Корона епидемија и загаден воздух-двојна причина за загриженост за здравјето на граѓаните

Скопје се гуши и во вонредна состојба, кога нема возила низ улиците за време на полицискиот час, а мал е бројот на куќите од кои се забележува чад што излегува од оџаците, оти температурите не се под нулата. 

Мерните станици во ноќните часови покажуваат високо присуство на штетните ПМ 10 честички, дури 100 микрограми на метар квадратен, па повторно, се отвора прашањето, кој е најголемиот загадувач во метрополата.

Здруженијата апелираат градските и државните инспектори да направат контроли на индустриските капацитети, за да се утврди точно кои се загадувачите.

Од Министерството за животна средина, за Канал 5, велат дека причина за зголеменото присуство на штетните честички во воздухот, сепак се домаќинствата, кои за огрев не употребуваат само дрва. Оттаму додаваат дека инспекторите пасивно дежураат.

,,Во услови кога нема возила, има забрана за движење и намалени индустриски активности, очигледно загадувањето доаѓа како резултат на затоплување на домаќинствата за жал со различни средства, а не само на на дрва. Државниот инспекторат за животна средина по завршување на редовното работно време е во пасивно дежурство цело време во текот на деноноќието без оглед дали е работна недела или викенд.

Загадениот воздух е само една причина за заболувања на белите дробови, срцето и крвните садови, но доведува и до пад на имунитетот, односно помала отпорност на човековиот огранизам. Загадениот воздух може и да помогне за влошување на здравствената состојба кога вирусот напаѓа.

притисни ентер