Јанушев до Пендаровски: Немате обврска да му служите на Заев, но имате обврска да го заштитите здравјето на граѓаните, продолжете ја вонредната состојба

​Владата нема капацитет да се справи со здравствената криза.

Резултатите говорат дека Владата на Заев и Спасовски убедливо најлошо се справува во регионот со корона вирусот. И тоа го покажуваат бројките. Не сакаме ова да се претвори во политичка пресметка, но неодминлив факт е дека ваквата неспособност на Заев и Спасовски се плаќа со животите на граѓаните. Значи имаме констатирана неспособност на владата, неспособност на онаа несреќна комисија за заразни болести која работи под политички диктат, тука е и веќе здодевниот и ноншалантен Филипче, и нервозниот извор на оваа неспособност и криза Зоран Заев. И за се ова што го говорам постојат факти. Печатираната неспособност говори дека Македонија убедливо најлошо на Балканот се справува со корона вирусот и е на прво место по бројот на заразени и смртни случаи на милион жители. Тоа значи дека здравството на Филипче и системот на Заев крахира. Македонија на милион жители има 81 смртен случај, и 1698 заразени, додека Албанија има само 12 починати и 863 заразени,додека пак Словенија има 52 починати со 716 заразени луѓе.

Веќе втора недела имаме по троцифрена бројка на дневно новозаразени од корона вирусот. Тоа значи дека короната не стивнува, а полека Македонија станува балкански Вухан. И може до сабајле да се надмудруваме и да си го вперуваме прстот но здравјето на граѓаните е нападнато, а народот е во состојба сам да се штити. Неодлучноста во носењето одлуки како и изнасиленото глумење на нормализација доведе до втор пик на корона заразата која се уште трае. И додека се бројат починатите СДСМ и Заев водени од желбата за личен спас и одбегнување на одговорност брифираат датуми за избори, во исто време кога се колнат во консензус носејќи еднострано одлуки за избори, се надеваат и си поигруваат со судбините и животите на луѓето. Лично Зоран Заев наместо да нуди решенија за спас на здравјето на граѓаните тој вели „тоа е“, и да се умира и да се заразува избори ќе има, а дозволува народот да страда. Убеден сум дека народот сето ова ќе го запамети кога ќе одлучува зад параванот, но Македонија има поважна работа во овој момент, а тоа е да спасуваат животи. Одлуката на Заев и Спасовски и нивната влада да не се продолжи вонредната состојба не е последица на тоа дека работите со корона кризата се подобрени, туку напротив тие се полоши од било кога споредено од првиот ден на кризата до сега, туку поентата е што Заев го турка народот во кланица и нов корона пик, сакајќи избори без целосен мониторинг, какви што сме немале ниту во деведесеттите, избори со стотици жртви и ниска излезност. Заев денес призна дека сака избори без целосен мониторинг и сега сите ние треба да го прифатиме како нормална работа. Како до вчера не убедуваа ќе има мониторинг. А, тоа го бара затоа што во тоа ја гледа својата шанса за потесен пораз, и затоа се посипува со пепел. Што се однесува до самите бројки за вонредната состојба нема никаква логика таа да биде стопирана. И претседателот Пендаровски тука не е искрен кога вели дека по 4 вонредни состојби, денес вонредна состојба не прогласувал поради здравјето на граѓаните, туку за економските мерки. И бројките на новозаразени и бројките во економијата тврдат дека имаме работа со вонредна состојба. Во здравството бројките се за продолжување на вонредната состојба, еве и зошто - првиот пат кога беше воведена вонредна состојба на 18-ти март имаше 42 новозаразени, вториот пат кога беше продолжена на 16-ти април имаше 104 новозаразени, третиот пат кога беше продолжена вонредната состојба на 15-ти мај бројката на новозаболени е само 17 граѓани. На 30-ти мај има повторно четврта одлука за нова вонредна состојба со 35 ново заболени. Додека вчера 11-ти јуни нема одлука за продолжување на вонредната состојба во ситуација кога имаме 175 новозаразени, и вкупно до вчера 169 починати.

Бројките покажуваат дека државава не излегува од корона кризата туку дека таа се продлабочува и нова вонредна состојба мора да има.

Поради негрижата на Владата на Заев и Спасовски до сега имаме:

⁃ 169 починати,

⁃ 3538 заразени,

⁃ повеќе од 15 илјади граѓани кои се ново невработени и ги загубија работните места,

⁃ сеуште непознат број на новозаразени.

А, Заев и Владата вонредното го прават редовно, ненормалното го прават нормално. Затоа претседателе Пендаровски единственото што ви преостанува поради доброто на граѓаните, поради вашата уставна обврска да и служите на Македонија и поради вашата одговорност да ги заштитите граѓаните мора да ја продолжите вонредната состојба. Издигнете се над притисоците од Заев кој во ужасот низ кој поминува народот го гледа само својот спас од одговорност и жилаво и нервозно се бори за тесен пораз газејќи над илјадници судбини. Немате обврска да му служите на Заев, но имате обврска, уставна и морална да го заштитите здравјето на граѓаните. Продолжете ја вонредната состојба, бидејќи кариерата на Заев завршува, но да спасиме да згаснуваат животи на недолжни граѓани.

Не прогласувањето на вонредната состојба значи политичка одлука на Пендаровски донесена под притисок на Заев. Ништо поинаку. Таквото однесување значи дека Пендаровски наместо на народот одлучи да му служи на Заев.

И сосема на крај, ВМРО-ДПМНЕ е отворено за разговори, за решенија и за консензус кој ќе биде за доброто на граѓаните. Но за тоа треба разум.

Нема ниту еден друг субјект кој посакува повеќе од нас Зоран Заев и оваа неспособна влада да биде поразена. И тоа неминовно ќе се случи, и тоа ви го гарантираме на сите еден од вас, но животите на граѓаните немаат цена и за нас здравјето е најважно, а поразот од народот ќе им дојде многу бргу.

Игор Јанушев, Генерален секретар на ВМРО-ДПМНЕ

Нина Бадриќ ја провоцира Лепа Брена со фотографија од Хвар

Хрватската ѕвезда Нина Бадриќ на својот Инстаграм објави фотографија од Хвар, на која што покажа како изгледа глетката од ресторан кон морето.

„Утро“, напишала пејачката на германски јазик со фотографијата.

Летната сцена воодушеви многумина.

„Не е лошо“, „Рај на земјата“, „Прекрасна“, „Рааај“, „Уживајте“, се некои од коментарите.

Одговори и Лепа Брена.

„Малку не измачуваш, нели? се пошегува пејачката.

„Те чекаме“, и` порача Нина.

Инаку, минатата година Лепа Брена и Нина заедно уживаа на летниот одмор на островот Вис, а се чини дека пејачките и оваа година ќе поминат неколку дена заедно.

Во Узбекистан е произведена првата серија на руската вакцина Спутник

Првите серии на руската вакцина Спутник В против коронавирус се произведени во погоните на лабораторијата Јурабек во Узбекистан, се наведува во соопштението на Рускиот фонд за директни инвестиции (РДИФ).

Вакцината произведена во Узбекистан ќе се користи во националната програма за вакцинација, се наведува понатаму во соопштението, објави ТАСС.

Спутник V е сертифициран во земјата во февруари 2021 година.

RDIF организирал трансфер на технологија за производство на вакцините во Узбекистан.

Серијата за валидација биле испратени до центарот на Гамалеја за контрола на квалитетот, наведува Фондот и додава дека комерцијалната продукција на Спутник V е предмет на успешна контрола на квалитетот на сериите за валидација.

До денес, вакцината Спутник В е регистрирана во 69 земји низ светот со вкупно население од над 3,7 милијарди луѓе.

Податоците добиени од регулаторните тела на бројни земји за време на вакцинацијата на населението, вклучувајќи ги Аргентина, Бахреин, Унгарија, Мексико, Сан Марино, ОАЕ и други, покажуваат дека Спутник V е една од најбезбедните и најефикасните вакцини против коронавирусот.

Математичарка од Кембриџ без тренер и клуб освои олимписко злато и го шокира светот (ФОТО)

Ана Кисенхофер не била глобално позната спортистка пред Олимпијадата, но влезе во историјата во Токио и освои злато во велосипедизмот, во дисциплината трки на патишта.

Нејзината животна приказна е фасцинантна, а светските медиуми пренесуваат дека тоа е едно од најголемите изненадувања во историјата на Игрите. Имено, шансите за нејзина победа кај повеќето светски обложувалници биле поголеми од 500, и според тој критериумот таа била убедливо најмалата фаворитка за подиумот.

Ваквите предвидувања можеби не се невообичаени со оглед на тоа што австриската велосипедистка пристигна на Игрите како 94 -ти на светската ранг -листа. Пред пет години, таа го освои својот прв аматерски турнир во Шпанија, на 25 -годишна возраст. Таа наскоро потпишала професионален договор со Лото Судал Дами, но во 2017 година се откажала од спортување. Две години подоцна се вратила како аматер.

Така, Кисенхофер пристигнала на Игрите без договор со професионален клуб, но и без тренер. Таа се подготвувала за натпреварот, со уште неколку аматери, далеку од идејата за каков било медал. "Порано имав тренери, а сега се правам сама. Тренирам, се грижам за исхраната и закрепнувањето. Направив план за трката. Знаев точно како да започнам, од каде ќе се обидам да ги нападнам конкурењнтите и што би јадела пред трката “, рече таа по историскиот успех.

Сцената од крајот на трката долга 137 километри е можеби најдобриот доказ за тоа колку е бизарна нејзината победа. Имено, уште четири велосипедисти влегле со неа во последната етапа од трката. Мислеле дека борбата за медали е само меѓу нив и не ни знаеле дека Кисенхофер е пред нив. Во еден момент таа имала предност од дури пет минути.

Така, Холанѓанката Анемиек ван Влејтен, втора во рангирањето, влегла во финишот славејќи со кренати раце, мислејќи дека штотуку го освоила олимпиското злато. Во реалноста, таа заостанувала минута и половина зад Австријката и морала да се задоволи со сребрениот медал.

За да ја заврши приказната за чудото, Кисенхофер е дипломирана математичарка од Кембриџ. Пред осум години, таа докторирала на Универзитетот во Барселона. Интересно, оваа година таа спровела истражување за влијанието на топлината врз човечкото тело под напор, а голем дел од јавноста верува дека поради тоа се подготвила многу подобро од конкуренцијата за тешките услови во Токио.

Кисенхофер нема да стане професионалец ниту по најголемото злато во светот на спортот. "Штом сум на целта значи дека сум подготвена и сакам да победам, но исто така сум реална. Пред Игрите ги анализирав моите шанси и би била среќна да бидам меѓу најдобрите 25. Ова сеуште е незамисливо за мене, дека го земав златниот медал. Не сакам професионална кариера, без оглед на успехот. Сакам да уживам во возењето велосипед и мислам дека ќе возам на пробно возење “, рече креаторката на најголемото чудо на Игрите.

Патем, за Австрија го освои првото злато од Летните олимписки игри во Атина во 2004 година и првото злато во велосипедизам од Игрите во 1896 година.

притисни ентер