Во секој извештај за напредок на Македонија од Европската комисија, секогаш е нотирана корупција, непотизам и превработување во јавниот сектор, а прстот е вперен во вработените вели Благоја Ралпковски, претседателот на Конфедерацијата на слободни синдикати.

Според него, одговорност наместо кај административците, треба да се бара од избраните и именуваните лица. Истражувањата на КСС покажале дека постои корупција без исклучок во целиот јавен сектор, а решението треба да се бара во неговата дигитализација и спроведувањето на законите, наместо постојано носење на нови..

-За да се сузбие така корупција треба да се направи дигитализација, таа дигитализација ќе овозможи мерит систем затоа што системот ќе кажува кој работи кој не работи, а за тоа да се случи треба да има политичка волја, треба да почнат да се спроведуваат законите и треба да се направи еден мораториум во јавниот сектор каде ќе се преброиме кој што треба да работи и каде треба да работи,- Благоја Ралпковски – претседател на КСС.

Со корумпирана јавна администрација се дава впечакот на граѓаните дека таа е нефукционална и непродуктивна, објавнува професорот Лазар Јовевски . Според него со корумпиран јавен сектор се праќа негативна порака и кон идните генерации во државата, но и кон оние кои сакаат да ја вршат својата работа професионално и чесно.

- Се случува еден интересен феномен во македонската администрација да кога гледаат дека некој прави злоупотреба на права и закони или врши коруптивни дејствија наместо да се пријави или спротистави всушност многу често вели па ако може тој зошто не и јас,- проф. д-р. Лазар Јовевски – професор по трудово и социјално право.

Токму влијанието на корупцијата и непотизмот врз реформите, платите и капацитетите на јавниот сектор беа тема на денешната панел дискуција на КСС. Таму свое обраќање имаа и претседателите на синдикатите на здравствените установи и полицијата кои истакнаа дека клучен проблем со корупцијата и непотизмот во овие институции е политичкото влијание.