Јанева го загуби правото да оди на работа надвор од затворот „Идризово“

Поранешната специјална јавна обвинителка Катица Јанева од вчера повторно е вратена на целосно издржување на затворската казна во Идризово, откако била фатена дека не оди на работа во адвокатската канцеларија на нејзиниот син.

Од Управата за извршување санкции за Канал 5 велат дека по анонимна дојава бил извршен увид во канцеларијата во која не само што не била затекната екс-специјаланта обвнителка, туку адвокатската канцеларија воопшто не работела.

Синот на Јанева, Лазар пак негира дека поранешната специјална обвинтелка не била на работното место и тврди дека во моментот на увидот користела пауза за ручек, поради што и била затворена адвокатсакта канцеларија.

Јанева правото на делумна слобода го користеше од јануари годинавам, од кога е вработена во адвокатската канцеларија на нејзиниот син Лазар, а нејзината плата одеше на сметка на затворот Идризво.

Можноста да може да работи и да го напушта затворот наутро, а да се враќа попладне на Јанева и беше одобрена врз основа на добро поведение и поради тоа што веќе имаше издржано пет години од вкупната затворска казна. Директорот на Управата Пандов, вели дека со оглед на тоа што Јанева еднаш го прекршила правото на користење на таканаречената делумна слобода, таа повеќе нема да може да користи ваква привилегија во идинина, освен правото на годишен одмор и дека остатокот од затворската казна ќе мора да го помине во затворот Идризово.

Екс-шефицата на СЈО Катица Јанева беше осудена на 7 годинишна затворска казна поради злоупотреба на службената положба во случајот „Рекет“.

Во Британија се инсталирани 930.000 полначи за електрични возила, но работат само 65.000

До крајот на јуни, во Британија имало 930.000 полначи за електрични возила (EV), но повеќето од нив се инсталирани во домовите и деловните објекти, додека само 65.000 се достапни за јавноста.

Според извештајот на лоби групата ChargeUK, на секои 25 минути во Британија се инсталира по еден полнач за ЕВ.

Многу возачи исто така се воздржуваат од префрлување на електричен автомобил поради страв дека нема доволно полначи на располагање, но нивните стравови се неосновани, рече извршната директорка на ChargeUK, Вики Рид.

„Секторот за полнење ЕВ во Велика Британија стана главен играч во зелената економија за нешто повеќе од една деценија и обезбедува инфраструктура на која денес се потпираат повеќе од милион возачи на електрични автомобили“, рече Рид.

Во моментов има 1,1 милион електрични возила на патиштата во Велика Британија, вклучувајќи 167.000 продадени автомобили во првата половина од оваа година, според Здружението на производители и трговци на мотори.

Уделот на продадените ЕВ во сите продажби на автомобили во Британија е 16,6 отсто, пренесува The Guardian.

Отворањето на ОИ во Париз ќе го обезбедуваат 45.000 полицајци

Околу 45.000 полицајци ќе го обезбедуваат отворањето на Олимписките игри во Париз на 26 јули, на кое ќе присуствуваат над сто шефови на држави и влади.

На церемонијата, која првпат ќе се одржи надвор од стадион, ќе учествуваат околу 80 бродови ќе превезуваат спортисти од целиот свет на речната рута покрај Сена до Ајфеловата кула, изјави шефот за планирање и координација на ОИ, Ламбис Константинидис.

Се очекува 300.000 гледачи да бидат на кејот на Сена, што претставува сериозен безбедносен предизвик, особено во време на војна во Појасот Газа и Украина.

Рутата е долга шест километри, така што тоа е огромна област која мора да биде под безбедносен надзор. Затоа ни требаат толку многу луѓе, истакна Константинидис, додавајќи оти француските безбедносни служби соработуваат со американските безбедносни служби

Во мај годинава во францускиот град Сент Етјен беше уапсен маж осомничен дека планирал напад во име на Исламската држава врз фудбалскиот стадион во градот за време на Олимпијадата.

Украинец снимал Македонка преку прозорец, додека била на одмор во Пула- доби кривична пријава

Полицијата на Пула ја заврши кривичната истрага против 19-годишен украински државјанин осомничен за сторени кривични дела неовластено снимање и нарушување на интегритетот на дом и деловен простор.

Полициските службеници утврдиле дека на 14 јули, околу 17,00 часот, младиот човек преку прозорец во туристички објект во областа Пула фотографирал 31-годишен државјанка на Македонија, објави Индекс.

31-годишната жена потоа му го зела мобилниот телефон, поради што 19-годишникот се качил низ прозорецот и ја замолил да му го врати мобилниот телефон, што таа го направила откако тој ги избришал фотографиите што ги направил.

Кривичната пријава против осомничениот е поднесена до надлежниот државен обвинител.

притисни ентер