Кацарска: Референдум за францускиот предлог би бил долг процес, но не треба да се исклучи

Референдум за францускиот предлог би бил макотрпен и долг процес, но не треба да се исклучи како решение.

Не знам колку граѓаните во овој поларизиран емоционален момент може да проценат од анкета дали тие се „за“ или „против“ одреден предлог, којшто не беше ниту јавно достапен и за којшто има се уште многу недоумици и покрај објаснувањата, изјави денеска директорката на Институтот за европска политика (ЕПИ), Симонида Кацарска пред Форумот Еуропеум 2022 – „Западен Балкан и ЕУ во 2022 година: Што претстои?“.

Според Кацарска, во овој момент сите имаме одговорност да му дадеме простор на Собранието рационално да ги продискутира прашањата околу преговарачката рамка.

Кацарска смета дека не објавувањето на протоколот и записниците оневозможува дел од луѓето да ја проценат состојбата и веројатно поради тоа се создава простор за недоумици и за поинакви толкувања.

– Веројатно е подобро за сите нас доколку би знаеле во целиот тој пакет кои се тие документи и како изгледаат. Инаку, не можеме да говориме за суштествена дебата. Собранието е исклучително важно, бидејќи знаеме дека првиот чекор којшто доаѓа кај нас е промената на Уставот во тековниот предлог на преговарачката рамка, што нема да биде лесен чекор и за него мора да бидат обезбедени сите чинители колку што е возможно, рече Кацарска, нагласувајќи дека ниту еден консултативен процес не може да биде залуден доколку е отворен.

На новинарско прашање колку е реално да се очекува дека би можеле да добиеме модифициран нов предлог, Кацарска одговори дека во оваа фаза, пораките се дека тоа е тоа, меѓутоа, како што рече „ние и да продолжиме, ќе мора да бидеме многу внимателни во дискусијата со Бугарија, пред се да не ја политизираме дополнително“.

– Собранието веројатно може да донесе заклучоци во секој случај со коишто ќе ја обврзе Владата во нејзините понатамошни постапки. Ние искрено не сме на чисто кои фази ги поминал овој документ, мислам треба да продискутираме во Европската комисија до каде, до кои консултативни фази е тој поминат, посочи Кацарска.

Во однос на тоа дали референдум би било решението, Кацарска вели дека за тоа се дискутира и оти не може да се исклучи и таа опција.

– Не беше најавено од страна на Владата. Меѓутоа, повторно ќе се навратам на прашањето околу анкетите, многу треба да бидеме внимателни како би се поставило во тој контекст прашање, како би одела подготовката за таа дискусија, бидејќи имаме едно искуство и од референдумот со Преспа што не мислам дека е најопортуното во однос на начин на којшто се претставуваше европската интеграција. Веројатно најважното нешто што и ние би требало дома да го сфатиме е дека европската интеграција и дискусиите се случуваат дома, не е надворешна политика и ова мислам дека го гледаме сега се повеќе, го учиме на тешкиот начин, вели директорката на ЕПИ.

Нашиот пример, додава таа, покажува дека иако знаеме оти во ЕУ нема гаранции, сепак ние мора да работиме на тоа и со земјите членки.

– Барем доколку се одлучат, значи кое било решение да се оди напред дека ова не би било откажување од европската перспектива, ниту пак прифаќање на европската интеграција како лек за се. Бидејќи реалноста е некаде помеѓу тие две крајности. Референдумот би бил многу тежок да се организира. Би било тешко да им се објасни на граѓаните, тоа се многу комплексни прашања. Мислам дека ќе биде многу тешко и ќе биде макотрпен и долготраен процес, меѓутоа ќе речам, не треба да го заобиколиме кое било решение со оглед на поларизираноста што ја имаме, нагласи Кацарска.

Прашана дали е можно менување на преговарачката рамка, Кацарска изјави дека е тешко тоа сценарио да се предвиди во оваа фаза.

– Секогаш кога велевме за Бугарија постои прозорец на можност. Постои сигурно еден момент кога би можело тоа да се случи и во кои услови тоа не можеме да го предвидиме. Дел од нашите колеги велат не можеме да ја видиме иднината. Точно. Ова е на нас да процениме дали сме подготвени и да чекаме за да можеме да очекуваме веројатно почист процес, но истовремено и ЕУ се менува внатре. Затоа и ние денеска ги донесовме овие луѓе со коишто дискутираме во однос на новите идеи каде се движи истата и тешко е во тој контекст да ја предвидиме иднината. Веројатно пред две години во Украина ако прашавте немаше да може да предвидат дека ќе добијат кандидатски статус, истакна Кацарска.

Денешниот настан го организира ЕПИ во рамки на својата организациска поддршка од ЕУ. На форумот чинителите од ЕУ, односно со претставници од истражувачката заедница, тинк-тенковите, како и дел од амбасадите на земји членки на ЕУ дискутираат како Западниот Балкан „помина“ на Самитот во јуни и се разгледуваат мноштвото идеи кои се појавија како од земјите членки, така и од регионот во однос на иднината на европското проширување.

Пежо откри први детали од новиот електричен СУВ e-5008 (ВИДЕО)

Не стигна во Женева, но новиот Peugeot e-5008 сепак го сврте вниманието.

Тоа ќе биде голем електричен SUV кој обезбедува дарежлив простор за патување со 7 седишта и лесен пристап до удобен трет ред.

Денеска е објавен краток тизер кој ја прикажува внатрешноста на целосно новиот модел и дава навестување за тоа што следува.

Новиот Peugeot e-5008 е опремен со новиот Peugeot Panoramic i-Cockpit®, кој го подига уживањето во возењето на повисоко ниво.

Лебдечки и заоблен HD панорамски дисплеј од 21 инчи кој комбинира head-up дисплеј со централен екран на допир. Лебдечкиот ефект е нагласен со амбиентално LED осветлување, чиј извор се наоѓа под екранот.

Позициониран за оптимална ергономија, овој панорамски екран е малку закривен кон возачот, додека останува совршено достапен за патникот.

Новиот e-5008, исто така, има префинет ентериер како дневна соба, со 7 седишта и лесен пристап до удобен трет ред. Целосните детали за внатрешноста и надворешноста ќе бидат откриени во текот на месецов.

Муцунски: На Македонија и граѓаните им треба претседател кој ќе биде лидер на нацијата

Ние за жал последните години видовме како претседател не треба да има државата. 

Претседател – аналитичар, претседател кој ги кажува проблемите, но дали можеме да се сетиме на еден проект кој што тој го предводел, на еден предизвик, а многу предизвици има во државата, кој што тој го решил. Само кажуваше колку е лоша состојбата во државата, најпрактичен ни е последниот пример со состојбата со пасошите. Па потоа не можеа да се договорат со лидерот на неговата партија Ковачевски кој да се јави кај нашиот сосед Грција во обид да се реши проблемот и на крај никој не се јави и проблемот остана. Тоа е пример како не треба, вели Тимчо Муцунски, потпретседател на ВМРО-ДПМНЕ на денешната панел дискусија на тема „Претседател на народот, заштитник на сувереноста, Уставот и законите“ на Конвенцијата за избор на кандидат за претседател на Република Македонија на ВМРО-ДПМНЕ.

Потпретседателот Муцунски рече дека на денешната Конвенција ќе се понуди надеж и претседател кој ќе биде лидер на нацијата.

Но, ние сме дојдени денес да понудиме надеж, да дадеме решенија. Да разговараме за претседател кој што треба да биде лидер на нацијата. Претседател кои што има широки надлежности во внатрешната политика, а уште пошироки надлежности во надворешната политика. Да претседател кој што ќе биде претседател на земја членка на НАТО, на земја која што посакува да стане полноправна членка на ЕУ. Но, претседател кој што ќе не води по тој пат со заштитен дигнитет и заштитени национални интереси, додаде тој.

Муцунски истакна дека треба да се избере активен претседател на државата кој што ќе се грижи за македонските национални малцинства кои живеат надвор од државата, односно како што рече тој не само претседател кој зборува за проблемите, туку претседател кој што помага и нуди решенија.

Претседател кој ќе се грижи за македонските национални малцинства кои што живеат надвор од границата на нашата држава, прашања кои што е целосно запоставено. Претседател кој ќе се грижи за ширење на влијанието и знаењето на македонскиот јазик, како на катедрите кои ги има на странските универзитети, така и помеѓу македонската дијаспора. Претседател кој што ќе ги промовира македонските компании, тоа е тоа што ни недостасува, активен претседател. Претседател кој што не говори само за проблемите, туку претседател кој што ни помага и нуди решенија, изјави Муцунски.

Муцунски посочи дека сите добри претседатели на Македонија доаѓале токму од ВМРО-ДПМНЕ.

Сите добри претседатели доаѓале од ВМРО-ДПМНЕ. Луѓе кои што биле предложени од нашата партија позади кои нашата партија застанала и кои што знаеле да ја водат Македонија и во потешки предизвици од предизвиците кои ги имаме денес, нагласи Муцунски.

На крај, Муцунски нагласи дека најзначајната одлука ја носат граѓаните на Македонија, потенцирајќи дека и покрај тоа што има центри на моќ кои што не сакаат успех на кандидатот за претседател на државата од ВМРО-ДПМНЕ, нема поголема сила и центар на моќ од тоа што автохтоно ќе го кажат граѓаните на Република на Македонија на претседателските избори.

Најзначајна е одлуката која ќе ја донесат граѓаните на Mакедонија. Првиот круг претседателски избори ќе биде предизвик, има многу сили, многу центри на моќ кои што не сакаат успех на ВМРО-ДПМНЕ и кандидатот на ВМРО-ДПМНЕ. Но, нема поголема сила и поголем центар на моќ од тоа што автохтоно ќе го кажат граѓаните на Република Македонија, заклучи Муцунски.


САД уништија ракета што Хутите планираа да ја лансираат во Црвеното Море

САД соопштија дека извршиле одбранбена акција за уништување на ракета земја-воздух што  Хутите во Јемен планирале да ја лансираат кон Црвеното Море, јави Анадолија.

Американската Централна команда (CENTCOM) потврди дека американските сили вчера откриле ракета земја-воздух што требало да биде лансирана кон Црвеното Море, од регион контролиран од Хутите.

Командата додава дека нападот бил извршен во самоодбрана со образложение дека проектилот претставувал закана за американските авиони во регионот.

Во соопштението, исто така, се наведува дека Хутите од Јемен успеале да лансираат противбродска балистичка ракета во Црвеното Море, но дека ниту еден брод не е оштетен.

Од минатата есен, Хутите ги гаѓаат товарните бродови во Црвеното Море во сопственост или управувани од израелски компании или превезуваат стока до и од Израел во знак на солидарност со Газа.

Со ескалација на тензиите поради заедничките воздушни напади на САД и Велика Британија врз позициите на Хутите во Јемен, групата објави дека сите американски и британски бродови ги смета за легитимни воени цели.

притисни ентер