Израелците од утрово ја напаѓаат Газа, убиено е десетчлено семејство (ВИДЕО)

Израелските борбени авиони ја нападнаа Газа рано утрово, а Хамас возврати со истрелување ракети кон Израел петта ноќ од конфликтот, додека американските и арапските дипломати се обидуваат да најдат начини да го запрат насилството.

Генералниот комесар на ООН за палестински бегалци (УНРВА), Филип Лазарини, за време на посетата на Мадрид изјави дека крвопролевањето во Палестина го испровоцирач Израел со протерување на палестинските семејства од источен Ерусалим и забрана на верниците да влегуваат во џамијата за време на рамазанските празници.

АФП јавува, повикувајќи се на здравствени извори, дека едно десетчлено семејство (осум деца и две жени) е убиено во бегалскиот камп Шати, кој се наоѓал во трикатна зграда, уништена за време на израелските воздушен напад.

Палестинските лекари известија дека најмалку четири лица загинаа во еден од неколкуте воздушни напади во северниот дел на појасот Газа, додека жителите изјавија дека ракетите биле испукани од израелските бродови во Средоземното море, иако ниедна веројатно не го погодила појасот.

Палестинското Министерство за верски работи соопшти дека израелски авиони уништиле џамија. Воен портпарол изјави дека војската го проверува извештајот.

Сирените го вклучија алармот во два големи града на југот на Израел поради ракетен напад од Појасот Газа, за кој одговорноста ја презеде Хамас.

Палестинската страна објави дека 11 лица биле убиени на Западниот брег во судирите меѓу демонстрантите и израелските безбедносни сили.

До понеделникот, најмалку 132 лица се убиени во Појасот Газа, од кои 32 деца и 21 жена, додека 950 се повредени, соопштија палестинските здравствени власти.


Остин: Војната на Путин е најголемата закана за Европа по Втората светска војна

Американскиот секретар за одбрана Лојд Остин попладнево ја опиша руската војна во Украина како „најголемата закана за европската безбедност од крајот на Втората светска војна“.

„Војната што ја започна Владимир Путин без никаква причина го загрозува не само суверенитетот на Украина“, додаде американскиот министер за одбрана.

Тејлор Свифт се верила во тајност, објавија британските таблоиди

Пејачката Тејлор Свифт наводно е тајно свршена со своето момче Џо Алвин, со кого е повеќе од пет години во врска.

Како што пишува The Sun, пејачката носи голем веренички прстен „зад затворени врати“, а славниот пар за свршувачката само го известиле семејството и најблиските пријатели. Свифт и Алвин почнале да се забавуваат кон крајот на 2016 година, откако наводно се сретнале на Мет Гала во Њујорк.

„Тејлор и Џо се неверојатно среќни и многу, многу заљубени. Тие всушност се свршени веќе неколку месеци, но им кажале само на својот најблизок круг на луѓе - буквално само на семејството и старите доверливи пријатели. Сите се заколнале на тајност“, рекол извор близок на парот и додал дека сакаат да ја држат својата љубов подалеку од очите на јавноста и од папарацо камерите.

„Ако и кога ќе ги разменат своите завети, сигурно нема да има никакво списание „Вог“, „Ролинг Стоун“ или „Хело!“. Ќе биде едноставно и елегантно - исто како нив“, вели изворот. Пред нејзината врска со Алвин, Тејлор Свифт се забавуваше со Том Хидлстон, Хари Стајлс и Калвин Харис, врски што беа доста јавни.

Русите тврдат дека не планираат да нападнат ниту една членка на НАТО

Русија денеска соопшти дека се надева на „разумно решение“ на спорот околу ограничувањата за транспорт на стоки преку територијата на Литванија до регионот Калининград, руска ексклава на Балтичкото Море.

Русија иѝ соопшти на Европската унија дека моменталната ситуација води кон значителни трошоци не само за Литванија, туку и за Унијата, изјави рускиот заменик-министер за надворешни работи Александар Грушко, пренесе руската агенција Интерфакс. Тој додаде дека му се чини дека „сигналот е примен“, односно дека Унијата го разбрала предупредувањето.

Слично мислење изрази и рускиот амбасадор во Европската унија, Владимир Чижов, кој рече дека се надева на „компромисно решение во блиска иднина“.

Кон средината на јуни, Литванија го забрани железничкиот транспорт на некои стоки, кои се на листата на западни санкции, до областа околу Калининград. Москва ги нарече ограничувањата „незаконски“ и се закани со контрамерки.

Грушко рече дека Русија работи на тоа, „но најважното нешто е прашањето за одржување во живот на Калининград“.

Заменик министерот за надворешни работи дополнително нагласи дека Русија не планира да нападне ниту една членка на НАТО. Само „болни умови можеа да го смислат тоа“, рече тој.

притисни ентер