Сега разрушената градба ја делат само неколку метри од влезот на средното градежно училиште во Карпош, а непријатната миризба која се шири од задивеното земјиште е веќе дел од секојдневието на оние кои се во непосредна близина.
Расфрлани тоалетни хартии и секаков вид на смет. Вака изгледа денес дел од историјата на Скопје која се наоѓа на најпрометниот градски булевар.
Граѓаните кои живеаат во околината се жалат дека има денови кога не можат да си дозволат да ги отворат прозорците поради непријатната миризба. Побараа од општината да реагира, да го исчисти местото и повеќе таму да не ваков тип на дивеење.
-Тоа беше запалено едно време, на изгорено, а сега како да се фрла ѓубре, мрши. Би требало да дојдат на лице место да исчистат, се чуствува навистина, кога поминувам поготово од оваа страна на булеварот се осеќа мирис на мрша.
-Се осеќа, се осеќа да, на ѓубре, не убаво, на измет.
Градочалникот на Општина Карпош, Стефан Богоев вели дека досега немало пријава, но посочи дека веднаш ќе побара од ЈП Комунална хигиена да види што се случува на просторот.
-Јас ќе пратам комунално редарски служби да проверат каква е ситуацијата и да видат дали нешто има, евентуално отпад или некој друг причинител на миризба за тоа веднаш да се санира со нашите служби, вели Богоев.
Градоначалникот додаде дека на тоа место требало да има станбени објекти, но во тек е менување на ДУП-от, а според истиот просторот ќе се користи од државни институции, а три веќе пројавиле и интерес, меѓу кои и секторот образование.
Градскиот завод за урбанизам кој е во стечај содржеше битни документи за урбано Скопје, а само дел од нив беа спасени од противпожарните екипи кога се запали во 2017 година. Општина Карпош тогаш побара детална истрага затоа што околностите укажувале дека пожарот е подметнат. Богоев вели дека се уште нема повратна информација до каде е истрагата од страна на надлежните.