа.

Соученичката на Рафајловска, Мерсиха Шукри, која е единствената харфистка во земјава во изјава за МИА вели дека целта, меѓудругото, е и да се подигне свеста и поддршката за болните од рак.

- Климентина Рафајловска ни беше соученичка во музичкото училиште. За жал, за кратко време нѐ напушти, се разболе од леукемија. Оваа година се навршуваат 30 години од нејзината смрт. Во таа чест, генерацијата се собравме да одржиме концерт во нејзина чест. Воедно, да ја подигнеме свеста и поддршката за сите заболени од лошата болест, вели Шукри, додавајќи дека животот е непредвидлив и затоа е потребно многу повеќе љубов и разбирање.

Човекот е покршлив од стаклото и многу малку е свесен дека секому може да му се случи, вели Мерсиха Шукри.

Во чест на Рафајловска, од 1995 до 2008 година беше доделувана наградата „Климентина Рафајловска” за првенец на генерација, од страна на истоимената Фондација. Меѓу добитниците на оваа награда се и Симон Трпчески, Ирина Наумовска, Никола Атанасов, Александар Краповски и други.

Средствата собрани со продажба на билетите и од донаторската кутија, ќе бидат донирани на Здружението посветено на пациенти болни со рак и нивни негуватели ХЕМА-ОНКО, а наменети за потребите на пациентите на Универзитетска клиника за хематологија.

Единаесет лица се повредени во сообраќајка на бугарски автобус во Турција

Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.

Сообраќајната несреќа се случила на 50 километри од бугарската граница. Автобусот е на компанијата „Метро туризам“.

На местото на несреќата се упатени екипи на полиција и медицински лица.

Повредените, вклучувајќи го и возачот на автобусот, се хоспитализирани во околните болници. /МИА

Сообраќајот тековно и без застои

Сообраќајот на државните патишта се одвива непречено, по претежно суви коловози. 

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

притисни ентер