Свет

Климатски промени: Сибир денеска ,,се вари” на 35 степени

Натпросечно високите температури, невообичаени за овој период од годината, деновиве ги доживуваат жителите на Западен Сибир, област во рамките на Арктичкиот круг, а паѓаат и рекордите, објави Washington Post и The Siberian Times.

Метеоролошките експерти посочуваат дека температурните вредности се зголемуваат од јануари, помеѓу 3 и 6 степени повисоки од просекот. Минатогодишниот тренд продолжи кога метеоролозите ја прогласија најтоплата година во Русија во историјата на мерењата.

- Тоа не е само нов рекорд во Русија. Ова е најголемото отстапување од просекот помеѓу јануари и април што сме го виделе во која било друга земја, изјави Роберт Рохде од непрофитната организација за истражување на климатските промени ,,Беркли’.

Третиот најнаселен град во Русија е Новосибирск, во Краснојарскиот регион и околните планини Омск, Томск, Кемерово и Алтај, со рекордни температури помеѓу 30 и 35 Целзиусови во мај, објави The Siberian Times.

Најмалку еден сибирски град во рамките на Арктичкиот круг - Катанга, минатата сабота забележа температура од 25,4 степени, со што го сруши стариот рекорд дури за 12 степени Целзиусови.

- Топлинскиот удар влијаеше на областите каде што температурите отстапуваа од просекот во текот на минатата година, изјави финскиот научник Мика Рантанен за „Вашингтон пост“.

На Твитер тој објавил прогностичка слика со температурни вредности за Западен Сибир, што покажува дека е забележана температура од 26,4 ° C длабоко во Арктичкиот круг.

„Роден сум во Сибир и живеам таму 60 години, но не се сеќавам дека некогаш имало ваква пролет“, изјави новинарот Сергеј Зубчук за „ The Siberian Times “.

- Немавме пролет, немавме период во кој температурата постепено се зголемува. Некој го вклучил „жешкиот воздух“ кон крајот на април и летото започна, вели Зубчук.

Топлотниот бран прекина неколку природни циклуси, вклучително и кршење на мразот на реките, цветање на растенијата и дрвјата и порано будење на инсектите од вообичаеното.

Сибирската топлина влијае на арктичкиот екосистем, објави „Вашингтон пост“, а шумските пожари во Сибир беснеат порано од вообичаеното. Снежната покривка се намалува, а морскиот мраз е рекордно тенок.

Климатските промени ја затоплуваат Русија двојно повеќе од светскиот просек, топејќи го некогаш замрзнатото тло на арктичката тундра, предупреди руското Министерство за животна средина минатата година.

Сепак, Русија, која е на четвртото место во светот во однос на емисиите на стакленички гасови и чија економија е силно зависна од нафтата и гасот, е исклучително бавна и неефикасна во воведувањето чекори за намалување на емисијата на јаглерод диоксид.

Македонија

Анкета на ЦРПЦ: Давкова пред Пендаровски, Таравари и Османи во тесна трка

Центарот за Политички Истражувања и Комуникации (CRPC), во соработка со Здружението за новинарство, информирање, комуникации и маркетинг услуги “Глас на вистината” спроведе анкета во пресрет на Претседателските избори.

На прашањето за кој кандидат би гласале на претседателските избори граѓаните со одговор: За кандидатот од ВМРО ДПМНЕ Гордана Силјановска Давкова би гласале 20,4% од испитаниците, а за нејзинот главен конкурент актуелниот претседател Стево Пендаровски од СДСМ својот глас би го дале 16,8% од анкетираните.

Во албанскиот политички блок Арбен Таравари од коалицијата „ВРЕДИ“ според направената анкета води пред Бујар Османи од европскиот фронт предводен од ДУИ.

Па така за Таравари би гласале 7,9% од испитаниците, за Османи пак 6,9% од анкетираните. За Максим Димитриевски од ЗНАМ пак својот глас би го дале 2,7 % од анкетираните, додека за Билјана Ванковска од Левица би гласале 2,6% од испитаниците. За

кандидатот Стевчо Јакимовски од ГРОМ би гласале 1,2% од анкетираните. 18,2% одговориле дека нема за никого да гласаат, а 23,2% не дале никаков одговор.

Анкетата е спроведена телефонски во периодот од 08 до 13 април годинава врз 1210 испитаници избрани според случаен метод. Истражувањето беше спроведено на ниво на цела територија на Република Македонија, а запазени се етничкиот состав, бројот на гласачи, и географската распределба.

Маргина на грешка +-3,0%. Резултатите од спроведената анкета, заедно со обработката на податоците се презентирани подолу на графички приказ Истата анкета ја имате достапна и на онлајн платформата на Центарот за политички истражувања и комуникации .

Анкета на ЦРПЦ за парламентарните избори: ВМРО – ДПМНЕ води пред СДСМ, во предност и албанската опозиција пред ДУИ

Центарот за Политички Истражувања и Комуникации (CRPC), во соработка со Здружението за новинарство, информирање, комуникации и маркетинг услуги “Глас на вистината” спроведе анкета во пресрет на парламентарните избори. На прашањето за која партија би гласале на парламентарните избори граѓаните со одговор: За ВМРО-ДПМНЕ својот глас би го дале 22,8% од анкетираните, додека за СДСМ 16,3% од испитаниците.

Во албанскиот политички блок разликата доста помала. За албанската опозиција предводена од коалицијата „ВРЕДИ“ би гласале 7,7% од анкетираните, додека за Европскиот фронт предводен од ДУИ својот глас би го дале 6,9% од испитаниците. За партијата Левица би гласале 3,9 од анкетираните. За партијата ЗНАМ на Максим Димитриевски би гласале 3,2% од анкетираните. 17,6 % одговориле дека нема за никого да гласаат, а 22,6% не дале никаков одговор.

Анкетата е спроведена телефонски во периодот од 08 до 13 април годинава врз 1210 испитаници избрани според случаен метод. Истражувањето беше спроведено на ниво на цела територија на Република Македонија, а запазени се етничкиот состав, бројот на гласачи, и географската распределба.

Маргина на грешка +-3,0%. Резултатите од спроведената анкета, заедно со обработката на податоците се презентирани подолу на графички приказ

Истата анкета ја имате достапна и на онлајн платформата на Центарот за политички истражувања и комуникации .

Култура

Отворање на изложбата „Интимност и интерконекција“ во Куманово

Зимскиот салон од Штип ќе гостува во Куманово со изложбата „Интимност и интерконекција“ која ќе биде претставена во уметничката галерија во градот.

Отворањето на изложбата е вечер во 19.30 часот, а посетителите ќе имаат можност да ја посетат до 8 мај.

-Сметаме дека ваквите претставувања на изложбите на ДЛУМ се од голема важност бидејќи ДЛУМ се состои од членови од цела Македонија, велат од Друштвото на ликовни уметници на Македонија.

Следната поставка на оваа изложба се планира да биде во Музеј Битола.

Култура

Премиера на „Паника“ во Велешкиот театар

Велешкиот театар „Јордан Хаџи Константинов Џинот“ вечерва во 21 часот премиерно ќе ја изведе претставата „Паника“ на финскиот автор Мика Мулуахо, во режија на Александар Ивановски. 

Во претставата, која е дуо драма настапуваат Стефан Николовски како Лазе и Филип Христовски како Мики. Драматург на претставата е Катерина Момева а сценографија на Филип Коруновски а музиката е во избор на двајцата актери.

Како што појаснуваат од велешкиот театар, приказната е за двајца другари што се немаат видено долго време и после многу поминати години и патешествија во животот, тие се соочуваат еден со друг, си помагаат еден на друг, се провоцираат еден со друг, преку што избиваат нивните внатрешни конфликти.

-Во претставата се навлегува во најдлабоките теми на суштествувањето, прашања што го мачат секој човек кој сака да биде сакан и прифатен, а општествениот и социјален притисок наметнува стеги каде индивидуалниот идентитет се гуши, се преиспитува себеси, а преку оваа претстава сугерираме дека човек треба прво да се прифати таков каков што е, за да може да се промени. Играјќи си со жанровите, понекогаш нештата изгледаат многу трагично, а има мигови кога не ќе можете да се воздржите од смеење, поради суптилниот хумор што се провлекува низ целото дело и преку кој се релативизираат проблемите, се разобличуваат карактерите со нивните човечки мани, оправдувајќи ја нивната несовршена природа, појаснуваат од театарот.

притисни ентер