Македонија

Казнети 96 возачи во Скопје

Вкупно 96 возачи се казнети во текот на вчерашниот ден на територија на Град Скопје во контролите во областа на сообраќајот. 

Од нив 13 санкции се за возење повеќе од дозволената брзина, осум мерки за возење без возачка дозвола, три санкции за некористење на сигурносен појас...

Како што информира МВР, сообраќајните контроли ќе продолжат и наредните денови.

-Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, се вели во соопштението.

Фудбал

Почина поранешниот италијански фудбалски репрезентативец Скилачи

Најдобриот играч на Светското фудбалско првенство во 1990 година, Салваторе Тото Скилачи почина на 59-годишна возраст.

Поранешниот италијански репрезентативец почина по долго боледување.

Скилачи, како дел од репрезентацијата на Италија, го освои бронзениот медал на Светското првенство во 1990 година и беше прогласен за најдобар стрелец и најдобар играч на турнирот.

Заедно со Јувентус го освои Купот на Италија, а со торинскиот тим и Интер еднаш го освои Купот на УЕФА.

Свет

Глобална акција против шифрираната мрежа Ghost, десетици уапсени

Австралиската полиција уапси 38 лица во рамки на глобалната акција против шифрираната мрежа Ghost, која ја користеле криминалци за комуникација. Полицијата успеала преку заразен софтвер да се инфилтрира на шифрираната мрежа.

Мозокот на операцијата е 32-годишен жител на Нов Јужен Велс, кој е обвинет за создавање на платформата.

Акцијата е резултат на меѓународна соработка помеѓу девет земји, вклучително и EUROPOL, и се очекуваат уште апсења во наредните денови.

Полициски операции се во тек и во други земји, вклучувајќи ги Ирска, Италија, Шведска и Канада.

Според австралиските обвинители, сторителите ја користеле апликацијата за „шверц на недозволени дроги, перење пари, нарачување убиства или закани за сериозно насилство“. Станува збор за банди и организирани криминални групи на Блискиот Исток, Австралија и Јужна Кореја.

Во операцијата, властите таргетираа шифрирана комуникациска платформа која била создадена пред девет години. „Полициите од девет земји, заедно со Европол, демонтираа алатка за сериозен организиран криминал“, рече шефицата на Европол, Кетрин Де Боле. „Направената работа е дел од нашата постојана заложба за борба против организираниот криминал каде и да дејствува“, додаде Де Боле. /МИА

Македонија

Дурмиши: Цените нема да се замрзнат, маржата ќе се ограничи до 10 отсто

Цените нема да се замрзнат, туку ќе се ограничи бруто профитната маржа на стотина основни прехранбени производи до 10 отсто, соопшти денеска министерот за економија и труд Бесар Дурмиши.

Како што информира Дурмиши, за оваа мерка Владата најверојатно ќе дискутира на следната седница идната недела. Со мерката ќе бидат опфатени лебот, пекарски и млечни производи, овошје, зеленчук,...

-Оваа мерка ќе биде краткорочна и во сила еден месец. Праксата на нејзиното донесување ќе продолжи за новогодишните и сите следни празници, истакна министерот.

Законот за нефер трговски практики се очекува да стапи во сила кон крајот на овој месец и со тоа, рече министерот, дополнително треба да се намалат цените на производите.

притисни ентер