Главниот уредник на дескот за вести од светот на Албанската телеграфска агенција (АТА) Аријан Јоргаки испрати писмо со сочувство до МИА за трагедијата во Кочани во кое истакнува дека во ова време на жалост, АТА се солидаризира со народот на Македонија.

- Длабоко ни е жал поради трагичната загуба на 51 живот и 100 ранети во катастрофалниот пожар во ноќниот клуб во Кочани. Нашите мисли се на жртвите, нивните семејства и сите оние кои се погодени од овој потресен настан, пишува Јоргаки.

Тој вели дека ниту еден збор не може да ја намали болката од таквата огромна загуба, но нагласува дека сите сме во нивните мисли и молитви во овој тежок период.

- Нека спомените на изгубените донесат утеха, а нивните души нека почиваат во мир, наведува Јоргаки.

- Епископот Стојанов ги ветува своите лични молитви и молитвата на Црквата, препорачувајќи ги загинатите на Божјото милосрдие. Повредените, семејствата и сите оние кои се борат за нивните животи тој ги препорачува на застапништвото на Пресвета Богородица, да им дарува побрзо оздравување, сила, утеха, се вели во соопштението од Католичката црква.

Денеска во 19 часот, како што стои во објавата, во црквата „Раѓање на Свети Иван Крстител“ во Струмица ќе се служи панахида за покојните, наместо трибината за Јубилејната година, којашто била планирана за тој термин.

- Во деновите на жалост, започнувајќи од денес во сите цркви на Католичката црква во Македонија ќе се моли за покојните и за здравје на повредените, велат од Католичката црква.

- Србија испраќа воени хеликоптери или авиони по повредените да бидат лекувани на ВМА, наведува Стоилковиќ во објавата.

Претходно, во телефонски разговор со претседателката Гордана Сиљановска Давова, српскиот претседател Александар Вучиќ изразил длабоко сочувство и понудил помош во хеликоптери и други медицински транспортни средства, лекарски тимови, како и подготвеност да примат во болниците во Србија голем број повредени во трагедијата во Кочани.