Контурите на новата влада познати, кадровските решенија официјално не се откриваат

Верувам дека како потенцијален партнер во идната власт ќе дадеме свој придонес со нашето политичко делување бидејќи веќе сериозно разговараме за имплементација на дел од нашите програмски определби во идната владина програма и владин состав.

Откако вчера од ВМРО-ДПМНЕ брифираа дека распределбата на ресорите во идната влада е пред финален договор, денеска лидерот на Движењето ЗНАМ Маким Димитриевски, кое според брифинзите ќе ги добие министерствата за правда и администрација, вели дека се уште не се договорени кадровските решенија и дека се уште се разговара за вметнување на нивната предизборна платформа во програмата на идната Влада. И потпретседателката на ЗНАМ, Весна Бендевска чие има цирклулира за ресорот правда, за Канал 5 вели дека станува збор за шпекулации.

„Верувам дека како потенцијален партнер во идната власт ќе дадеме свој придонес со нашето политичко делување бидејќи веќе сериозно разговараме за имплементација на дел од нашите програмски определби во идната владина програма и владин состав. Сѐ уште нема договорено никакви кадровски решенија.За нас во втор план се поделбата на власта и министерските позиции, на прав план е сето она што го ветивме во предизборниот период“, рече Димитриевски.

Од ВРЕДИ информираат дека успешно се завршени преговорите со ВМРО-ДПМНЕ околу обединување на изборните програми се успешно завршени и дека продолжуваат разговорите околу распределбата на заменик-министерските и деректорските позиции.

- Ја информираме јавноста дека работните групи интензивно продолжуваат со преговорите до финализирање на договорот за вториот и третиот ешалон. Многу брзо како држава ке добиеме европски ориентирана влада, посветена за економски развој, инвестиции и подобрување на животниот стандард на граѓаните, соопштија од Вреди.

Според брифинзите ВМРО-ДПМНЕ ќе раководи со 11 минстерства во идната Влада и ќе ги има клучните ресори - МВР, МНР, одбрана, финансии, образование, земјоделство, транспорт и врски, енергетика, рударство, култура, локална самоуправа и политички систем. Иако од партијата ги демантираа објавените информациите кои проструија во јавноста за можни кадровски решенија и тврдат дека се уште нема конечен договор, за клучните позции се споменуваат имињата на потпретседателите на ВМРО-ДПМНЕ.

Од шесте министерски места, кои според брифинзите ќе припаднат на коалицијата Вреди, поранешниот министер за здравство и актуелен градоначалник на Гостивар, Арбен Таравари се споменува како најсериозен кандидат за повторно да го преземе кормилото во здравство, а освен ресосрите економија, евроинтеграции, социјална политика и животна средина, се очекува Вреди да ја добие и позицијата вицепремиер за добро владеење.

Со конститутивната седница на Собранието заспочнуваат да течат и роковите за доделување на мандатот и формирањето на идната Влада. Најдоцна за десет дена претседателската Силјановска Давкова треба да го додели мандатот на Мицкоски, а тој пак најдоцна 20 дена по доделувањето на мандатот треба дао Собранието да ја поднесе програма и го предлог составот на идната Влада. Очекувањата се дека нема да се чекаат крајните рокови и дека Македонија ќе ја добие новата Влада најдоцна со 20-ти јуни.

Особини на емоционално интелигентните луѓе

Емоционалната интелигенција често се наведува како една клучна вештина за професионален успех, но се чини, исто толку е важна и во љубовта и односот кон партнерот воопшто.

Кенди Виенс е авторка на книгата „Имунитет против исцрпеност: Како емоционалната интелигенција може да Ви помогне да изградите отпорност и да ја залечите Вашата врска со работата“ (Burnout Immunity: How Emotional Intelligence Can Help You Build Resilience and Heal Your Relationship with Work). Таа посочува четири признаци за тоа дека една личност е емоционално интелигентна. Следи појаснување за секој од нив.

„Здрави“ конфликти и судири

Надминувањето непријатни случки и конфликти со емоционално интелигентна личност, значи дека Вие и партнерот / партнерката не ги избегнувате кавгите и проблемите. Караниците коишто се остават нерешени, на крајот се претвораат во гнев и „експлозија“ од лоши зборови што неретко причинуваат и непоправлива штета.

Партнерот кој се впушта во „здрав судир“ не е несклон кон конфликти и не е пасивно-агресивен. Тој / таа не доминира во разговорот, не го напаѓа другиот и не користи навредлив јазик или однесување. Тие луѓе може да се налутат, па дури и да се развикаат, но брзо се смируваат и ја преземаат одговорноста за улогата што ја имале во кавгата. Способни се и да се извинат кога тоа е потребно.

Управување со емоциите на здрав и продуктивен начин

Способноста да се насочат сопствените емоции не значи - да се потиснуваат или негираат своите чувства. Напротив, ова значи способност да се толерираат негативните емоции и стресните искуства без да се реагира импулсивно. Умешното смирување по вознемирувачко искуство - е клучна компонента на емоционалната интелигенција и во здравите врски.

Дозволи ѝ / му да биде она што навистина е!

Емоционално интелигентните партнери не гледаат „закана“ во меѓусебните разлики и не бараат ексклузивно внимание. Тие не очекуваат од другиот да биде совршен /-а, или да се менува за да му угоди на другиот во врската или да се приспособи на неа / него, на неговите или нејзините афинитети, претпочитања и интереси, па дури и на она што не ѝ / му се допаѓа. Тие ги почитуваат Вашите интереси, граници и желбата да ги правите работите сами, на пр. - да се гледате со своите пријатели, да негувате свое хоби или едноставно да уживате во своето време сами.

Емпатија

Можеби една од клучните одлики на емоционалната интелигенција е емпатијата, којашто е од суштинско значење за градење доверба и однос со партнерот, дури и кога двајцата не се согласуваат. Може да се изрази во различни случаи, а тоа како особина добро се препознава, на пр. ако партнерот поставува прашања и покажува интерес за другиот во врската. /МИА

Лунин се извини по катастрофалниот пораз од Романија

Голманот на украинската репрезентација Андреј Лунин се извини за поразот од Романија (0:3) во првото коло на групниот турнир на Евро 2024 година.

-Сакам да му се извинам на тимот, на сите. Уште не е готово. Немаме избор, треба брзо да се опоравиме, да се префрлиме на следниот натпревар, да направиме се што е можно и невозможно за да стигнеме понатаму, изјави Лунин за украинските медиуми.

Голманот на Реал Мадрид беше виновник за два од примените три гола.

Во следниот натпревар Украина ќе игра против Словачка на 21 јуни. /МИА

In memoriam: Почина новинарот Иван Андреевски – Маче

Синоќа на 77 годишна возраст ненадејно почина новинарот Иван Андреевски – Маче. 

Роден е во 1947 година во Доленци, Демирхисарско.

Андреевски својата кариера ја почнува во Радио Телевизија Скопје, веднаш по завршувањето на факултетот за политички науки во Белград во 1971 година, како новинар во документарната редакција, работејќи на репортажи, документарни филмови и фељтони. Бил директор и одговорен уредник во Радио Телевизија Скопје од 1986 до 1990 година, бил ангажиран и како дописник на Ројтерс, Радио Слободна Европа и Јутел, а своевремено член и претседател на Советот за радиодифузија. Продолжува да ја гради професијата Македонската радио телевизија, основач е на скопската програма и утринската програма на МРТ.

Од 1997 до 2006 година бил претседател на Здружението на новинари на Македонија, а добитник е и на наградата „Мито Хаџивасилев – Јасмин“.

Погребот ќе биде на 21 јуни, во неговото родно село Доленци.

притисни ентер