Конференција: Кога имавме еден Клинички центар најголемиот долг беше 6 милиони евра

Кога имавме еден Клинички центар најголемиот долг беше 6 милиони евра, а денес само Онкологија должи преку 20 милиони евра.

Клиничкиот центар брои 36 клиники и има комплетен буџет од околу 9 - 10 милиони евра. Кога беше еден, до 2008 - 2009 година, со еден директор и еден Управен одбор, најголемиот долг изнесуваше околу 6 милиони евра, а сега преку 20 милиони евра долг има само Клиниката за онкологија. Се ставија многу директори, од еден на времето, сега има 66 заедно со економските, како и 36 управни одбори. Тоа значи дека на месечно ниво се трошат огромни суми пари. Ако тие се вложат паметно и ако се врати Клинички како што беше до 2008-ма, ќе има голем бенефит и за здравствените работници и за народот, рече денеска претседателот на Самостојниот синдикат на вработените во универзитетските клиники, центри, клинички болници и други јавни здравствени установи во земјава, Предраг Серафимоски.

Како што истакна Серафимоски на конференцијата „Влијанието на корупцијата и непотизмот врз реформите, платите и капацитетите на јавниот сектор“, ситуацијата во здравството е алармантна - има корупција при набавка на медицинска опрема, материјали и лекови, има непотизам при вработување, граѓаните се научени да даваат „бакшиш“ само за да завршат работа на лекар, докторите и останатиот медицински персонал масовно ја напуштаат државата,...

Закони има, напомена Серафимоски, но некој треба да ги спроведува. Ако се утврди коруптивна зделка, треба да има високи казни и тие да се почитуваат.

Претседателот на Самостојниот синдикат, „излезот“ го гледа, пред се, во зголемување на платите на лекарите и медицинскиот персонал. Без тоа, како што потенцира, залудно е да се градат или да се модернизираат болниците.

-Корупцијата во нашето општество е општо прифатена норма, а позната е уште како „бакшиш“. Перцепцијата на граѓаните е дека во здравството има голема корупција, и во јавното и во приватното. Во приватното здравство каде платите се далеку поголеми, постои тенденција граѓанинот, за да заврши работа за добро на своето или здравјето на фамилијата, сака да го почести докторот. Но, така е и во јавното здравство - тоа ни е веројатно во генот. Која било партија да е на власт, прво треба да се зголемат платите во здравството, инаку е се залудно. Залудно е да се прават болници и да се модернизизраат ако лекарите и останатиот медицински персонал масовно бегаат и има егзодус, најмногу во Германија и Австрија, а во последно време и во Шведска и Норвешка. Ако продолжиме со оваа политика, за кратко време ќе нема кој да го лечи народот, ќе се вратиме на бајачки, истакна Серафимоски и повтори дека од 450 доктори, 430 земаат лиценци на англиски и германски јазик.

Ова, дополни, треба да им биде јасно на сите политичари.

-Вака веќе не може. Фондот е максимално искористен, се испумпуваат пари во приватните здравствени организации, а сите најтешки пациенти повторно завршуваат во јавното здравство. Треба да се сменат законите за нулта толеранција на корупција и да се прибилижиме кон европските норми, но без зголемување на платите се друго е ирелевантно, рече Серафимоски.

Претседателот на Синдикалната организација на Агенцијата за финансиска поддршка во земјоделството и руралниот развој при САДУ и член на претседателството на Синдикатот на администрацијата и државната управа на Македонија (САДУ) при КСС, Стефчо Негриески, изнесе податок дека почетната плата на судија во земјава е 130 000 денари, а на лекар специјалист 45 000. Според него, „Систина“ има помал буџет од Струшката болница, а ако се споредат условите и платите, може да се заклучи дека пари има, но не се домаќински потрошени.

- Парите се крадат, пари има, но не се домаќински потрошени, нагласи Негриески.

Заврши драмата во Италија: По 44 часа закана, момче се откажа до намерата да скокне од балкон

Млад човек (23) од Пескара, Италија, кој се заканувал дека ќе скокне од терасата на својот стан, по 44 часа преговори се откажал под изговор дека е уморен.

„Доста ми е, уморен сум“, им рекол на полицајците и се симнал од оградата на терасата на која балансирал речиси два дена, објави АНСА.

Момчето од 28 февруари во 14 часот и 30 минути стоело на работ од оградата на терасата, а причините се уште не се познати.

Откако се симнал, влегол во куќата и им ја отворил вратата на специјалците на кои им рекол дека му е доста. Го завиткале во ќебе и заедно со кучето го извадиле од станот.

Екипата на итната помош му пружила соодветна нега и тој е префрлен во болница.

Георгина направи фустан од дресот на Роналдо и прошета по модната писта (ФОТО)

Георгина Родригез, партнерката на португалскиот фудбалер Кристијано Роналдо, привлече големо внимание на Модната недела во Париз поради изборот на облека во која прошета по пистата.

Оваа шпанска убавица вчера вечер беше на модната писта, на ревијата на Vetements, облечена во фустан од дресот на Роналдо со потпис и посебна посвета на актуелниот играч на Ал Наср.

Медиумите пишуваат дека овој фустан е пример за „блоккор“ кој комбинира спортска мода со урбана облека, а на задната страна пишувало:

- За љубовта на мојот живот, Георгина и Ветементс - потпишан од Кристијано Роналдо.

На Георгина, инаку, не и е непозната Модната недела, бидејќи претходно присуствувала на некои од најголемите модни ревии. Сепак, ова е прв пат да прошета со некој од брендовите. Сите се согласуваат дека нема да и биде последен настап.

Во сообраќајка кај Колари синоќа загина 46 годишник од Скопје, со возилото излетал од патот

Во сообраќајна несреќа вчера околу 18 часот на магистрален пат Кичево – Гостивар кај селото Колари животот го загуби 46 годишник од Скопје, откако со возилото што го управувал излетал од патот. 

Во сообраќајката со тешки повреди се здобила малолетна сопатничка во автомобилот.

-На 01.03.2024 во 18.20 часот во полициската станица Кичево, пријавено е дека на магистрален пат Кичево – Гостивар, кај селото Колари, патничко возило „форд“ со скопски регистарски ознаки, управувано од В.Н.(46) од Скопје, излетало од коловозот. Притоа, тој од здобиените повреди починал на местото на настанот, а смрт констатирал лекар од Итна медицинска помош. Со тешки телесни повреди се здобила малолетна сопатничка, констатирани во болницата во Кичево, информираше СВР Охрид.

Увид на местото извршила увидна екипа од Одделението за внатрешни работи Кичево.

притисни ентер