Македонија

Јаневска уверува дека училиштата во вторник ќе добијат образовани асистенти

Заврши првата недела од новата учебна година, а наместо во училишните клупи голем дел од децата со посебни потреби ја поминаа дома.

Родителите не се согласуваат со министерката за образование Весна Јаневска дека психолозите, педагозите и дефектолозите низ училиштата би можеле привремено да ја покријат работата на образовните асистенти кои се уште не им се достапни.. Кај нив револтот секојдневно расте бидејки сметаат дека децата во овој период изгубиле многу од наставата, нешто што ќе треба да го надокнадат од свои средства преку дополнителни приватни часови..

- Министерката најверојатно мисли дека инклузивните тимови се армија кадар. Дали мислите дека еден или двајца кои веќе се членови на училиштето дефектолог, педагог, психолог кој и да е дека може да покријат 12, 13 или 4 и 5 деца во текот на целото училиште. Што е можно по брзо да се пуштат асистентите, ова е изгубен материјал, ова е веќе изгубено уходување во училиште, ова е срамно што се случува. Родителите вложуваат во деца, во материјали, вложуваат финансии кои не се на ниво на државата него од сопствен џеп за дефектолози, логопеди за приватни часови.- Елена Јакимовска- Павлеска

Според министерката Јаневска пак нема проблеми со асистентите туку со училиштата, чии директори не ги објавиле огласите на време. Таа уверува дека 815те најавени образовни асистенти кои ги потпишале договорите, ќе започнат со работа во вторник и порача дека овој проблем од идната година нема да се повтори.

- Очекувам дека асистенти ќе има во вторник, но добро е ова сознание за да знаеме дека треба да посветиме многу внимание и на петте ресурсни центри кои треба да ја завршат оваа работа, но и да ги доедуцираме иако тоа веќе требало да биде завршено и менаџерите, директорите на училиштата но и тимовите кои треба да ја превземат оваа активност. Следната година вакво нешто нема да се повтори– Весна Јаневска – министерка за образование и наука

Јаневска ја објасни и новата реформа во образованието според која наставниците и учениците од 6то до 9то каде има едносменска настава треба да остануваат шест часови на училиште. Според неа на овој начин учениците наместо да бидат цел ден над книга, ќе имаат повеќе интерактивна настава вклучувајки спорт, информатика, претприемништво, а наставниците ќе бидат повеќе ангажирани овозможувајки им го тоа.

Свет

Во еден ден му извадиле 20 заби и му вградиле 12 импланти- се вратил дома и починал

Жителка на кинескиот град Јонгканг, неодамна поднела жалба до Општинското здравствено биро, а по смртта на нејзиниот татко.

Г-ѓа Шу наведува дека на несреќниот човек во еден ден во локалната стоматолошка клиника му биле извадени 20 заби и вградени 12 импланти. Таа тврди дека тоа ја предизвикало неговата прерана смрт 13 дена подоцна.

Ќерката тврди дека таткото во последните денови од животот претрпел „страшни болки“, пред да доживее срцев удар на 28 август, пренесува Oddity Central.

Таа бара одговорните да бидат изведени пред лицето на правдата.

Според писмената согласност на пациентот, на мажот му биле извадени природните заби, по што на вилицата му биле дупнати 12 дупки за импланти.

Претставникот на клиниката, каде што била извршена процедурата, објаснува дека бројот на заби кои може да се вадат одеднаш го одредува лекарот, врз основа на општата состојба на пациентот.

Не постои специфична регулатива, а клиниката и лекарот мора да ја имаат предвид толеранцијата на болката на пациентот и ризикот од инфекција.

„Колку повеќе заби отстранувате, толку повеќе пациентот реагира на болка и поголема е веројатноста за постоперативна инфекција“, рече Ксијанг Гуолин, директор на Центарот за орална медицина во Вухан.

Истрагата е во тек, но претставник на Општинското биро за здравство изјави дека „докажувањето на вината може да биде тешко“, со оглед на тоа што смртта настапила 13 дена по постапката.

Свет

Ужас во Франција: Маж си ја убил сопругата и двете мали деца, на една и 5- годишна возраст

Во Морман, во Сена-ет-Марн, во областа Ил-д-Франс, е уапсен човек кој рекол дека штотуку го убил „своето семејство“.

Околу 06:00 часот во Мормант, полицаец кој не бил на должност, кој одел на работа, видел маж вооружен со нож како напаѓа друг минувач на улицата, објави ТВ БФМ.

Пешакот е повреден во раката, а другиот во вратот, „и двајцата без значителни последици“, изјави обвинителот Жан Мишел Бурле.

Полицаецот успеал да го стави под контрола и да го уапси.

Потоа рече дека штотуку го убил „своето семејство“, сопругата и двете деца на една и петгодишна возраст.

Осомничениот нема криминално досие, туку „психијатриска историја“, додаде обвинителот.

Тој во моментов е хоспитализиран за да се утврди дали е способен да биде во притвор.Отворена е истрага за убиство со умисла, соопшти обвинителот.

Во Франција во просек се случува фемицид на секои три дена.

Во 2023 година, родителите убиле повеќе од 60 деца, според Voa d-lanfan, здружение кое брои убиства врз основа на случаи објавени во медиумите.

Живот

„Операција саксија“ е во тек во Амстердам, жителите во тешка меѓусебна кавга

Властите во холандската престолнина Амстердам ја почнаа „операција саксии“, бидејќи, како што истакнаа, прекумерното поставување саксии околу зградите го загрозува пристапот до објектите.

Жителите со вознемиреност реагираа на плановите на властите во Амстердам да ги отстранат, според нив, непромислено поставените саксии, објави Гардијан.

Во пристапот што локалните медиуми го нарекоа „операција саксии“, централниот кварт на холандската престолнина ги ограничува жителите да постават два саксии со дијаметар од 50 сантиметри, направени од „одржлив“ материјал и поставени на предниот ѕид на зградата.

Ќе се отстранат цели „градини“ со саксии на паркинзи и под дрвја, се вели во меморандумот на градските власти.

На состанокот на градскиот совет во вторникот, претседателката на Централниот извршен комитет на Амстердам, Амели Стренс, рече дека напуштените саксии со цвеќиња се непривлечни, лоши за биолошката разновидност и ги прават објектите помалку достапни за оние кои користат помагала за мобилност и инвалидски колички.

Некои жители на Амстердам се задоволни што градот реагира на загриженоста на луѓето за преполните тротоари, додека други посочуваат дека напуштените или паркирани велосипеди и тераси во баровите зафаќаат голем дел од јавните површини, како и отпадот, наведувајќи дека преголем број туристи го посетуваат градот.

притисни ентер