Ќе се прави скрининг на новинари и медиумски работници за КОВИД-19

Министерството за здравство на барање на Здружението на новинари на Македонија (ЗНМ) во наредните денови ќе организира бесплатен скрининг за новинари и медиумски работници за КОВИД – 19. Скринингот ќе биде спроведен во два круга.

Во првиот круг, во период од три дена, ќе бидат опфатени најмалку 500 новинари и медиумски работници од информативните програми од поголемите медиуми. За останатите помали редакции, дополнително ќе следат информации за скринингот по завршување на првиот круг.

Како што посочуваат од Министерството, во последниот период новинарите и медиумските работници кои известуваат на терен за активностите на учесниците во предвремените парламентарни избори, поради зголемениот обем на работа, се дополнително изложени на вирусот КОВИД – 19. Освен тоа, во ЗНМ било пријавено дека во дел од националните медиуми има нови позитивни случаи на заразени новинари и медиумски работници, но и колеги кои се сомневаат дека се заразени.

-Поаѓајќи од тоа, но и од потребата да се даде приоритет на новинарите и медиумските работници ќе се спроведе скрининг во два круга. Во првиот круг ќе бидат опфатени новинари и медиумски работници од информативните програми од поголемите медиуми, со цел да се утврди дали и колку од вработените се заразени. Ова ќе придонесе да се спречи ширење на болеста во овие редакции каде има поголем број на лица кои работат во исто време во ограничен простор. Според првичната проценка целта е да се опфатат најмалку 500 новинари и медиумски работници во првиот круг во период од три дена, а во зависност од исходот на ова соодветно ќе се планира временската рамка и начинот на спроведување на скринингот и во вториот круг, појаснуваат од Министерството за здравство.

Поголемите редакции ќе добијат подетални информации во текот на утрешниот ден со цел да се направи соодветен распоред за спроведување на скринингот. За останатите помали редакции, дополнително ќе следат информации за скринингот по завршување на првиот круг.

Новиот Јарис пристигна на европскиот пазар

Тојота официјално ја лансираше новата генерација на Јарис во Европа.

Јарис е прв модел на јапонската компанија кој е базиран на „GA-B“ механичката платформа од „TNGA“ семејството на Тојота.

Како што велат од овој произведувал, тоа ќе ги унапреди перформансите во возењето благодарение на ниското тежиште на автомобилот и за 37% поголемата крутост во конструкцијата.

Уште еден важен новитет во овој модел е хибридниот погонски ситем.

Станува збор за четвртата генерација на хибридниот систем на Тојота кој се сочинува од 1.5 литарски бензински мотор и уште два електромоторои и литиум јонски батериии.

Бензинскиот мотор произведува 92 коњски сили.

Еден од електромоторите праќа сила на предната осовина, а развива 80 коњски сили, додека другиот, помал агрегат служи за стартување на хибридниот погонски систем.

Вкупната сила на овој хибрид е 116 коњски сили, а од Тојота се тврдат дека автомобилот во комбиниран режим на возење просечно троши 3.7 литри на 100 километри.

Автомобилот од 0 до 100км/ч забрзува за 9,7 секунди, а од 80 до 120км/ч за 8,1 секунда, што е за две секунди подобар резултат од претходната верзија на Јарис хибрид.

Унапредени се и перформанските во возење на струја, па овој Јарис може да развие и до 130 км/ч возејќи само на електричен погон.

Исто така, зголемени се дистанците на кои возилото може да вози само на струја, особено во возење во урбаните средини, но не се објавени конкретни бројќи.

Инаку, во зависност од пазарот, новиот Јарис во Европа ќе биде достапен и со 1.0 литарски бензински мотор.

Хаос во болницата во Бејрут по страотната експлозија (Вознемирувачко видео)

Вознемирувачка и шокантна снимка од бејрутската болница е објавена по вчерашната страотна експлозија во која загинаа најмалку 100 лица, а се повредени над 4.000.

На снимката се гледа ранети граѓани , кои крварат во ходниците на болницата, додека медицинскиот персонал брза да им помогнат.

Турнири во Каунас и Валеснија како „загревање“ пред стартот на кошаркарската Евролигата

Кошаркарската Евролига по долгата пауза поради пандемијата од корона се турнири во Каунас и Валеснија ја најавува новата сезона.

Со организација на претсезонски турнири на кои ќе настапат некои од најдобрите клубови во најелитното натпреварување, Евролигата најавува дека најсилното европско кошаркарско првенство се враќа во погон.

Првиот настан ќе биде во „Жалгирио“ Арената во Каунас. На турнирот во Литванија, планиран да се одржи на 12. и на 13. септември, ќе учествуваат екипите на Армани од Милано, Панатинаикос, Анадолу Ефес, и домаќинот Жалгирис.

Потоа, вниманието на евролигашката јавност се сели во „Ла Фонтета“ во Валенсија, каде на 15. и 16. септември ќе играат екипите на Баерн од Минхен, Олимпијакос, Асвел и Валенсија, во улога на домаќин на овој собир.

„Знаеме колку пропуштија нашите посветени навивачи на Евролигата. Можам да ги уверам сите дека Евролигата не заборава на нив“- порачува претседателот на Евролигата, Жорди Бертомеу. „Со овие претсезонски натпревари не само што дава една таква можност, туку на играчите, персоналот, тимовите и нас како лига ќе ни даде шанса да се подготвиме колку што е потребно за официјалните игри во октомври. Со овие два турнири сите победуваат“.

На двата турнири ќе се игра по оној вообичаен турнирски систем. Два полуфинални натпревари, по кои наредниот ден. победниците ќе играат за трофејот, а поразените за третото место.

притисни ентер