Портпаролот на Министерството за надворешни работи, Жао Лијиан, одговори на прес-конференција прашан за тврдењето на американските медиуми дека Светската здравствена организација е фрустрирана од значителното задоцнето споделување на информациите за епидемијата на коронавирус, за време на првата фаза на епидемијата во Кина.
Медиумите објавија дека снимките од внатрешните состаноци во СЗО покажале дека агенцијата на ООН едвај ги добила потребните информации од Кина на почетокот на пандемијата на коронавирус, што е во спротивност со првичните пофалби што му ги упатила на Пекинг.
На снимките од таа средба се прикажани официјални лица кои се жалат на 6 јануари дека Пекинг не ги споделува со остатокот од светот податоците потребни за да се процени ризикот што вирусот го претставува за остатокот од светот.
На 20 јануари Кина призна дека коронавирусот е заразен, а на 30 јануари СЗО прогласи глобална закана.
Меѓународната заедница се повеќе е незадоволна од реакцијата на Кина на коронавирусот.
Ковид-19 досега зарази скоро 6,4 милиони луѓе ширум светот и животот го загубија 380.000 лица.
Тајван во март објави дека ја предупредиле СЗО кон крајот на декември дека има докази за пренесување на коронавирус од човек на човек, а СЗО објави на Твитер кон средината на јануари дека истрагата на кинеските власти не покажала докази за такво пренесување на болеста.
Доналд Трамп ги прекина односите на САД со СЗО затоа што, како што вели, организацијата е под контрола на Кина.