Ќе се гради ли катна гаража кај Собрание?

Багерот што пред неколку дена се појави кај Собранието, кога земјитшетто беше заградено за да се почне изградбата на долгонајавувата катна гаража денеска го немаше на терен.

Собранискиот спикер Гаши следната недела планира состанок со компнаијата АНГО ДООЕЛ од Скопје, на кој ќе ја убедуваат да се откаже од проектот, но која ќе биде понудата на државата за да го премисли инвеститорот засега е непознато.

Земјиштето кое сега е оградено со црвени тараби, компанијата од државата го купи во 2013 година на јавно наддавање организирано од министерството за транспорт на чие чело тогаш беше Миле Јанакиевски. Фирмата плати 136 евра од квадрат или 333.000 евра вкупно за 2455 м2, а дали и под кои услов и подготвена да го врати во државна сопственост, надлежните во компанијата не беа достапни да одговорат..

Намерата на власта да преговора со инвестирот, ја сооошти вчера премиерто Мицкоски, откако МВР за разлика од пред 15 години, сега оценило дека изградабта на објектот би претставувал безбедносен ризик за Собранието..

-Некој некогаш бил неразумен, се однесувал незрело и направил нешто што ја загрозува безбедноста во собранието. Инвеститорот ги има сите потребни документи за градба бидејќи пред 12 години му било продадено земјиштето. Но, ние сега, како Влада без разлика што некој се однесувал незрело мора да го решиме проблемот, да најдеме начин да го обесштетиме инвеститорот, а земјиштето повторно да се врати на државата.- Христијан Мицкоски – Претседател на Влада

Одобрението за градење е добиено во 2014 година, за 4 години подоцна, во 2018 градежната дозвола за гаражата да биде поништена од страна на О. Центар бидејќи биле пропуштени роковите за градба, а по жалбата на инвеститорот и неколку годишната судска постапка, дозволата за градба повторно си ја враќа. Во моментов општината нема никаков правен механизам со кој би го спречила градењето.

-Сагата со катната гаража која треба тука да се изгради трае веќе една деценија, дали истата некогаш ќе никне и натаму останува непознато.

Според планот пак, гаражата која требаше да биде подземна, а со измена на деталниот план за „Мал ринг“ за време на мандатот на Владимир Тодоровиќ стана катна гаража, предвидено е да биде висока 9 метри, а 15% од објектот да биде деловен простор.

Њујорк тајмс: Стејт департментот планира да купи Сајбертрак блиндирани возила на Tесла

 Стејт департментот планира да купи Сајбертрак блиндирани возила на Tесла за 400 милиони долари.

Тесла, чиј главен извршен директор, Илон Маск, го советува претседателот Доналд Трамп како да ги намали владините трошоци, најверојатно ќе добие профитабилен договор со Стејт департментот за снабдување со блиндирани верзии на Сајбертрак (Cybertruck), објави Њујорк тајмс, нагласувајќи дека тоа е наведено во јавните документи.

Прогнозата за набавка на одделот за 2025 година, која ги детализира купувањата што агенцијата очекува да ги направи, вклучува 400 милиони долари за блиндирани возила на Tесла. Во документот не е прецизирано кој модел на Tесла, туку дека електричниот Сајбертрак, што има каросерија од нерѓосувачки челик со висока цврстина, би бил најпогодното возило.

Маск потроши повеќе од 250 милиони долари за да помогне да се избере Трамп, кој потоа го назначи за водач на иницијативата за намалување на трошоците наречена Оддел за владина ефикасност.

Купувањето на Сајбертрак, нетипичен избор за владин блиндиран транспорт, веројатно ќе покрене прашања за конфликт на интереси, особено затоа што Маск е гласен во сопствените напори да го искорени она што тој го смета за непотребно трошење.

Компаниите што ги поседува или контролира Маск обезбедија 13 милијарди долари федерални договори во изминатите пет години.

Продажбата на Сајбертрак е скромна од неговото претставување кон крајот на 2023 година. Тесла продаде 39.000 примероци минатата година, според проценките на Cox Automotive. Со почетна цена од 80.000 долари, возилото е прескапо за многу купувачи.

Tесла неколкупати го повлече возилото поради проблеми. Сепак, Тесла нема да ја собере целата нарачка од 400 милиони долари. Дел од парите ќе одат за фирми кои ги надградуваат возилата, како што е Армормакс, компанија во Огден, Јута.

Стејт департментот, исто така, планира да купи помал број блиндирани возила од други добавувачи, според прогнозата за набавка, вклучително и СУВ на БМВ во вредност од 40 милиони долари.

По 17 години расчистен случај на кражба на банка во Атина со одземени над четири милиони евра

Дополнително било откриено дека обвинетиот бил вмешан и во обид за кражба во филијала на банка во Атина во 2009 година, како и во кражба на сеф и банкомат во супермаркет на островот Крит во 2010 година.

Странски државјанин кој се наоѓа во затвор во Франција е еден од сторителот на кражбата на банка во Атина во 2008 година, кога биле одземени над четири милиони евра, а случајот грчката полиција го расчисти по 17 години, јави дописничката на МИА од Атина.

Од грчката полиција соопштија дека за кражбата на филијалата на банка во населба во северниот дел на Атина за Велигден во 2008 година, бил користен методот „рифифи“, односно непознати лица преку прозор влегле во банката и одзеле пари и вредни предмети од централниот сеф и трезорите, чија вредност надминала 4.000.000 евра.

Со помош на прекуграничната соработка и споредување со базите на податоци на земјите кои ја спроведуваат Прумската конвенција, Управата за криминалистички истраги на грчката полиција успеала да идентификува 53-годишен маж, кој бил инволвиран во случајот, а моментално се наоѓа во затвор во Франција, додека пак за слични дела им е познат и на германските и на косовските власти.

Дополнително било откриено дека обвинетиот бил вмешан и во обид за кражба во филијала на банка во Атина во 2009 година, како и во кражба на сеф и банкомат во супермаркет на островот Крит во 2010 година.

Според грчките медиуми, 53-годишниот маж е со потекло од Косово.

„Гответе со Дракче“ - Палачинки

Во среда (12.02.2025) во емисијата гостин ни беше Билјана Јаневска.

Состојки за денешниот рецепт:

500 гр. брашно

1 јајце

250 мл. минерална вода

200 мл. млеко

200 гр. мелени бисквити

1 мало тегличе мед

200 гр. мелени ореви

чоколаден прелив

Напиток салеп

млеко и цимет по желба

Погледнете како се подготвува овој рецепт:

притисни ентер