Македонија

Комисијата за прашања на изборите и именувањата реши да не утврди предлог за член на КСЗД

Членот 18 од Законот за спречување и заштита од дискриминација се однесува на постапката за избор на членовите на Комисијата за спречување и заштита од дискриминација. 

Поради истекот на рокот утврден во Законот за спречување и заштита од дискриминација, членовите на Комисијата за прашања на изборите и именувањата констатираа дека оваа собраниска комисија нема да утврди предлог за избор на член на Комисијата за спречување и заштита од дискриминација по одлуката за објавување јавен оглас за избор на нејзин член објавено во Службен весник на Република Македонија бр.102/2021.

Марија Георгиевска, претседателка на Комисијата за прашања на изборите и именувањата информира дека документите доставени по овој оглас ќе бидат вратени на пријавените кандидати, а до Собранието ќе достави нова предлог одлука за објавување на јавен оглас, но сега, како што рече, заради констатирана оставка на член избран за период од три години, огласот ќе биде за два члена на Комисијата за спречување и заштита од дискриминација.

– Членот 18 од Законот за спречување и заштита од дискриминација се однесува на постапката за избор на членовите на Комисијата за спречување и заштита од дискриминација. Ставовите 1 и 2 го уредуваат објавувањето на огласот и неговото времетраење од 30 дена. Во ставот 3 на член 18 е наведено дека Комисијата за прашања на изборите и именувањата на Собранието на Република Македонија утврдува предлог листа од пријавените кандидати по претходно спроведена јавна расправа и во рок од 14 дена по истекот на рокот од ставот 2 на овој член ја доставува до Собранието на Република Македонија во прилог со материјал од сите доставени пријави и извештај за спроведената јавна расправа. Јавната расправа со пријавените кандидати, Комисијата ја спроведе на 26 јули 2021 година. Оваа 16.седница на Комисијата беше свикана исто така за 26 јули 2021 година, но истата беше одложена. Согласно членот 18 став 3 од Законот за спречување и заштита од дискриминација поминат е рокот од 14 дена за доставување предлог до Собранието за избор на член на Комисијата за спречување и заштита од дискриминација. Поради ова, предлагам Комисијата да не утврдува предлог за избор на член на Комисијата за спречување и заштита од дискриминација по одлуката за објавување јавен оглас за избор на член на Комисијата за спречување и заштита од дискриминација во Службен весник на Република Македонија бр.102/2021 година, изјави на почетокот на седницата претседателката на Комисијата Георгиевска во образложението.

Свет

Претставничкиот дом на САД треба да гласа за големиот пакет помош за Украина, Израел и Тајван

По неколкумесечно одложување, Претставничкиот дом на американскиот Конгрес денеска треба да гласа за големиот пакет помош за Украина, Израел и Тајван, вреден 95 милијарди долари, како и за евентуалната забрана на ТикТок во САД.

Предлог-законите се резултат на повеќемесечни тешки преговори меѓу демократите и републиканците, како и притисокот од сојузниците на САД и постојаните молби за помош од украинскиот претседател Володимир Зеленски.

Законите, сепак, сè уште имаат гласни противници во Конгресот, а надежите за усвојување зависат од кревката двопартиска коалиција која се обидува да ги надмине големите процедурални и законодавни пречки, пренесува Би-Би-Си.

Спикерот на Претставничкиот дом Мајк Џонсон изјави дека е решен да ги поднесе законите на гласање, и покрај фактот што радикалните републиканци може да побараат негово разрешување.

Предлогот предвидува 60,8 милијарди долари помош за Украина, 26,4 милијарди долари за Израел и 8,1 милијарди долари за индо-пацифичкиот регион, вклучувајќи го и Тајван.

Претставничкиот дом ќе гласа за секој предлог-закон поединечно, што значи дека некои може да поминат, а некои не.

Претседателот Џо Бајден и демократските пратеници во Конгресот со месеци се залагаат за нов голем пакет оружје за Украина, но републиканците под влијание на нивниот претседателски кандидат Доналд Трамп, ја условуваа помошта.

Со усвојување на законите, исто така, ќе му се овозможи на Бајден да конфискува и продава руски имот, а средствата да ги намени за помош на Украина, потег што беше прифатен и од другите земји од Г7.

Претставничкиот дом ќе ја разгледа и предложената законска одредба со која треба да се принуди ТикТок да се откаже од кинеската матична компанија ByteDance или ќе се соочи со забрана во САД, каде што има околу 170 милиони корисници.

Белата куќа соопшти дека „силно го поддржува“ вкупниот пакет помош и оти Бајден ќе ги потпише законите веднаш штом бидат усвоени од двата дома на Конгресот.

Тоа би можело да се случи за неколку дена, бидејќи лидерот на мнозинството во Сенатот, Чак Шумер, вети дека Сенатот со мнозинство од демократите брзо ќе преземе мерки штом бидат усвоени од Претставничкиот дом.

Сепак, политичките аналитичари во САД оценуваат дека усвојувањето на законите во Претставничкиот дом, би можело да го чини спикерот Мајк Џонсон губење на спикерското место. Неколку екстремно десничарски републикански пратеници предупредија дека може да го соборат Џонсон поради поддршката на нацрт-законите. /МИА

Македонија

Затруен од наркотици пронајден во бессознание во двор во Кавадарци

Кавадарчанец затруен од наркотици бил пронајден во бессознание во двор во Кавадарци, информираа денеска од СВР Велес.  

- Вчера во 12.00 часот во ОВР Kавадарци, од Итна медицинска помош било пријавено дека во дворот на М.К.(42) од овој град, во бессознание бил пронајден кавадарчанецот Б.О.(40), кој бил затруен од наркотични средства. Подоцна, со судска наредба, полициски службеници извршиле претрес во домот на М.К., при што била пронајдена и одземена таблета екстази. М.К. бил лишен од слобода, појаснија од СВР Велес.

Оттаму додадоа дека по документирање на настанот, против него ќе биде поднесена соодветна пријава.

Македонија

Стојаноска: Македонија ќе стане една од земјите во регионот со најниски даноци

„Платформа 1198“ предвидува рамен данок со што, Македонија ќе стане една од земјите во регионот со најниски даноци

Додека министрите на ДУИ мака мачеа да постигнат гол или кош повеќе во просториите на министерствата и додека мака мачеа да договорат тендер плус, и на сето ова, секако, министрите на СДСМ не смеат да гугнат, тетовските стопанственици, пак, мака мачат да опстанат.

Поради овие аздисани политичари, во програмата на ВМРО-ДПМНЕ „Платформа 1198“ се ветува рамен данок кој што ќе остане и во иднина, се ветува Македонија да стане една од земјите во регионот со најниски даноци. И, се ветува на стопанствениците поголема поддршка и помош.

Токму поради овие причини, стопанствениците во Македонија ќе гласаат за бројот два (2), затоа што сакаат Македонија да се врати во нивни раце и Македонија повторно да ја направиме горда.

Дафина Стојаноска, носител на изборна единица 6

притисни ентер