Продолежение на седницата на Комисија за политички систем, каде што треба да се дискутира по однос на амандамните, се уште не е закажано, а претседателката Соња Мираковска за Канал 5 вели дека ќе го закаже веднаш штом добие позитивен сигнал од партиите...
Денеска во Собранието цел ден траат консултации и се бара начин да се надмине блокадата.. Но, од партијата Левица, која има поднесено најголем дел од амандамните, се кагорични дека нема да попуштат..
„ Сите членови во кои тие вршеле измени се проблематични, да го спомнам и тој делот со масовно ограничување воведување кривично дело со Фејсбук спонзорирање кое што ние се сомневаме т.е. сме сигурни дека е директен таргет на нас. Така да ние не отстапуваме, нема измени, едноставно по препораките од ОБСЕ/ ОДИХР нема време за да се носат вакви измени два месеци пред избори“, вели Борислав Крмов – пратеник на Левица
Неофицијално, според информациите на Канал 5, доколку нема друг начин за надминување на блокадата, како опција се разгледува и можноста законот да биде повлечен и вратен со европско знаменце.. но, останува непознато дали би бил во истата форма како што е до сега или ќе доживее одредени измени.
Најголеми реакции имаше за воведувањето на прагот од два проценти за независните листи на кандидати.. невладините, помалите партии, но и антикорупциска и претседателот Пендаровски оценија дека тој е превисок, а како аргуметн го псоочуваат извештајот на ОБСЕ од 2017 година.. Во него се препорачаува прагот да биде до 1 процент, а се препорачува и да се размисли за обезбедување алтернативни методи за прибирање потписи,бидејќи според нив потпишувањето пред претставници на Државната изборна комисија во некои средини може да има одвраќачки или застрашувачки ефекти врз некои гласачи.