Конгресменка вели дека ќе му поднесе импичмент на Бајден на првиот ден во Белата куќа (ВИДЕО)

Новоизбраната републиканска конгресменка Марџори Тејлор Грин вели дека ќе започне процес за отповикување против новоизбраниот американски претседател Џо Бајден на неговиот прв ден во Овалната соба.

Таа вели дека ќе го стори тоа поради „злоупотреба на моќта“ на Бајден.

Грин го откри својот план на Твитер откако беше изгласано повлекувањето на Доналд Трамп под обвинение за поттикнување насилство.

Додека 10 републиканци гласаа против Трамп, конгресменката Грин беше меѓу 197 претставници на Претставничкиот дом што го бранеа претседателот.

„На 21 јануари 2021 година, ќе поднесам барање за отповикување на Џо Бајден за злоупотреба на службената положба“, напиша таа на Твитер, додавајќи ги хаштаговите „#ImpeachBiden“, #QuidProJoe и „BidenCrimeFamilly“.

Грин во средата зборувала за својот план во интервју за „Њузмакс“.

„Во име на американскиот народ, ние мора да осигураме дека нашите лидери ќе одговараат. Не можеме да имаме претседател на Соединетите Држави подготвен да ја злоупотреби моќта на претседателствувањето, а странските влади, кинеските енергетски компании и украинските енергетски компании можат лесно да го поткупат“.

„Не можам да замислам дека луѓето во оваа земја толку се плашат од претседателството на Бајден што се подготвени за насилство како она во Капитол овде во Вашингтон“, продолжи таа.

„На американскиот народ му е потребна надеж, треба да знае дека има републиканци во Конгресот кои се подготвени да застанат и да се борат за нив, без оглед на тоа што се во малцинство, без оглед на тоа што ги имаат сите шанси против нас.”

Без работа во изминатата една година во тетовско останале 1157 луѓе

На подрачјето на Тетово и петте рурални општини има 7588 повеќе невработени, покажуваат податоците на Центарот за вработување ако се споредуваат 2020 и 2021 во овој период.

Во март 2020 имало 13194 невработени, додека сега на 28 февруари се евидентирани 7588 повеќе односно 20782 невработени. Поради Ковид-19 кризата без работа останале 1157 лица.

-Во периодот од 11 март 2020 година до 28 февруари 2021 или една година со кризата со Ковид-19 престанок на работен однос во Центарот за вработување се евидентира кај вкупно 1157 луѓе. Понатаму по однос на прв пат пријавени лица во евиденција на невработени лица до 28 февруари има 2520 невработени лица. Останатите невработени лица се по други основи, информира раководителот на Центарот за вработување во Тетово, Љупчо Апостоловски.

Кај луѓето што ја изгубиле работата најчесто станува збор за вработени во преработувачката дејност и трговијата.

-Според основот на престанокот на работниот однос најголем дел се поради истек на вработување на определено време, а во однос на дејноста на работодавачот најголем дел се од преработувачката дејност и трговијата на голема и мало, информира Апостоловски.

Според евиденцијата вкупниот број на невработени лица 20782 лица се активни баратели на работи и 4608 пасивни баратели на работа.

-Бројот на невработени лица евидентирани во Центарот во однос на претходниот месец јануари 2021 е зголемен во февруари за 310 невработени лица, вели раководителот.

И тетовскиот центар од 15 март започнува со спроведување на оперативниот план за активни програми и мерки за вработување на пазарот на трудот за 2021 година.

МЗ. 721 новозаболени, 1753 оздравени, 9 починати

Во последните 24 часа се направени 3.323 тестирања, а регистрирани се 721 нови случаи на ковид-19 .

Министерството за здравство информира, согласно податоците од Институтот за јавно здравје:

Во последните 24 часа се направени 3.323 тестирања, а регистрирани се 721 нови случаи на ковид-19 во:

Скопје – 357, Прилеп – 72, Кавадарци и Гевгелија – по 42, Неготино – 30, Охрид – 26, Велес – 20, Гостивар – 18, Куманово – 17, Битола – 16, Кочани – 12, Крушево – 10, Струга – 8, Штип и Богданци – по 7, Крива Паланка – 5, Кичево, Ресен и Валандово – по 4, Тетово и Виница – по 3, Струмица, Делчево, Демир Капија и Пехчево – по 2, Свети Николе, Радовиш, Пробиштип, Кратово, Македонска Каменица и Дојран – по 1.

Регистрирани се 1.753 оздравени пациенти од:

Скопје – 750, Делчево – 120, Охрид – 97, Кавадарци – 85, Тетово – 80, Велес – 74, Струмица – 64, Гостивар – 57, Прилеп – 51, Битола – 42, Куманово и Кичево – по 38, Струга – 35, Штип - 25, Гевгелија, Ресен и Дебар – по 22, Крушево – 19, Неготино, Кочани и Демир Капија – по 15, Радовиш – 14, Крива Паланка – 12, Виница и Свети Николе – по 8, Богданци - 6, Македонски Брод – 4, Кратово – 3, Валандово, Пехчево, Пробиштип, Македонска Каменица и Берово – по 2, Дојран и Демир Хисар – по 1.

Пријавени се вкупно 9 починати лица. Починати се по 3 пациенти од Скопје (85г,80г,69г,), 2 пациенти од Куманово (81г,74г) и по 1 пациент од Прилеп (75г), Велес (73г), Крива Паланка (73г) и Валандово (71г). Осум пациенти се починати во болнички услови, додека еден пациент е починат во домашни услови.

Направени се 3.323 тестови преку: ИЈЗ-679, ЦЈЗ Скопје-131, Авицена-305, Биотек-317, Жан Митрев (Филип Втори)-180, Систина-272, лабораторија Лаор–176, МАНУ-0, Судска медицина-14, ЦЈЗ Битола-78, Клиника за инфективни болести и фебрилни состојби-3, ГАК-0, Синлаб-113, Ремедика-22, лабораторија болница Козле-0, ЈЗУ и ПЗУ (рапид тест) – вкупно 1029, УК Пулмологија со алергологија–4, ГОБ 8-ми Септември-0, лаборатории од странство-0.

Досега во земјата се направени вкупно 533.505 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 105.269, бројката на оздравени пациенти е 93.942, на починати е 3.165, а бројот на активни случаи изнесува 8.162.

Според досега завршените епидемиолошки анализи во моментов дистрибуцијата по градови е следна:

Дистрибуција по градови Заболени (нови) Активни случаи (вкупно)

Скопје 357, активни 3750

Куманово 17, активни 314

Прилеп 72, активни 663

Тетово 3, активни 246

Гостивар 18, активни 145

Штип 7, активни 102

Велес 20, активни 223

Кавадарци 42, активни 561

Битола 16, активни 183

Охрид 26, активни 404

Струмица 2, активни 158

Струга 8, активни 163

Кочани 12, активни 88

Кичево 4, активни 40

Неготино 30, активни 279

Гевгелија 42, активни 243

Свети Николе 1, активни 19

Крива Паланка 5, активни 106

Ресен 4, активни 47

Дебар, активни 21

Делчево 2, активни 66

Радовиш 1, активни 10

Берово, активни 30

Пробиштип 1, активни 31

Виница 3, активни 23

Валандово 4, активни 33

Крушево 10, активни 76

Богданци 7, активни 52

Кратово 1, активни 26

Демир Хисар, активни 22

Македонски Брод, активни 4

Демир Капија 2, активни 27

Македонска Каменица 1, активни 2

Пехчево 2, активни 4

Дојран 1, активни 1

Со почит,

Одделение за односи со јавност

Министерство за здравство

Вулканот Пакаја во Гватемала се активира со исфрлање на лава и чад

Вулканот Пакаја кој се наоѓа на две илјади 522 метри надморска висина и на 20 километри оддалеченост од Гватемала повторно се активира со исфрлање лава и облаци од чад.

Вулканот Пакаја има високо ниво на активност што предизвикува ерупција од стромболиски тип со силни експлозии, се наведува во соопштението на гватемалскиот институт за сеизмологија и вулканологија.

Властите со внимание ја следат состојбата во случај на потреба од евакуација на населението.

притисни ентер