Казахстан ја отфрли идејата за Унија, темелена на моделот меѓу Русија и Белорусија

Казахстан денеска ја отфрли можноста за приклучување кон потесна унија слична на моделот меѓу Белорусија и Русија. 

Француските медиуми пренесуваат дека Москва се обидува да го задржи своето влијание врз своите сојузници во Централна Азија.

„Казахстан нема намера да создаде или да се приклучи на некоја унија на држави“, како широката и зголемена интеграција меѓу Москва и Минск од почетокот на војната во Украина, напиша портпаролот на претседателот Касам-Жомарт Токаев на својата страница на Фејсбук.

Токаев неделава ја истакна разликата во „степенот на интеграција“ меѓу Русија и Белорусија во споредба со другите поранешни советски републики сојузници на Москва, вклучувајќи го Казахстан. Шефот на државата дури повика за овој проблем да се „разговара“ во присуство на неговиот руски колега Владимир Путин и белорускиот претседател Александар Лукашенко.

„Формулата „две земји - една држава“ (меѓу Русија и Белорусија, забелешка АФП) создава уникатен преседан, со единствен политички, правен, воен, економски, валутен, културен и хуманитарен простор“, истакна Токаев на регионалниот самит во Москва, обединување на поранешните советски републики.

„Дури и нуклеарното оружје сега се споделува“, додаде тој, бидејќи Белорусија објави дека почнува да добива руско нуклеарно оружје.

Процесот на интеграција меѓу Русија и Белорусија почна во 1999 година, по што беше одложен долго време. Но, растечката изолација на автократот Лукашенко конечно го турна во прегратките на Москва, особено по демонстрациите во Белорусија во 2020 година, забележуваат француските медиуми.

Казахстан останува близок сојузник на Русија, со која учествува во различни воени и економски сојузи, но огромната централноазиска земја го привлекува и вниманието на Кина, Западот и Турција.

Денеска гласаат 68 штитеници од Домот за стари лица во Прилеп

Непречено се одвива гласањето на штитениците од Домот за стари лица „Киро Крстески – Платник“ во Прилеп за првиот круг од Претседателските избори. Правото на глас во Домот денеска го остваруваат 68 штитеници.

-Гласачкото место 1419 во Домот за стари лица „Киро Крстески-Платник“ е отворено од 7 часот и правото на глас ќе се остварува до 19 часот. Гласањето е непречено и се одвива без проблеми, изјави Магдалена Лазоска, претседател на избирачкиот одбор на ова гласачко место.

Своте право на глас го оствари и Благоја Богданоски, штитеник во Домот.

-Бев на гласање и го остварив своето право. Сѐ се одвива без проблеми и нема никакви притисоци од никого. Очекувам за нас мирни денови во Домот, подобри пензии и подобро да им биде на младите, рече Богданоски.

Од 68 штитеници во Домот кои денеска гласаат, 27 се од Прилеп, а останатите се од други општини.

Денеска во Прилеп гласаат и 291 немоќно и изнемоштено лице, како и 104 затвореници од прилепскиот затвор.

До четврток облачно со дожд, од петок стабилизирање на времето

Во следните два дена ќе преовладува променливо облачно време со повремени врнежи од дожд. Во четврток врнежите локално ќе бидат поројни, проследени со појава на грмежи, а на повисоките планини ќе преминуваат во повремен слаб снег.

Како што најавуваат од УХМР од петок следува период на претежно стабилно и потопло време.

Времето денеска е облачно со повремени врнежи од дожд, наместа пообилни (над 20 l/m2) и поројни, проследени со ретки грмежи, особено во западните и јужните делови. Ќе дува слаб до умерен, а долж Повардарието и во источните делови повремено засилен ветер од југоисточен правец.

Максималната температура ќе биде во интервал од 10 до 16 степени.

Времето во Скопје облачно со повремени врнежи од дожд повремено поројни, а во делови од котлината со услови за појава на ретки грмежи. Ќе дува слаб до умерен јужен ветер. Tемпературата ќе се движи до 12 степени целзиусови.

Зеленски: Рускиот напад врз ТВ кулата во Харков е дел од кампањата за заплашување

Руски проектил Х-59 вчера ја погоди ТВ кулата висока 250 метри.

Украинскиот претседател Володимир Зеленски рече дека рускиот ракетен напад со кој беше уништена телевизиската кула во Харков е дел од тековните напори на Кремљ да го заплаши населението на вториот по големина град во Украина, кој беше под интензивирани напади во последните неколку недели.

Целта на нападот беше „теророт да се направи видлив за целиот град и обид да се ограничи поврзаноста на Харков и пристапот до информации“, рече Зеленски во синоќешното обраќање.

Североисточниот дел на Харковската област се наоѓа на линијата на фронтот од околу 1.000 километри, каде што украинските и руските сили се борат повеќе од две години од инвазијата на Москва врз Украина. Линијата на фронтот не е многу променета во услови на војна на исцрпување, која главно се води со артилерија, дронови и во ровови.

Од крајот на март, Русија го засили притисокот врз Харков, очигледно за да го искористи недостигот на украински системи за противвоздушна одбрана. Руските единици ја погодија локалната електрична мрежа и гаѓаа станбени блокови.

Руски проектил Х-59 вчера ја погоди ТВ кулата висока 250 метри, речиси во средината, по што дел од неа се урна и дојде до прекин на програмата. /МИА

притисни ентер