Договор за заем беше потпишан во 2019 година во вкупна вредност од 10 милиони ерва, а според него, ратите треба да ги плаќа јавното сообраќајно претпријатие. За тоа примарен гарантор е Град Скопје, додека пак државата била втор гарант..
Но, од Град Скопје не чусвтвуваат одговорност и велат дека ако ЈСП нема пари за обврската, долгот треба да го подмири Владата..
Барањето од ЕБОР за тоа веќе стигнало до минстерството за финансии, потврдуват од таму.
-Доколку ЈСП како главен должник и Градот Скопје како примарен гарант не ги отплатат доспеаните обврски, тогаш согласно Законот за гаранција и Договорот за обезбедување гаранција, Министерството за финансии пристапува кон плаќање на обврската. Барањето за плаќање на доспеаните обврски до Министерството за финансии е доставено од страна на ЕБОР – велат од Финансии.
За проблемот алармирше и министерката за финансии Димитриевска-Кочовска кога го презентираше ребалснот на буџетот... Кажа дека ЈСП, заедно со уште со уште три други државни претпријатија, зеле кредити кои подоцна не биле во состојба да ги вратат, па сега Владата треба да обезбеди десетици милиони евра и за нив.
Ова претставува уште еден од низата проблеми, кои го следат јавното сообраќајно претпријатие.
Освен тоа што се ретки, со автобусите на ЈСП во изминатиот период имаше и неколку инциденти.
ЈСП со години се дави во долгови, а во јануари годинава доби 11 милиони евра субвенции од Град Скопје за исплата на плата и подмирување на обврските.
Сепак, и тоа се чини дека не е доволно за надминување на проблемите во ЈСП, а од септември се најавено дека ќе има дополнителен дефицит на автобуси поради дотраеност и неможноста да се набават делови од странство.