Извештај на ЕК: Спорот со Бугарија приоритетно да се реши, блокадата негативно влијае на ЕУ

Македонија до крајот на годинава да ги започне преговорите за членство во ЕУ, бара Европската Комисјиа и во најновиот извештај за напредокот на земјава што Вархеји попладнево го презентираше во Европскиот Парламент.. 

Македонија и Албанија ги исполнија реформите и се подготвени за старт на преговорите до крајот на годината – порача еврокомесарот Оливер Вархеји при презентацијата на извештајот за напредокот на земјите од Западен Балкан. Пред европските пратеници во Стразбур, Вархеји додаде и дека секое одложување на овој процес го нарушува кредибилитетот на ЕУ. Еврокомесарот сепак кажа и дека земјава има уште работа, особено во делот со борбата против корупцијата, како и со реформите во администрацијата и судството.

„Тековните билатералните прашања меѓу Македонија и Бугарија мора итно да бидат решени. Процесот на проширување е врз база на заслуги. Двете држави испорачаа со реформите и ги исполнија условите за почеток на преговори, затоа е од големо значење земјите членки на ЕУ да ја усвојат преговарачката рамка за првата меѓувладина конференција да се одржат што е можно побрзо, годинава. Ова е есенцијално за кредибилитетот на ЕУ.. реформите...

При презентацијата на извештаите за земјите од Западен Балкан, бугарскиот европратеник Ангел Џамбаски не пропушти прилика да упати критика за земјава и како што тој кажа, дискриминацијата на Бугарите во земјава. Наместо поддршка, доби забелешка за неговиот англиски

„Владата на Македонија мора да започне да применува вистински реформи, да се ослободи од странски влијанија и да се фокусира на нејзините напори за зацврстување на врските со Бугарија.

„Колега Џамбазки, ви благодарам и за жал немаме преведувач, мислам дека тоа ќе беше навистина тешко, говорите навистина брз англиски ако можам да кажам.

Иако одлуката за старт на преговори со Македонија е во рацете на Советот, сепак дел од познавачите во земјава велат дека извештајот е добра слика за целосната состојба во земјава.

Покрај за Македонија, Европската Комисија ги објави и извештаите за напредокот на останатите земји од Западен Балкан. Во делот за Албанија се нагласува дека и покрај предизвиците земјата продолжила да ја покажува посветеноста кон Европските реформи. За Србија препорака за отворање за отворање на две нови поглавја, а за Црна Гора се наведува дека има успорување на реформскиот процес

Во САД во ноември се вработиле 210.000 лица, помалку од предвиденото

Но стапката на невработеност паѓа.

Вработеноста во САД значително се намали во ноември со отпуштања во малопродажбата и во образованието, но стапката на невработеност покажа добри резултати од 4.2 отсто, најмалку во изминатите 21 месец, јави дописникот на МИА од Вашингтон.

Намалената невработеност во ноември до четири отсто е во споредба со октомври, а тоа ја одразува бројката од речиси 600.000 нови вработувања во ноември, објавена претходно од Министерството за труд на САД.

Иако Министерството денеска објави друга бројка – дека во ноември биле вработени 210.000 лица, помалку од половина во октомври и многу помалку од предвидените 500.000 со оглед на празничниот период, според извештајот, двете бројки се разликуваат бидејќи едната е од анкетирани работодавачи, а другата е од домаќинствата.

Американската економија се враќа на ниво пред пандемијата, но мошне споро. Бројките покажуваат дека дел од Американците кои ја изгубиле работата поради пандемијата се враќаат на пазарот на трудот. Од анкетите на домаќинствата се дознава дека речиси 600.000 лица се вратиле на работа во ноември.

Тоа во ноември го зголеми влијанието на работоспособните Американци кои имаат работа или ја бараат до 61.8 отсто, споредбено со 61.6 отсто во октомври. Сепак, во САД во моментот се вработени 2.4 милиони луѓе помалку во споредба со периодот пред пандемијата.

Економистите сметаат дека силниот берзански пазар и високите цени на станбената недвижност ја зголемиле благосостојбата на многу Американци што придонело за тоа предвремено да се пензионираат. Исто така, многу домаќинства имаат огромни заштеди и нивните члеови не се брзаат да најдат работа.

Покрај тоа во САД се забележува и пораст на самовработувања.

Портпаролот на СЗО ги пофали компаниите што подготвуваат нова вакцина

Портпаролот на СЗО истакна дека во светот е доминантна Делта и оти повеќе од 90 отсто од заразените се заразени со оваа варијанта.

Производителите на вакцини против Ковид-19 треба да се пофалат што се подготвуваат за можноста дека ќе мора да ги приспособат своите производи за заштита од варијантата Омикрон, изјави денеска портпаролот на Светската здравствена организација (СЗО) Кристијан Линдмаер.

На брифинг во Женева тој рече дека СЗО сè уште ја проучува преносливоста и сериозноста на новата варијанта, која беше откриена во јужна Африка.

– Многу е за пофалба што производителите на вакцини веќе почнаа да прават планови согласно кои веројатно ќе треба да ја приспособат постоечката вакцина, рече тој додавајќи дека „е добро да не се чека да заѕвони алармот".

Линдмаер сепак нагласи дека ќе биде потребно уште некое време и оти не треба да се брза со заклучоците. Според него, прелиминарните податоци покажуваат дека има поголема преносливост, но оти во суштина тоа е сè што засега се знае.

Портпаролот на СЗО истакна дека во светот е доминантна Делта и оти повеќе од 90 отсто од заразените се заразени со оваа варијанта.

Се подобрува епидемиолошката состојба во Словенија, отворени скијачките центри

Во последните 24 часа во Словенија се потврдени 1.737 инфекции со коронавирус, со што продолжува трендот на подобрување на епидемиолошката состојба кое трае речиси две недели, а денеска во земјата се отворени скијачките центри.

Со 5.485 тестови откриени се 1.737 заразени, 37,1 отсто од тестовите биле позитивни. Ден претходно имало 2.125 заболени односно 34,1 отсто позитивни тестови. Значителен пад на новозаразените се бележи и на неделно ниво и е далеку од состојбата пред еден месец, кога на 3 ноември имаше 4.518 новозаразени, што е највисока бројка досега во четвртиот бран на епидемијата.

Бројот на активни инфекции се уште опаѓа и изнесува 31.796 случаи, а истиот тренд го покажува и двонеделната инциденца која моментално е 1508 (84 помалку од претходниот ден), додека седумдневнатиот просек на инфекции во еден ден падна за 88 и за прв пат падна под 2.000, моментално изнесува 1906.

Хоспитализациите стагнираат

Хоспитализациите стагнираат, со вкупно 1.059 пациенти во болниците денес, од кои 270 на одделенијата за интензивна нега, додека 17 пациенти починале, со што бројот на починати се искачи на 5.272 од почетокот на епидемијата.

Поповолната епидемиолошка состојба ќе ги подобри резултатите на словенечкиот туризам во зимската сезона, во однос на минатогодишните катастрофални резултати кога претежно беа затворени скијачките центри.

Повеќето од нив имаат доволно снег и денеска се отворени, со пропишаната епидемиолошка рамка за која се надеваат дека ќе трае до крајот на сезоната. Скијачите мора да бидат вакцинирани, со потврда дека прележале Ковид или дека биле негативно тестирани, а маски треба да се носат во кабините на жичарницата.

притисни ентер