Кој ќе седне во испразнетите пратенички столчиња по првиот круг од локалните избори?

Персоналните промени во пратеничкиот состав, сепак нема да влијаат на рамнотежата на силите.

Откако четворица досегашни пратеници од Собранието ќе заминат на градоначалничка позиција, во вториот круг на локалните избори уште тројца пратеници ќе ја бараат поддршката од граѓаните во обид да ја заменат пратеничката, со градоначланичка функција. Досега, избран беше пратеникот од СДСМ Костадин Костадинов, кој ќе биде градоначлник на Струмица, а на негово место доаѓа Љубица Спасова. На местото на тројцата пратеници од ВМРО ДПМНЕ, Тимчо Муцунски, Дарко Костовски и Иван Јорданов, доаѓаат Тони Јаревски, Зоран Коцевски и Драган Ковачки.Во вториот круг за градоначалничка функција се борат уште тројца актуелни пратеници Кирил Пецаков од ВМРО-ДПМНЕ во Охрид, Биљал Касами од Беса во Тетово и Коле Чаракчиев од СДСМ во Радовиш. Од ДИК велат дека:

-По утврдување на резултатите од гласањето во општината и Градот Скопје, на избраните кандидати за членови на Советот односно избраниот градоначалник ќе им биде издадено уверение за изборот веднаш по конечноста на изборите.- Државна изборна комисија.

Персоналните промени во пратеничкиот состав, сепак нема да влијаат на рамнотежата на силите.. Коалицијата СДСМ-БЕСА има 46 пратеници, од кои сега 4 ца се на БЕСА, а доколку Касами стане градоначлник на неговот место ќе влезе слендиот на листата, кој е од редовите на СДСМ.

Во оваа коалиција, по двајца пратеници имаат НСДП и ЛДП, и по еден од ДОМ, Демократски сојуз, ВМРО-НП, Партија на пензионери, Српска странка во Македонија и Партија за движење на Турците, Демократска партија на Турците, како и Зекри Рамчиловиќ како независен. Иако ЛДП и ДОМ настапија сами на изборите, засега сите партии јавно декларираа дека остануваат во мнозинството од вкупно 62 пратеници, кое го правата уште ДУИ со 15 пратенци и Мендух Тачи од ДПА.

Од друга страна, опозицијата има 58 пратеници. Од нив 44 се на коалицијата превдодена од ВМРО ДПМНЕ. Како дел од неа, двајцата пратеници има Социјалистичката партија, а по еден пратеник имаат ГРОМ и Демократската партија на Србите. Алијанса и Алтернатива имаат 12 пратеници, од кои 8 се на Села, а 4 на Гаши, а во опозицискиот блок се уште и двајцата пратеници на Левица.

По локалните избори, Заев најави окрупнување на мнозинството, а Мицкоски ново парламенатрно мнозинство, но никој засега не ги отрки адутите..

Арсовска распиша оглас за нов договор со приватните превозници, нема промени во условите

Градоначалничката Данела Арсовска ќе склучи нов договор во траење од две години со приватните превозници во Скопје.

Огласот за доделување пакет линии и за давање на дозволи е објавен денеска во дневните весници и на сајтот на Град Скопје.

Досегашниот договор, склучен од ексградоначалникот Коце Трајановски со кој приватните превозници добиваат дел од линиите во јавниот превоз и по 1 евро за секој изминат километар, истекува на 31 декември.

Од кабинетот на градоначалничката Данела Арсовска велат дека огласот кој сега е објавен е според важечките законски прописи за јавен превоз и не е ништо поразличен од претходните услови кои требало да ги исполнуваат приватните превозници. Од таму се согласуваат дека и приватните превозници треба да го модернизираат возниот парк, но велат не можат одеднаш тоа да го бараат од нив.

Блокади и протести во повеќе од 50 градови во Србија

Иницијативата „тргни-промени“  и за денес најави блокада на патишта и мостови на десетина локации во Белград и во повеќе од 50 градови во Србија.

Протестите се организираат со барање за ослободување на сите уапсени во претходните протести, повлекување на законот за експропријација и измени на законот за референдум и народната иницијатива.

Централното место за блокадата во Белград е мостот Газела, како и минатата сабота. Блокада ќе се организира и во шабац, каде пред седум дена се случи инцидент на протест кога багер тргна кон граѓаните кои го блокираа сообраќајот.

За денеска министерот за внатрешни работи Александар Вулин дал дозвола на полицијата да „употреби сила“, но според досегашните информации нема посериозни инициденти на блокадаите кои започнаа пред околу еден час..

Владата ја донесе ревидираната Фискална стратегија за 2022-2024

Владата денеска на 124-тата седница ја донесе ревидираната Фискална стратегија на Република Македонија за 2022-2024 (со изгледи до 2026), како клучен инструмент за среднорочно буџетско планирање и при креирањето на среднорочната фискална рамка.

Владината прес-служба соопшти дека ревидирањето на Фискалната стратегија на Република Македонија за 2022-2026 година е во согласност со праксата на развиените земји и е неопходнo заради промените настанати во тековната 2021 година во однос на макроекономските и фискалните параметри.

– Подобрувањето на управувањето со јавни финансии, а со тоа и на Фискалната стратегија како еден од најважните стратешки документи на една влада е поставено меѓу клучните приоритети на Владата, а се базира на определбата за постигнување на фискална консолидација и одржливост на јавните финансии; на забрзан економски раст, на зголемен обем на реализација на јавните инвестиции, на подобреното буџетско планирање согласно меѓународни пракси, на зголемувањето на фискалниот капацитет и дисциплина на општините, како и на подобрената фискална транспарентност, соопшти Прес-службата на Владата.

Среднорочната фискална стратегија, се посочува во соопштението, e во согласност со среднорочните фискални цели и стратешките приоритети на Владата, како и на утврдените стратешки приоритети за 2022 година, како што се обезбедување забрзан и одржлив економски раст, повисок животен стандард и квалитет на живот на граѓаните; справување со последиците предизвикани од светската пандемија предизвикана од пандемијата со КОВИД-19; успешно водење на пристапните преговори со Европската Унија; развивање на одбранбена политика во функција на развојот, независноста, територијалниот интегритет, безбедноста на граѓаните и колективната безбедност; владеење на правото, независност на правосудството, доследна и неселективна борба против криминалот и корупцијата со широка и обврзувачка транспарентност; квалитетно образование достапно за сите, согласно побарувачката на пазарот на трудот, развој и унапредување на културата и спортот; модерна и ефикасна јавна администрација, базирана на дигитализација која обезбедува квалитетни и брзи услуги за граѓаните и деловните субјекти; целосно спроведување на Охридскиот рамковен договор, градење на граѓанска држава со етничка и социјална кохезија, врз принципите на меѓусебна толеранција и почитување; и заштита на животната средина, зелен развој, намалување на аерозагадувањето и влијанието на климатските промени.

На денешната седница Владата ја донесе и Ревидираната стратегија за управување со јавниот долг на Република Македонија за 2022-2024, со проекција до 2026 година, со која се утврдува висината на јавниот долг на среден рок, максималниот износ на нето задолжување во првата година во која се однесува стратегијата, максималниот износ на ново издадени државни гаранции во првата година за која се однесува стратегијата и структурата на државниот долг.

– Ревидирана стратегија за управување со јавен долг ѝ дава рамка на Владата на Република Македонија за дејствување во насока на прудентно управување со јавниот долг на државата на среден рок и финансирање на потребите на државата со најнизок можен трошок, на среден и долг рок, и со одржливо ниво на ризик, информира прес-службата на Владата. /МИА

притисни ентер