Ќе успее ли Македонија да го реши спорот со Бугарија до декември?

Колку се реални шансите, до крајот на годинава да почнат преговорите на Македонија со Европската Унија?

Иако Европската Комисија преку извештајот за напредокот ги потврдува ставовите дека земјава ги исполнува критериумите за до декември да се одржи првата меѓувладина конференција, дел од експертите во земјава не очекуваат деблокада на евроинтеграциите наскоро. Мора да имаме рационални очекувања- вели Малинка Ристевска од Институтот за европска политика.

Во меѓувреме од Бугарија пристигнуваат познатите пораки- Македонија да го почитува Договорот за добрососедство, да не се искривува историјата, мешовитата комисија да работи на нови решенија за учебниците по историја.. Европратеникот Андреј Ковачев го повтори неговиот став, дека Албанија треба да се одвои од пакетот со Македонија и заслужено да ги почне преговорите.

-Таму каде што во моментов има реална можност за придвижување, а така е со Албанија, за која 27 земји членки од советот кажуваат “да”, се е во ред, потготвени сме да започнеме, тогаш Албанија би требало да започне. Во никој случај тоа не значи дека треба да ја запоставиме Македонија. Тие треба да вложат максимални напори за да го поправат она што ги дели од започнување на преговорите, а тоа е да го исполнат договорот со Бугарија, да имаме јасни гаранции за сите теми поврзани со човекови права, недискриминација, говор на омраза, фалсификување на историјата, вели Андреј Ковачев.

Работата на комисијата за историски прашања е дел од 5+1 точките кои излегоа по самитот во Словенија, за деблокада на македонските евроинтеграции. Пред два дена историчарите го одржаа 15тиот состанок, но повторно без конкретни решенија или препораки.

Парис Хилтон го прослави роденденот со супер луксузна забава во приватниот авион (ФОТО)

Славната Парис Хилтон го прослави својот 43-ти роденден за време на викендот, а со своите следбеници на Инстаграм сподели видеа од нејзината луда забава.

Парис во приватен авион тргна на патување со сопругот Картер Реум и нивниот едногодишен син Феникс Барон.

Иконата од почетокот на 2000-тите првпат сподели видео од Реум како го носи нивното машко бебе додека оди кон црн автомобил, додека му кажува како „ќе се забавува за роденденот на мама“. Таа потоа објави уште едно видео на кое се гледа надворешноста на приватниот авион украсен со десетици балони.

Кога се качила во авионот, Хилтон ја насочила камерата кон неколку маси украсени со цвеќиња, шишиња шампањ, слатки и бели очила за сонце во облик на срце. Во кадарот можеа да се видат и колачиња и голема кутија Шанел, потенцијален роденденски подарок за Парис.

Во третото видео што Хилтон го сподели на Инстаграм, таа се појави пред камера облечена во крзнена капа од Луј Витон, црна јакна и пижами со леопард принт. Иако таа го држеше синот во кадрите, нивната ќерка Лондон Мерилин не беше во ниту една од кадрите, но таа се отвори за својот живот како мајка на две деца во објава на Инстаграм во саботата.

- Се чувствувам благословено. Од мајчинство до женските должности и залагање за она што е правилно... Ова беше најдобрата година досега! – напиша Парис, пренесува Јутарњи лист.

Да потсетиме, наследничката на една од најголемите империи во светот, Парис Хилтон, во 2023 година доби две деца со помош на сурогат мајка.

Прво го доби синот Феникс, а потоа и ќерката Лондон.

„Кралот на криптовалутите“ ќе биде екстрадиран во САД, одлучи судот во Подгорица

Јужнокорејскиот државјанин До Квон ќе биде екстрадиран во Соединетите Американски Држави, кои го товарат за злосторничко здружување и други кривични дела, одлучи денеска Вишиот суд во Подгорица.

Одлуката не е правно обврзувачка и адвокатите на До Квон имаат право на жалба, пренесува Вијести.

Апелацискиот суд претходно објави дека конечната одлука за екстрадиција на „кралот на криптовалутите“ До Квон е надлежен суд, а не министерот за правда и дека Високиот суд не утврдил кој прв побарал негова екстрадиција, нa чија земја тој е државјанин, на Јужна Кореја или САД.

Апелациониот суд, пак, ја поништил првостепената одлука на Вишиот суд, со која се утврди дека се исполнети законските предуслови за екстрадиција на До Квон за кривично гонење за повеќе кривични дела по барање на двете земји.

До Квон и неговиот деловен партнер беа уапсени на 23 март минатата година на аеродромот во Подгорица кога користеле фалсификувани пасоши од Костарика при пасошка контрола на лет за Дубаи.

„Вива“ заедно со најголемите светски брендови на Gulfood 2024

На глобалниот саем за храна и пијалаци Gulfood 2024, што се одржува во Дубаи од 19 до 23 февруари, учествува и најголемиот македонски производител на природни овошни сокови,нектари, пијалаци, смути и преработувач на овошје – Вива.

На глобалниот саем за храна и пијалаци Gulfood 2024, што се одржува во Дубаи од 19 до 23 февруари, најголемиот македонски производител на природни овошни сокови,нектари, пијалаци, смути и преработувач на овошје – Вива, ја потврдува својата тридецениска успешна приказна во оваа индустрија на светската сцена.

Оваа година, Вива се издвојува како сребрен спонзор на настанот, што е огромен успех затоа што за првпат една македонска компанија се стекнува со вакво признание на Gulfood, кој се смета за најпрестижниот и највлијателен саем во секторот на храна и пијалаци на Блискиот исток, но и глобално.

Како единствена македонска компанија која учествува на годинешниот Gulfood, Вива прикажува спој на квалитет и иновативност во прехранбената и преработувачката индустрија, рамо до рамо со светските брендови во оваа деловна сфера.

притисни ентер