( Обновено ) Кој му беше „баксузот“ на Фрчкоски? Текстот е фикција/козерија

Иако Бујар Осман вели дека „не кажале“ дека „Фрле“ бил планиран за Амабасадор „преку барата“, овие FB статуси на генијалниот професор и честитките од Цановски и Тричковски , за жал го враќаат Османи во невиртуеалната реалност.

Дека Фрчковски бил планиран за Амбасадор, потврдил и самиот тој на 10ти Февруари, пренесувајќи ги на својот FB профил честитките на првиот човек на ФОН и на екс новинарот, Бранко Тричковски, редовен „оратор на омраза и навреда“.
Дека во Вашингтон почнале да ги „затвараат“ отворените паркинзи, за секој случај нели, и тоа може да се смета како некој „предзнак“ дека „ друг Шврчковски “ ( фраза која беше изречена од некогашниот ректор на Тетовскиот Универзитет Фадиљ Сулејмани за време на полициската интервенција во Тетово во 1995 година во времето кога Фрчковски беше министер за внатрешни работи ), ги ставил и последните рала чорапи и неколку дребулии , спомени кои го чува од времето на својата незаборавна младост, и една книга од Столе ,а потоа со колена го притиснал и последниот куфер за да може патентот да го затвори, а со дебел црн маркер на латиница , си го испишал името на патувачката етикета - Ljubomir Frchkovski...и најдоле со поситни букви додал - America, here I come.
Еве неколку екстракти од честитките, кои сметаме дека биле можеби „баксузни“:
- Објасни и на дијаспората кој е кој во Македонија Северна ( баш би сакале да видиме како тоа ќе реагира дијаспората во Америка на терминот „Северна“, тоа не смее да се пропушти н.з. )
- Прашај ги Американците дали е вистина дека од Месечината се гледа редица чипирани идиоти ... ( се гледаат „колега“ Тричковски, баш се гледаат, додуше не се чипирани, ама се гледаат...еве ние гледаме еден н.з. )
- Посакуваме успешен мандат ... ( и ние му посакавме, ама ете, нешто не сака, па не сака н.з. )

Канал 5 ТВ се надева дека сепак оваа информација е фејк-њуз, и наскоро нашата голема и единствена Македонија ќе биде претставена во најпријателската земја ,С.А.Д. еминентниот екс министер за внатрешни и надворешни работи, реномиран професор, јавен каваљер на отворени паркинг простори...со еден збор - патриотско-интелектуална боемчина.

Текстот е фикција/козерија базиран на вистински настан од не така далечно минато, осведочено преку скриншотови од FB статусот на г-дин Љубомир Фрчкоски

„Гответе со Дракче“ - Кумановска салата

Во четврток (28.03.2024) во емисијата гостин ни беше Нино Величковски.

Состојки за денешниот рецепт:

3 црвени домати

1 свежа краставица

1 главица кромид

1 морков

2 лажици лупен сончоглед

100 гр. сирење

балсамико, масло за јадење, сол по вкус

Погледнете како се подготвува овој рецепт:

„Дубаи мол“ лани го посетиле рекордни 105 милиони луѓе

 Сопствениците на „Дубаи мол“ во Обединетите Арапски Емирати, сооопштија дека трговскиот центар лани го посетиле рекордни 105 милиони луѓе, што го прави најпосетуваното место во светот во 2023 година.

Така, трговскиот центар стана светска атракција, според управителите, привлекувајќи посетители од целиот свет. Управата наведува и дека е забележан скок од над 19 отсто во однос на 88 милиони во 2022 година. А пак, само во првите два месеци од оваа 2024 година, забележани се 20 милиони посетители, така што и годинава „Дубаи мол“ најверојатно ќе постави нов рекорди.

- Овие бројки го одразуваат импресивниот статус на трговскиот центар во Дубаи и го одразуваат напредното лидерство на Дубаи и силната економија. Нашиот трговски центар го отелотворува живиот дух на градот и посветеноста на извонредноста, претворајќи ја визијата на менаџментот во реалност. Како составен дел од економското ткиво на Дубаи, ние играме клучна улога во неговиот успех и иновативност, рече Мохамед Алабар, основач на компанијата „Емаар“ којашто управува со трговскиот центар.

„Дубаи мол“ има околу 1.200 продавници на познати брендови облека, обувки, модни додатоци, апарати за домаќинство итн, а тука се наоѓаат и околу 200 ресторани и кафулиња. Уште една причина за посетеноста е и аквариумот, каде што живеат 33.000 животни. /МИА

Куќен притвор од 48 часа за две лица поради убиството на лекарот во Железара

Куќен притвор во траење од 48 часа е определен за две од лицата кои беа задржани за убиството на докторот во скопската населба Железара, соопшти утринава Јавното обвинителство. 

Оттаму информираат дека ваква мерка е побарана со оглед на тоа што се уште се преземаат дејствија за обезбедување докази.

- Јавен обвинител од скопското Основно јавно обвинителство, синоќа до судијата на претходна постапка од Основниот кривичен суд Скопје, достави предлог за определување мерка краткотраен куќен притвор, во траење од 48 часа, за две од лицата кои беа задржани во врска со убиството на лекар во скопската населба Железара. Тоа, со оглед на тоа што сѐ уште се преземаат дејствија за обезбедување докази. Предлогот е прифатен и бараната мерка е определена, се вели во информацијата од Јавното обвинителство.

Техничкиот министер за внатрешни работи Панче Тошковски вчера изјави дека се приведени вкупно три лица поврзани со убиството на лекарот.

- Претресот е завршен во текот на доцните часови, се продолжува со други истражни дејствија, со цел да може да се утврди соодветно фактичка состојба, штом имаме дополнително нови информации, јавноста ќе биде благовремено известена, изјави Тошковски, при посетата на општина Босилово.

Шеесет и седумгодишниот лекар, минатата недела беше пронајден избоден до смрт во неговиот автомобил. Според првичните информации, мотивот за убиството не е поврзан со професијата на жртвата.

притисни ентер