Свет

Италијанците шокирани од однесувањето на турист во Помпеја: Каков варварин, казнете го!

Австралиски турист (33) е уапсен откако се возел со мопед низ урнатините на Помпеја.

Тој го возел мопедот околу километар и пол, по што обезбедувањето го привело и чекало да пристигне полицијата. Иако во меѓувреме се извинил, италијанските медиуми го нарекоа варварин.

Човекот тврди дека не знаел дека на тој простор е забрането да се вози. За среќа, во овој случај е потврдено дека ниту еден дел од античкиот град не е оштетен. Треба да се напомене дека местото е старо околу две илјади години, уништено е од вулканска ерупција во 79 година од нашата ера, а се наоѓа на листата на културно наследство на УНЕСКО.

Главното обвинение против туристот е прекршување.

„Маршрутата по која се движеше е земјен пат надвор од античките градски ѕидини, кој го користат возила за ископување. Тој е безбеден, обновен и недостапен за јавноста. Според тоа, во ниту еден момент не постоела опасност ниту за посетителите, ниту за археолошкото наследство“, се наведува во соопштението.

Инцидентот траел само неколку минути пред обезбедувањето да сфати што се случува. Тие го привеле мажот додека не дошла полицијата. Властите веруваат дека тој илегално влегол на местото преку службениот влез, кој го користат возилата за одржување. Австралиецот подоцна се извинил.

Веста доаѓа само неколку недели откако двајца американски туристи предизвикаа штета од 25.000 евра на скалите Тринита деи Монти од 18 век, фрлајќи ги скутерите по нив. Римската управа за заштита на наследството соопшти дека тоа предизвикало скршеници на 16. и 29. скалило од десната скала.

Маж од Саудиска Арабија беше обвинет на почетокот на оваа година откако се обидел да го вози своето изнајмено Maserati по истите скали, при што скршил парче травертин.

Свет

Галант: Половина од командантите на Хезболах загинале од 7 октомври

Израелскиот министер за одбрана Јоав Галант тврди дека од 7 октомври 2023 година во израелските напади се убиени половина од командантите на Хезболах во јужен Либан, додека добар дел од нив сега ги напуштаат своите позиции.

„Нашата главна цел беше и останува да создадеме поинаква безбедносна ситуација овде (во близина на сината линија која ја повлекоа Обединетите нации) и дека жителите на северен Израел можат безбедно да се вратат во своите домови. Во овој поглед, разгледуваме неколку решенија“, изјави Галант. /МИА

Свет

ЕУ бара независна истрага за масовните гробници во болниците во Газа

ЕУ денеска објави дека бара „независна“ истрага за масовните гробници во близина на двете главни болници во Појасот Газа.

„Бараме независна истрага за сомнежите и околностите на тоа откритие, бидејќи тоа создава впечаток дека можело да има прекршување на човековите права“, рече Петер Стано, портпарол на Европската служба за надворешни работи (ЕЕАС).

ОН вчера повика на независна истрага за масовните гробници откриени во двете главни болници во Појасот Газа.

Во изјавата, високиот комесар на ОН за човекови права Фолкер Турк рече дека е „ужасен“ од уништувањето на најголемата болница во Газа, болницата Ал Шифа и медицинскиот комплекс Насер во Кан Јунис, како и од откривањето на масовните гробници до нив.

Израелската армија негираше каква било одговорност и рече дека е „неосновано верување“ дека ги закопала телата на Палестинците.

Претставник на цивилната одбрана во Појасот Газа вчера изјави дека неговите тимови во саботата откриле тела на 340 луѓе во масовни гробници во кругот на болницата „Насер“. /МИА

Живот

Повеќе од 280 милиони луѓе се соочиле со акутен глад минатата година, покажува извештај на ФАО

 Над 280 милиони луѓе во 59-те земји во светот каде кризата со храна е најтешка, се соочиле со акутен глад минатата година, покажува извештајот на Организацијата за храна и земјоделство на Обединетите нации (ФАО).

Се забележува дека иако вкупниот удел на луѓето во светската популација кои се соочуваат со голем недостиг на храна во 2023 година беше малку помал отколку во 2022 година, тој остана над нивото пред пандемијата.

Во него се нагласува дека процентот на луѓе кои се соочуваат од акутен глад останува висок, а главни фактори зад овој тренд се воените конфликти, екстремните временски услови и економските шокови, кои продолжуваат да го загрозуваат одржливиот развој на светот.

Организацијата за храна и земјоделство на Обединетите нации предупредува дека влошувањето на ситуацијата во светот како резултат на овие фактори претставува сериозна закана за глобалната безбедност на храната во тековната 2024 година.

Извештајот на ОН ги става Авганистан, ДР Конго, Нигерија, Судан и Етиопија во првите пет земји погодени со најакутна криза со храна. /МИА

притисни ентер