Македонија

Како да се запре галопирачкото иселување, за осум години се иселиле 700 илјади граѓани

Корупцијата и политичката нестабилност, како и полошите услови за работи и стандард за живеење се и натаму главните причини за иселување од земјава, покажа истражувањето на организацијата за економска соработка и развивање. 

Според нивните параметри, граѓаните немаат доверба во системот, па надвор од границите бараат подобри јавни услуги и здравство, подобро образование и перспектива за своите деца.

-Миксот од општествен, политички и економски фактори се главниот мотив за мигрирање на западниот балкан, и како што можеме да видиме, три најголеми причини за нивните одлуки за иселување се корупцијата и политичка нестабилност, подобро опции за вработување и желбата да се подобри животниот стандард. - Мартин Кохце – Аналитичар – Менаџер на проектот на ОЕЦД

Вицепремиерот за економски прашања Фатмир Битиќи кој беше дел од панел дискусијата се сложи дека недовербата во институциите е главна причина за како што вели, иселување на над 700.000 лица за 8 години.. Но, според него, во земјава има работници, но недостасува квалификуван кадар..

-Се појавува една празнина на пазарот на трудот, најверојатно во креирање на политиките ќе мораме да како општество да отвориме дискусија за пополнување на пазарот на трудот за различно однесување од досегашното, а тоа е ако видите дека во агенцијата за вработување процентот на невработеност е се уште висок, но 93,4% од невработените се функционално неписмени или тоа значи дека нивните вештини не одговараат за пазарот на труд. – изјави Битиќи..

Битиќи вели дека како Влада доволно се вклучени во сегментот на дуалното образование бидејќи идните генерации мора да ги имаат вештините кои се потребни на пазарот. Вклучувањето на младите во стручното образование ќе направи разлика, смета тој. Според него, во следниот период Македонија ќе биде отворена и за увоз на работна сила, оти како што за Македонците е примамлив германскиот пазар, така за некои трети земји е примамлив македонскиот.

Свет

Уапсени се 13 членови на „балканскиот картел“, шпанската полиција им влезе во бункерот (ВИДЕО)

Агенти на Националната полиција во Шпанија, во соработка со своите колеги од Србија, разбиле криминална организација со српско потекло во Барселона, која наводно се занимавала со меѓународен шверц на дрога.

По тој повод, како што јавија шпанските медиуми, откриени се пет плантажи со марихуана во кои се запленети повеќе од 37.000 растенија.

Во шест провинциски општини уапсени се 13 лица и извршени се шест претреси во кои се запленети 25 килограми пупки марихуана и 32.000 евра во кеш, пишува Блиц.

Насадите се наоѓале во населени места, далеку од урбаните центри, а најголемите ги сместиле во напуштен хостел, кој претходно го претвориле во бункер.

Како што се наведува понатаму, освен трговија со дрога, осомничените им доставувале и таканаречени растенија „бејби“ на продавачите во Барселона.

Истрагата започнала во јануари годинава како резултат на размена на информации меѓу српската и шпанската полиција за водачот на криминална група од српско потекло кои живееле во Шпанија и биле особено активни во трговијата со дрога со своите роднини од иста националност.

„Откако истражителите ги лоцирале и идентификувале сите членови на организацијата, откриле дека тие биле задолжени за управување со експлоатација на неколку насади со марихуана во различни делови на провинцијата Барселона. Организацијата била структурирана на пирамидален начин, со јасна распределба на функциите кои сите нејзини членови ги знаеле и ги извршувале координирано и подредено, со целосна дискреција во комуникацијата со цел да се гарантира нивната безбедност“, вели изворот за шпанскиот медиум. Покрај наведеното, полицијата конфискувала и три мобилни телефони и едно возило.

Шоу биз

Ева Лонгрија среде улица ги соблече високите сандали и одеше боса (ВИДЕО)

Ева Лонгорија била на настанот на американското издание на магазинот Elle во Лос Анџелес.

Таа за оваа прилика облече долг сребрен фустан кој го истакна нејзиното деколте и потпетиците во иста боја.

Но, изгледа дека чевлите не ѝ биле баш удобни. Додека се шетала со пријателките по настанот, Ева застанала на сред улица и ги соблекла штиклите, а папараците го снимиле тој момент. Остатокот од патот продолжи боса.

Во оваа ситуација можеа да се препознаат голем број жени бидејќи секоја од нив барем еднаш одела дома боса по ноќно излегување.

Потсетуваме дека оваа есен почина актерот Тајлер Кристофер, поранешниот сопруг на Ева, а многумина ја осудија актерката. Имено, наместо посвета на Кристофер, успехот кој го постигна актерката го сподели во магазинот Тајм. Додека едни ѝ честитаа за успехот, други беа лути што таа не му посветила објава на нејзиниот починат поранешен сопруг.

„А што е со Тајлер?“, „Таа не коментираше, а тој беше толку прекрасен човек“, „Би требало барем да напишеш нешто за бившиот“, „Тој не се ни олади, а ти се фалиш“. „Мислам дека Ева и Тајлер не беа во најдобри односи, па можеби сака да ги задржи чувствата за себе“, се дел од коментарите.

Да потсетиме, Кристофер беше во брак со ѕвездата од серијата „Очајни домаќинки“ од 2002 до 2004 година.

Живот

Сите бегаат од поплавите, а еден човек има друг проблем- снимката е хит (ВИДЕО)

Циклонот Михаунг предизвика големи поплави во Индија, а следното видео е снимено во областа Ченаи.

Многу жители на главниот град Тамил Наду се во сериозни проблеми поради поплавите. Сепак, среде хаосот, поединци се обидоа да го извлечат најдоброто од најлошото.

На социјалните мрежи кружи снимка од маж кој лови риба во надојдената вода. Наводно сѐ било снимено во населбата Тарамани, пренесува Times Now News.

Човек во кабаница уловил голема риба, но тешко ја контролирал. Корисниците најмногу на шега коментираа на сцената.

„Кога ќе добиеш поплава, оди на риболов“, напиша една личност.

Имало и такви кои изразиле загриженост за подводниот свет и опасноста што ги снашла.

„Поплавите предизвикаа многу проблеми, но долгорочно придонесуваат за опстанок на одредени видови. Оваа ситуација им дава можност да мигрираат во различни зони и да одржуваат генетска разновидност“, напишал еден човек.

притисни ентер