Канал 5 подготвува тужба против порталот „Независен“

Тешки клевети и навреди и измислени тези кои немаат основа, заедно со претходно недозволено преземање на наши прилози и текстови ќе бидат доставени до ОЈО за „парамедиумот“ познат како НЕЗАВИСЕН. 

Наместо да се занимава со вистинско медиумско работење, и да се бори, спротивно на ставовите на ЗНМ , дел од порталите, како што е Независен пласираат небулозни измислици, со што прават директна штета врз работењето на нашата компанија.

Истовремено, прават „групирање“ на 5те национални телевизии ( за жал една криминална ТВ се бори со години да стане национална , ама не и успева ), во т.н. заедничко дејствување , а дополнително алудираат дека, само во нивните глави видлив , „бојкот“ се спроведувал на нашите ТВ канали.

За да им објаснам на „параколегите“ од „парамедиумот“ ( терминот параколеги/парановинари и парамедиум се затоа што на нивно ( ЗНМ ) барање, порталите да не се правно препознаени и не се во правен промет во Македонија, со што ако некој работи во незаконски медиуми - парамедиум, станува и парановинар ) „Неависен“, професионалните новинарски и етички стандарди велат дека треба за секоја сторија да се слушнат двете страни. Вашите „парановинари“ го прават буквално она за и против кое наводно се бореа - „груевизмот“. Ниту ни се обратија, ниту не прашаа дали воопшто нешто се случува и ако се случува што е основата, парановинарите си напишале текст, неплашејќи се од соодветни судски поднсоци - затоа што не се медиум, и затоа што некои од актуелната власт им дал дополнителна „бустер доза“ на самодоверба, при тоа не кажувајќи им дека „паричката има две страни, а дури се врти во водухот, истата има милион страни.

Нас , како еден од највлијателните медиму ( медиум според закон, а не парамедиум) не не' прашуваат зошто „таличниот“ министер за правда Тупанчевски со денови избегнува да даде изјава за Канал 5 ТВ, не се прашуваат зошто една телевизија има сопственик кој во исто време е сопственик и на кабелски оператор што е кривично дело по неколку основи, туку пласираат лаги, клевети, параинформации кои немаат врска со реалноста, за наводен бојкот и барање за враќање на „груевизмот“. Е ова драги „параколеги“ ќе треба да го докажете на Суд!
Треба ли можеби да се прашаат зошто од категоријата медиуми и новинари, преминаа во папамедиум и парановинари, односно зошто згасна весникот „Независен“?
Порталот Независен објави дека националните телевизии во Македонија веќе три дена ја бојкотираат Владата, оваа информација е лага и е далеку од вистината.

Да потсетимер, според сите европски закони за медиумско работење, секоја ТВ куќа во Македонија во секој момент има право да си ја креира уредувачката политика кој кореспондира со настаните за кои постои најголем интерес во јавноста. Точка.

Затоа, иако Канал 5 ТВ еднаш им ја прости на „параколегите“ од „Независен“ кривичната пријава за плагијат- односно недозволено преземање на целосен авторски текст на наш новинар, и пласирање на нивниот „парамедиум“ - наречен портал ( според нашите позитивни законски прописи ), ќе мораме конечно да почнеме да се бориме против сите оние кои ги пронаоѓаме во американската изрека која гласи - fool me once-shame on you, fool me twice-shame on me.

„Параколеги“ од „Независен“ - коцката е фрлена, ама не онаа „лего коцка“, една сосема друга...

Мисајловски од Маврово Ростуше: Граѓаните во сабота масовно да го поддржат Мевмед Џафери

Потпретседателот на ВМРО-ДПМНЕ Владо Мисајловски денеска беше во Маврово Ростуше, се наведува во партиското соопштение.

Денеска ги посетивме Сретково, Врбен и Маврово.

Четири години беа сосема доволни за граѓаните да видат дека актуелната локална власт предводена од актуелниот кандидат на СДСМ немаат квалитет да го подобрат животот во оваа општина.

Во сабота граѓаните на Маврово Ростуше масовно ќе го поддржат концептот на ВМРО - ДПМНЕ за промени и проекти кој веќе со месеци се имплементира во најголемиот дел од општините во Република Македонија.

На 20-ти август Др. Мевмед Џафери убедливо ќе победи, а од наредниот ден ќе почнеме со многу работа да го средуваме Маврово Ростуше, општина која е национална гордост.

Разбиена е „крофна мафија“ на Халкидики, се води војна меѓу албански и бугарски кланови (ВИДЕО)

Грчките медиуми објавија документи за операциите на „крофна мафијата“ на плажите на Халкидики, чии членови неодамна биле уапсени од грчката полиција.

Како што пренесуваат медиумите во Грција, членовите на криминалната организација ги принудувале луѓето на кои им биле потребни пари да продаваат крофни на екстремно високи температури, а потоа им земале поголем дел од пазарот, често со физичка принуда. Од производителот наводно ги купиле крофните за 50 центи, на продавачот му дале 50 центи, а добивката од едно или две евра одела во џебовите на организаторите на „акцијата“.

Просечно продавале околу 600 крофни дневно, а заработката изнесувала меѓу 600 и 1.200 евра, во зависност од тоа дали една крофна чини две или три евра. Споменатото апсење не е прв случај на апсење на членови на „крофна мафијата“ во Грција. Минатата година грчките медиуми објавуваа за оваа криминална група, наведувајќи дека на овој дел од грчкото крајбрежје се водат вистински војни меѓу „клановите“ на продавачи на крофни. Војната главно се води меѓу бугарски и албански граѓани, кои сакаат да го постигнат приматот во продажбата на крофни на плажите на Халкидики, пишуваат медиумите.

„Слушнав истрел и некој рече дека ќе земе граната. За среќа, луѓето излегоа и бев спасен“, е сведоштвото на четириесет и четиригодишен Грузиец кој бил жртва на напад на плажа на Неа Мармарис на Халкидики.

Странец кој живее во Грција во последните 25 години и продава крофни, преку своето сведочење, што го откри грчкиот портал „protothema.gr“, го опиша нападот на „мафијата за крофни“ На празна улица во Никити, четири непознати мажи се забарикадирале се неговиот автомобил, го паркирале возилото, црн „фолксваген“ туарег со покриени регистарски таблички, му го попречиле патот.

„Сигурен сум дека ме нападнаа затоа што продавав крофни на плажите на Халкидики“, додава тој.

Од автомобилот излегле четири лица, кои заедно со уште двајца поминале покрај автомобилот на продавачот на крофни и почнале да го удираат. Истовремено, дел од сторителите фрлале камења кон жртвата при што ги оштетиле стаклата на возилото. Додека жртвата постојано била удирана со тупаници, видел како еден од нив вперил пиштол кон него и пукал. Куршумот не го погодил, додека веднаш по пукањето слушнал како еден од напаѓачите вели: „Земете ја гранатата и одиме“.Потоа сторителите побегнале со автомобил кон плажата.

„Сите излегоа и застанаа до моето возило. Се обидоа да ја отворат вратата, но прво не успеаја. Потоа еден почна да фрла по мене со големи камења, друг ме удри со тупаница по лицето, додека третиот ме клоцна по ребрата.Ја покрив главата со рацете бидејќи силно ме удираа.

Одеднаш слушнав истрел и луѓето кои дотогаш ме удираа одеднаш рекоа некој да ја најде и да ја земе гранатата. За среќа, луѓето излегоа на балконите и терасите, тие влегоа во Туарегот и отидоа на плажата Никити“, го опишува нападот Грузиецот.

Во контекст на претресот на возилото, идентификуван е обвинетиот К., за кој се вели дека е мозокот на организацијата „крофна мафија“.Туарегот што го управувал имал траги од удар на предниот десен браник, што ја потврдува жртвата и описот на вмешаноста на возилото во нападот врз него. Во автомобилот бил пронајден нож со сечило од 6,5 сантиметри. При усен распит, К. признал дека учествувал во нападот на четириесет и четиригодишникот и конкретно признал дека го удрил двапати по лицето, но негирал дека пукал и вмешал други луѓе.

Како причина за инцидентот, тој навел претходен, несреќен, полесен судир меѓу неговото и оштетеното возило, за кое изјавил дека не знаел, па успеал да ги убеди истражителот и обвинителот да го ослободат под рестриктивни услови до судењето. Наводниот водач на бандата и извршител на нападот и претходно ги загрижил властите бидејќи против него е поведена постапка за повеќе тешки кривични дела, како што се разбојништво, изнуда, киднапирање, кражба, кражба на животни, прекршоци со оружје, како и за телесни повреди и закани .

Како што пишуваат корисниците на социјалната мрежа Фејсбук во групата „Во живо од Грција“, оваа приказна продолжила и оваа година. Уапсени се сите членови на криминалната организација, околу дванаесет, чиј лидер бил триесет и деветгодишен Грк. Оваа група принудувала странци да продаваат крофни во нивно име на 19 плажи на Халкидики. Тие се уапсени на возраст меѓу 17 и 52 години, пишуваат медиумите.

Со закани по живот, физички казни, вклучително и споменатото пукање минатата година, успеале да ги растераат и другите продавачи на брза храна по плажите. Истовремено уценувале и изнудувале барови на плажа и ресторани за брза храна. Како што јавија медиумите, констатирано е дека во најмалку седум случаи членови на споменатата криминална група употребувале закани по живот, нанесувајќи и физички повреди и огнено оружје против други.


Бугати со таинствена најава за новиот модел (ВИДЕО)

Големото деби ќе се случи на 19-ти овој месец во Quail, собир организиран како дел од Monterey Auto Week.

Bugatti не открива многу, но описот на најавата звучи дека овој автомобил ќе биде доста значаен. Имено, видеото на кое се гледа само задното светло во форма на V не открива многу, но е придружено со описот „последниот автомобил од ваков вид“.

Со оглед на моменталната електрификација, работите се прилично јасни за овој мистериозен автомобил. Ова е веројатно последниот дериват базиран на Chiron и последното Bugatti во чист октански облик, без електрична помош. Сè потоа ќе биде под силно влијание на новото раководство на компанијата, кое веќе се одлучило за електрификација. Прашање е само колку тоа ќе влијае на наследникот на Chiron.

Chiron и сите негови верзии се распродадени, а наследникот најверојатно ќе треба да почека до 2024 година, кога ќе биде првпат претставен.

притисни ентер