Кондовски:Општина Битола ќе биде ефикасна општина, ефикасен сервис на граѓаните!

Целокупната постапка за издавање на одобрение за градење ќе трае не повеќе од 30 дена, односно 45 дена доколку е потребно дополнување и корегирање на проектната документација.

Општина Битола ќе биде ефикасна општина, ефикасен сервис на граѓаните!

Целокупната постапка за издавање на одобрение за градење ќе трае не повеќе од 30 дена, односно 45 дена доколку е потребно дополнување и корегирање на проектната документација.

Предметите за легализација ќе бидат решени во рок од 30 дена од денот на комплетирање на документацијата. Сите баратели кои имаат нерешени предмети ќе добијат известување во рок од 60 дена од денот на отпочнувањето на новиот мандат за состојбата на нивниот предмет и потребата од докомплетирање на предметите.

На решавање на сите нерешени предмети ќе пристапиме веднаш на почеток на мандатот. Ќе се формира посебна организациона единица која ќе работи исклучиво на овие предмети.

Постапката за данок на промет на недвижности, наследство и подарок ќе трае најмногу 10 дена од денот на поднесување на барање. Ќе се овозможи електронско плаќање на овие даноци, како и на данокот на имот преку АТМ терминал и преку електронска платформа на интернет.

Уверенија за куќен број, уверенија за во и вон градежен реон и изводи од план ќе се издаваат во рок од 5 работни дена.

На посебен линк на веб страната на Општина Битола и преку мобилна апликација граѓаните ќе можат да пријават комунален проблем, проблем со улично осветлување, како и потреба од санација на ударни дупки. За тоа ќе можат да прикачат фотографија и да ја наведат локацијата. Санацијата ќе следи во рок од 3 работни дена, а и за извршената интервенција ќе бидат прикачени фотографии. Пријавениот проблем и активностите за решавање на истиот ќе бидат видливи, со цел отчетност пред граѓаните.

Ќе обезбедиме консултации за граѓаните пред поднесување на барање за дооформување на градежна парцела и иницијатива за донесување или промена на урбанистички план.

Целта е правилно да бидат насочени и информирани за законските можности, а отпочнатите постапки ќе се разрешуваат во рок од 15 дена од денот на поднесувањето на барањето. Ќе се воспостави стандардизиран систем за поднесување претставки и предлози за проблемите со кои се соочуваат граѓаните. На тој начин тие ќе информираат и за попречување или одолговлекување при остварувањето на нивните права од страна на административниот службеник задолжен за постапување по конкретен предмет.

На секоја претставка или предлог на граѓанинот ќе биде дадено образложен одговор во рок од 15 дена од денот на поднесувањето, во писмена форма.

Ќе работиме на подобрување на јавната чистота и заштитата на животната средина со користење на постоечките ресурси на јавните претпријатија, паралелно со проектот за обнова и збогатување на постоечката хоризонтална и вертикална сообраќајна сигнализација.

Ќе се следи активноста на секој административен службеник и бројот на решени предмети по организациони единици и по сродност на управната материја.

Ќе се објавува листа на успешност на административните службеници. Најдобрите административни службеници од секоја организациона единица ќе бидат вреднувани, стимулирани и наградувани.

Градоначалникот на општината и општинската администрација ќе бидат проактивен сервис на граѓаните насочен кон препознавање на развојните идеи и иницијативи и нивна поддршка.

Сето тоа ќе се прави со еднакво третирање на секој граѓанин во функција на насочување на целокупните човечки ресурси кон издигнување на Битола во витален регионален центар, затоа што општината ви припаѓа вам, на граѓаните.

СДСМ ИНВЕСТИРА ВО СЕГАШНОСТА И ИДНИНАТА! ИЗБЕРЕТЕ ГО НАЈДОБРОТО ЗА ОПШТИНА БИТОЛА! ИЗБЕРЕТЕ ГО БРОЈОТ 12!

Кандидатот за градоначалник, Христо Кондовски

На Британец му извадиле бубрези, тешки рекордни 35 килограми: Можам да дишам (ВИДЕО)

Ворен Хигс, 54, од Виндзор, Велика Британија, страда од полицистична бубрежна болест.

Тоа е наследна болест која предизвикува раст на цисти во бубрезите и може да доведе до откажување на бубрезите. Зафаќа едно лице од 1.000 и нема лек.Хигс бил опериран пред неколку месеци, а хирурзите велат дека неговите бубрези биле рекордно големи.

Имено, тежеле вкупно 35 килограми, а хирурзите му ги отстраниле двата бубрега.Се верувало дека стариот рекорд изнесувал 7,4 килограми, а тој бубрег е изваден од пациент во Индија.

Хигс се вратил во релативно нормален живот три месеци по операцијата и вели дека се чувствува многу подобро.

„Можам да дишам, можам да јадам“, вели тој, но сепак се бори со рамнотежата.

Сепак, тој редовно оди во теретана и тренира и планира да истрча 10 милји дневно.

Во Романија нема места на ооделите за интензивна нега, пациентите лежат на душеци на подот

Рекорден број на нови смртни случаи од коронавирус денеска се регистрирани во Романија, а болничкиот систем достигнал точка што нема повеќе слободни кревети на одделите за интензивна нега.

Во последните 24 часа, пријавени се повеќе од 18.800 нови инфекции со „Ковид-19“, а 574 луѓе починале. Романија е втората земја во Европа со најниска стапка на вакцинација, пишува Ројтерс.

Видеата од болниците во Букурешт покажуваат пациенти како лежат на душеци на подот или држат резервоари за кислород на преполните клупи во ходниците. Мртовечниците работат со полн капацитет.

"Нема доволно простор за сите случаи. Ако стапката на вакцинација беше 70 до 80%, сега ќе имавме десет пати помалку смртни случаи", рече Клаудио Русу, доктор во единицата за интензивна нега.

Во Романија, само 36% од возрасната популација е целосно вакцинирана, а просекот на Европската унија е 74%. Досега во октомври, едно лице на секои пет минути починува во земјата од последиците од инфекција со ковид.

Условите за избор на Мис на Франција ги шокираа кандидатките, подготвија тужба

Француските активистки за правата на жените поднесоа тужба против организаторите на изборот Мис Франција за дискриминација, пренесува порталот Франс инфо.

Групата Osez le féminisme (Осмели се за феминизмот) со три одбиени кандидатки ја обвинија Мис Франција и Ендемол за дискриминација на работа. Тие тврдат дека е неприфатливо условот за избор да е висината над 170 сантиметри, кандидатките да не се во брак и да се „претставнички на убавината“.

„Според францускиот закон, забранет е секаков вид дискриминација врз основа на возраста, моралот, физичкиот изглед и семејниот статус“, изјавила за АФП Виолан Де Филипис-Абате, адвокат на групата „Осез ле феминисме“.

Но, прашање е дали француските натпреварувачки можат да се третираат како вработени. Имено, тие потпишуваат договор, но тоа не е договор за вработување. Француските медиуми пишуваат дека тужителите сега се повикуваат на судската одлука од 2013 година, кога поранешниот кандидат за г -дин Франција ги тужел организаторите од слични причини.

притисни ентер