Колумнистката Е. Џин Керол повторно поднесе тужба за силување против Доналд Трамп

Е. Џин Керол, долгогодишна колумнистка за списанието „Elle“, првпат за инцидентот проговори во 2019 година, посочувајќи дека Трамп ја силувал во соблекувалната на луксузна стоковна куќа на Менхетен во 1995 или 1996 година.

Колумнистката која го обвини поранешниот американски претседател Доналд Трамп дека ја силувал во 1990-тите, денеска во Њујорк поднесе дополнителна тужба против него, само неколку минути откако стапи на сила новиот закон што им овозможува на жртвите на сексуално насилство да покренуваат тужбени постапки за напади што се случиле пред неколку децении.

Е. Џин Керол, долгогодишна колумнистка за списанието „Elle“, првпат за инцидентот проговори во 2019 година, посочувајќи дека Трамп ја силувал во соблекувалната на луксузна стоковна куќа на Менхетен во 1995 или 1996 година.

Трамп рече дека тоа не било можно да се случи бидејќи таа „не е негов тип“.

Керол последователно го тужеше Трамп за клевета, но целиот процес беше закочен во апелациските судови, бидејќи судиите не можеа да се согласат околу тоа дали Трамп е заштитен од тужби за клевета додека е на функција. Тогаш таа не можеше да поднесе тужба за силување бидејќи од наводниот сексуален напад изминало премногу време.

Во нејзиното ново обвинение, Керол тврди дека Трамп ја силувал, како и дека извршил клевета со тоа што го негирал нападот. Таа побара неодредена отштета, како и казнена отштета за болка и страдање, психички повреди, губење на достоинството и оштетување на нејзиниот углед.

Трамп рече дека Керол „ја измислила целата приказна“.

„Тоа е измама и лага, како и сите други измами што беа извршени против мене во изминатите седум години“, рече поранешниот американски претседател.

Санкционирани 109 возачи на територијата на СВР Тетово

Санкционирани се 109 возачи на територијата на СВР Тетово при денешната акциска контрола, информираат од Министерството за внатрешни работи.

– Во периодот од 11 до 17 часот, Секторот за сообраќајни работи и Мобилната единица за безбедност на сообраќајот на патиштата, спроведоа акциска контрола на територијата на СВР Тетово за санкционирање на возачи кои не ги почитуваат сообраќајните правила и прописи. При контролата санкционирани се 109 возачи. Од нив, 22 за возење без возачка дозвола, 44 за непрописно вградени фолии – затемнети стакла, шест за истечена важност на регистрација и осум мерки кон возачи кои вршат јавен превоз на патници. На сите прекршители изготвени им се соодветни поднесоци, се појаснува во соопштението на МВР.

Оттаму наведуваат дека сообраќајните контроли продолжуваат и во наредните денови.

Во соопштението се апелира до сите учесници во сообраќајот да ги почитуваат сообраќајните правила и прописи и заеднички да се придонесе за побезбедни патишта.

Папата ги повика Израелците и Палестинците на дијалог во потрага по мир

Папата Франциско ги повика Израел и Палестинците на дијалог во потрага по мир и го осуди неодамнешното насилство во регионот.

По неделната молитва во Рим, Папата рече дека е длабоко тажен поради веста за убиените Палестинци во израелските антитерористички операции и смртта на израелските Евреи во нападот на синагога во петокот.

„Со голема болка ги слушам вестите што доаѓаат од Светата земја. Спиралата на смртта, која расте секој ден, ја убива малата доверба што постои меѓу овие два народи“, рече тој.

„Ги повикувам двете влади и меѓународната заедница и барам од нив веднаш, без губење време, да најдат други начини, кои вклучуваат дијалог и искрена потрага по мир“, додаде Папата.

Израелскиот премиер Бенјамин Нетанјаху вети силен, брз и прецизен одговор на нападот на синагога во предградијата на Ерусалим, а израелската армија испрати уште војници на окупираниот Западен Брег.

Нападот во Ерусалим следи по израелската воена операција во градот Џенин на Западниот Брег во четвртокот, во која загинаа девет Палестинци, вклучително и седум вооружени лица, и прекуграничниот оган меѓу Израел и Газа во петокот. Најмалку 30 Палестинци, милитанти и цивили, се убиени на Западниот Брег од почетокот на јануари.

Средба на Спасовски и Демерџиев утре во Скопје

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Вицепремиерот за јавен ред и безбедност и министер за внатрешни работи на Република Бугарија Иван Демерџиев со придружна делегација, утре, ќе престојува во работна посета на Министерството за внатрешни работи на Република Македонија во рамки на која ќе се сретне со неговиот колега, министерот за внатрешни работи Оливер Спасовски.

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Посетата на Дерменџиев беше најавена во петокот, по телефонскиот разговор на премиерите на Бугарија и на Македонија, Галаб Донев и Димитар Ковачевски, посветен на актуелните случувања во односите меѓу двете земји. Прес-службите на двете Влади соопштија дека двајцата премиери разговарале за потребата претстојните празнувања на 151-годишнината од раѓањето на Гоце Делчев, да се одвиваат мирно и непречено.

Во таа насока, за утре, беше најавена посетата на вршителот на должноста вицепремиер и министер за внатрешни работи на Бугарија Иван Демерџиев и претседателот на државната агенција „Национална безбедност“ Пламен Тончев, кои ќе имаат работна средба со своите македонски колеги во Скопје на која ќе ги прецизираат заедничките активности за да се гарантира мирно и безбедно одбележување на 4 февруари.

притисни ентер