Компанијата „Тесла“ остварила рекорден приход

Компанијата Tesla ги реши проблемите со снабдувањето и забележа повеќе од три пати поголем профит во споредба со минатогодишните резултати, надминувајќи ги очекувањата на Волстрит за овој квартал.

Компанијата има приспособено профит од 2,9 милијарди долари, што е силен пораст од 903 милиони долари една година порано и многу над 2,6 милијарди долари предвидени од аналитичарите, пишува CNN.

Приходите од 17,7 милијарди долари се за 65% повисоки од претходната година. Овие резултати значат дека Тесла заработила 7,6 милијарди долари за една година, а имала приход од 53,8 милијарди долари.

Извршниот директор Илон Маск повторно се појави на конференциска врска со инвеститорите, откако ја пропушти пред три месеци. Пред шест месеци, тој рече дека повеќе нема да биде на повици освен ако нема „нешто важно“ да каже.

Веста што им ја пренесе на инвеститорите гласи дека Tesla ги одложува плановите за нови возила поради проблеми со снабдувањето со кои се соочува компанијата: „Нема да воведуваме нови модели на возила оваа година. Тоа нема да има смисла. Сè уште ќе имаме ограничен пристап до делови. Ќе бидеме подготвени да започнеме со производство, се надеваме следната година“.

Tesla ги претстави плановите за голем број возила во својата палета на производи, вклучително и пикап Cybertruck, моделот Roadster или автомобилот од 25.000 долари кој што би бил поевтин од кој било од неговите сегашни модели.

Да се ​​донесе нов производ на пазарот во 2021 година барало многу внимание и ресурси, истакна Маск, а истото важи и за оваа година. Тој додаде дека компанијата се справува со „повеќе предизвици во синџирот на снабдување“, но не наведе детали. „Недостигот на чипови, иако не е толку изразен како минатата година, сепак е проблем“, рече Маск.

Во соопштението, компанијата предупреди дека се соочиле со предизвици во глобалниот синџир на снабдување, транспорт, работна сила и производство во последниот квартал, за што велат дека ја ограничува нејзината способност да фабриките да работат со полн капацитет.

Проблемите со снабдувањето со делови, особено со компјутерски чипови, се проблем за целата автомобилска индустрија повеќе од една година. Тесла успеа да го зголеми своето производство и продажба соочена со овој недостаток. Спротивно на тоа, нејзините традиционални конкуренти во автомобилската индустрија биле принудени привремено да ги затворат своите фабрики и да го ограничат производството. Ова резултира со опаѓање на залихите на нови возила низ индустријата и рекордно високи цени за купувачите на автомобили.

Спротивно на тоа, Tesla успеа да го задоволи зголемениот апетит за електрични возила кај клиентите. Глобалната продажба на електрични возила се проценува дека пораснала на 4,5 милиони минатата година од 2,1 милиони во 2020 година, според истражувачката компанија LMC. Тесла продале 936.000 возила во 2021 година, што е речиси двојно повеќе од 500.000 продадени возила во 2020 година.

„Со оглед на тоа што недостигот на чипови сè уште е голем проблем во автомобилскиот свет и со оглед на логистичките проблеми на глобално ниво, овој импресивен напредок во заработката зборува за побарувачката за електрични возила, така што Tesla влегува во 2022 година со прилично добри резултати“, рече Ден Ајвс, аналитичар за Wedbush Securities.

Тесла најави дека очекува зголемување на производството во постојните фабрики во Калифорнија и Шангај, заедно со зголемено производство во новите фабрики во Остин, Тексас и Берлин.

„Веруваме дека има потенцијал за проширување на вкупниот капацитет на фабриката во Фремонт во Калифорнија на над 600.000 возила годишно. Веруваме дека конкурентноста на пазарот на електрични возила ќе биде одредена од способноста да се додаде капацитет низ синџирот на снабдување и да се зголеми производството. “, се вели во соопштението на компанијата.

Tesla започна со производство на својот SUV Model Y, своето ново возило, во фабриката во Остин кон крајот на минатата година: „По финалната сертификација на моделот Y произведен во Остин, планираме да започнеме со испорака до клиентите“. Што се однесува до фабриката во Берлин, компанијата соопшти дека работи на дозволи за производство со тамошните власти.

Очигледно е дека има побарувачка за автомобилите на Tesla, под претпоставка дека компанијата може да ја зголеми својата понуда. Понудата на возилата на Tesla се намалила во последниот квартал и залихите биле доволни за само четири дена продажба, во споредба со 11 дена во претходната година и просечни 28 дена во 2017 година. Дури и во индустрија која има рекордно ниски залихи на нови возила, ова е исклучително мала понуда.

Во соопштението на Tesla за заработката и приходот не се дадени никакви детали за тоа кога Cybertruck ќе биде достапен, освен што се вели дека ќе се произведува во Остин по Model Y.

Акциите на Tesla, кои паднаа за 11,3% во 2022 година, пораснаа за време на првиот дел од конференцискиот повик со инвеститорите. Акциите на Tesla вредат повеќе од пазарната вредност на 10-те најголеми светски производители на автомобили и покрај тоа што компанијата е помала од која било од нив.

Дали евентуално ново вето од Бугарија ќе влијае на динамиката на политичките процеси дома?

 И доколку бугарското вето за Македонија во јуни остане, политичка дестабилизација и предвремени избори нема да има, вели премиерот Димитар Ковачевски. 

Според него Македонија е заложник на датуми иако ги има исполнето сите критериуми за почеток на преговори со ЕУ, а функционирањето на една Влада не може да се врзува само со еден датум во текот на годината.

За вонредниот коалициски совет којшто бугарскиот премиер Петков го свика во Софија за односите со Скопје, Ковачевски вели дека тоа е внатрешно прашање и нема ништо ново во преговорите меѓу двете страни, ниту заеднички прифатлив документ за кревање на ветото.

-Функционирањето и работата на една Влада не може да се врзува само со еден датум којшто е како некоја отсечка во текот на годината. Ние предолго време бевме заложници на датуми, бидејќи секогаш се очекуваше некаков датум којшто не зависеше од нас бидејќи ако ги погледнете извештаите за Македонија тогаш ние имаме четири последователни позитивни извештаи. Немам информации околу коалицискиот совет во Софија, бидејќи е коалициски совето во Бугарија. Доколку има било каков напредок, ќе биде споделено на ниво на министерствта за надворешни работи. Во однос на Владата, таа е стабилна и има парламентрано мнозинство од 64 пратеници кое работи на програмските определби, изјави Ковачевски.

Од ВМРО-ДПМНЕ не се откажуваат од намерата преку активна блокада на Собранието да издејствуваат предвремени парламентрани избори. Лидерот на партијата Христијан Мицкоски не прецизираше дали планираат да ја променат тактиката на делување по последните постапки од собранискиот спикер Џафери и интерпелацијата што ја најавија за неговата работа. Во однесувањето на Џафери гледа обид да предизвика инцидент.

-Полн е за жал спикерот со примитивизам, и тоа навистина делува фрустрирачки за сите граѓани. Не за нас што се срамиме од тие недолични постапувања што се занимаваме со политика, туку сите граѓани. Еве, прашајте ги луѓето овде и насекаде. Тој примитивизам навистина згрозува. Но, морам да кажам не е наивен. Затоа што тој примитивизам има своја цел, а таа цел е да предизвика инцидент налик на оној од 27-ми април, и да може овој примитивец заедно со сите тие кои што го поддржуваат да бидат претставени во едно поинакво светло од тоа што се. Треба да знаат тие сценаристите и организаторите дека ВМРО-ДПМНЕ е многу поискусна, и ВМРО-ДПМНЕ е многу поорганизирана, и нема намера да ја продолжи оваа агонија во Македонија, изјави Мицкоски.

Освен активната блокада на Собранието, од ВМРО-ДПМНЕ најавија и протест на 18 јуни за како што велат уривање на Владата и одржување предвремени избори. Тој ќе се одржи неколку дена пред редовниот јунски самит на ЕУ на кој се поизвесно е дека бугарското вето за Македонија ќе биде потврдено.

ТАВ ја завршува рехабилитацијата на пистата на Меѓународниот Аеродром Скопје

ТАВ ја завршува  рехабилитацијата на пистата на Меѓународниот Аеродром Скопје, од утре од 17 часот летовите се нормализираат  .

ТАВ Македонија, за утре, сабота, 28-ми мај, најавува дека ќе ја заврши рехабилитацијата на пистата на Меѓународниот Аеродром Скопје и од 17 часот попладнето летовите ќе почнат да се одвиваат во текот на целото деноноќие.

Градежните работи за рехабилитација на пистата на Меѓународниот Аеродром Скопје почнаа на 28-ми март и оттогаш досега распоредот на летови беше изменет, односно летовите се одвиваа од 17 часот до 9 часот секој ден, а од 9 часот до 17 часот се работеше на пистата.

„Овој голем инвестициски проект завршува по 62 дена градежни работи за обновување на асфалтот на пистата на скопскиот аеродром. Ние во ТАВ сме задоволни и уверени дека успешното завршување на проект од овој вид за првпат по реконструкцијата на пистата во 1996 година ќе обезбеди повисок квалитет на аеродромските услуги. Би сакале да се заблагодариме на сите засегнати страни и чинители бидејќи навистина ја цениме нивната соработка, поддршка и придонес", изјави Метин Батак, Генерален директор на ТАВ Македонија.

Пистата на Меѓународниот Аеродром Скопје е долга 2.950 метри и широка 45 метри, а овој проект за рехабилитација на пистата е прв по реконструкцијата на пистата на скопскиот аеродром во 1996 година, кога истиот бил целосно затворен за сообраќај во период од 2,5 месеци, а авиосообраќајот бил префрлен на охридскиот аеродром.

ТАВ Македонија ги советува патниците редовно да ги следат и проверуваат веб-страниците на авиокомпаниите, со цел да ги видат најновите/евентуалните измени за летовите од/до Меѓународниот Аеродром Скопје.

На веб-страницата на Меѓународниот Аеродром Скопје, во категоријата „Летови" (Пристигнувања/Заминувања) информациите за евентуални промени во редот на летање се ажурираат редовно и во реално време, како што ТАВ Македонија ги добива од авиокомпаниите.

Обвинителството бара притвор за осомничените во „делчевски ниви“

Обвинителството бара притвор за шест од седумте осомничени во случајот „Делчевски ниви“, за кој вчера управата за финансиска полиција поднесе кривична пријава. 

Тие предпладнево беа донесени пред судија на претходна постапка во Кривичниот суд во Скопје. Таму е Михајло Видимлиски, михајло, дали заврши распитот, се знае ли одлуката на судот?

Во случајот „Делчевски ниви“, судуммина се осомничени за измама вредна 1,6 милиони евра. Двајца од нив се управители на „ЕВН Електрани Македонија“, според информациите станува збор за Игор Гиевски, поранешен претседател на Унијата на млади сили на ВМРО-ДПМНЕ и Мирослав Митровски, кој е син на поранешниот градоначалник на Ѓорче Петров, Сокол Митровски.

Тие како управители направиле анализа со лажни и невистините податоци за пренамена на земјиштето кое било откупувано од ЕВН, а со анализата управителите свесно ставиле многу повисока цена од реалната пазарна. На тој начин управителите го довеле во заблуда Управниот одбор на компанијата, да купи земјиште кое не можело да се пренамени од земјоделско во градежно иако било купувано за таа намена. Станува збор за 48 катастарски парцели во реонот на Делчево, Ветрен, Габрово и Берово, од кои 29 биле во сопственост на останатите осомничени.

-Осомничените првично ги стекнале парцелите со формални договори за дар, кои во суштина се договори за купопродажба бидејќи за трансакцијата им биле исплаќани парични средства. Со тоа незаконски била избегната обврската за достава на писмена понуда или објава на јавен оглас за земјиштето. Правното лице со вкупна проценета пазарна вредност од 35.000 евра, на продавачите им исплатило парични средства во вкупен износ од 1,6 милиони евра. Разликата помеѓу исплатената сума и реалната вредност на парцелите претставува значителна имотна корист што ја оствариле осомничените.- ЈОРМ.

СДСМ на прес конференција објваи дека меѓу осомничените е и Дарко Тодоровски, поранашен советник на ВМРО-ДПМНЕ во Делчево, како и Влатко Илиевски, за кој владејачката партија тврди дека му е телохранител на лидерот на ВМРО-ДПМНЕ, Мицкоски.

-Сите овие луѓе, освен што се осомничени за криминал, се луѓе на ВМРО-ДПМНЕ и секако блиски на Мицкоски. Клучно прашање е каква е улогата на Христијан Мицкоски во оваа афера? Јавноста очекува одговори. Јавноста очекува одговорност и целосно расчитување на оваа афера. ВМРО-ДПМНЕ да не врши притисок врз институциите туку да ги остави да ја расчистат оваа афера и сите што го прекршиле законот да одговараат. – Дарко Каевски - пратеник и портпарол на СДСМ.

За лидерот на ВМРО ДПМНЕ, Христијан Мицкоски, наводите на СДСМ се како што вели, лаги и измислици.

-Четири и пол години сум претседател на партијата и најчесто тие што ги конструираат завршуваат со судски пресуди и тие треба да се извинат. Така беше во минатото, ќе биде понатаму. Знаат дека ќе одговараат за криминалот, па затоа сега лажат. Тоа мене ме мотивира за да работам уште повеќе како досега, чесно и посветено. Сакаат да ја дефокусираат јавноста. Да бидам прецизен, верувам во презумција на невиност, но секој што се огрешил треба да одговара пред судот, родена сестра или брат ако се треба да одговараат. – Христијан Мицкоски – Претседател на ВМРО ДПМНЕ.

Истрагата на скопското обвинителство се отвора откако вчера Финансиската полиција извести дека е поднесена кривична пријава за седуммина, од кои двајца во својство на управители на ЕВН Електрани за сторено кривично дело измама во служба за купопродажба на ниви во Делчево. Останатите петмина се осомничени за помагање.

притисни ентер