Од МВР упатуваат на Јавното обвинителството, а од таму само потврдуваат дека дека се преземаат дејствија и се вршат проверки за испитување на околностите.
-Дежурен јавен обвинител од ОЈО Скопје вчера изврши увид во КПД Идризово – Скопје. Во предметот се преземаат дејствија и се вршат проверки за испитување на околностите. -ЈОРМ
Кои се осумте затвореници, за кои МВР се сомнева дека го копале тунелот долг 40-тина метри, од шеталиштето на затворениот затворски дел а во правец на заштитната ограда позади која се наоѓа женското одделение, не знае ниту првиот човек на Управата за извршување на санкции, Јовица Стојановиќ. Единтвено се знае дека издржуваат затворски казни од минимум десет години до доживотни.
Стојановиќ очекува истрагата да даде одговор и дали евентуално вработени во затворските служби на некаков начин биле инволвирани.
-Што е претпоставка дека се инволвирани осум осуденици, јас лично не би можел да кажам кои се тие, затоа што одреден период бев надвор од тој систем. Меѓутоа, нема кој друг да копа освен осуденици. Доколку МВР има сознанија препоставувам дека тие ќе ги истражи дополнително и ќе потврди. А дали има вмешаност и на вработени јас би сакал да се истражи и тоа, затоа што доколку има вработени дека тоа се работи мора и да одговараат за таква работа, изјави – Јовица Стојановиќ – Директор на Управа за извршување на санкциите .
Откако вчера беше откриен случајот, Владата експресно го разреши директорот на затворот Шпенд Тахири. Но, тој не чувствува никаква одговорност, а од неговата партија Алтернатива, соопштија дека всушност откривањето на тунелот е негова заслуга.
-Моето разрешување е чисто политичко и нема никаква врска со вчерашниот настан. Јас немам одговорност за тоа, туку напротив горд сум на тоа што се откри. Имавме информации од пред еден месец и во соработка со органите се преземаа дејствија и постапувавме. Баравме асистенција и од МВР, дојде градежна механизација и беше откриен тунелот, вели Шпенд Тахири – поранешен директор на КПД Идризово
На местото на Тахири е назначен поранешниот генерал во МВР, Зоран Јовановски. Промената на челната фунцкија во најголемиот затвор доаѓа и по два месеци од спекуларното бегство на затворнеикот Беким Мемети, за кое командирот на смена и неколку чувари се во притвор. И за овој случај истрагата се уште трае,а од бегалецот нема ни трага ни глас. За разлика, од него, копачите – затвореници, кои неколку месеци работеле под електрична сијалица на кабел, земјата ја извлекувале со пластични корпи и јажиња а тунелот го обезбедиле со потпорни греди и тули, остануваат во Идризово, веројатно со нови кривични пријави. Според проценките, за да избегаат им трабало да ископаат уште 30-тина метри...