Шпанија стана првата европска земја што има повеќе од еден милион заразени, двојно зголемен број за само шест недели и покрај ограничувачките мерки.
Министерството за здравство на таа земја со 47 милиони жители денес пријави 17 илјади нови случаи, со што вкупниот број достигна 1.005.295 од почетокот на пандемијата. Бројот на починати се зголемил за 156 на 34 366.
Шпанија бележи во просек повеќе од 10 000 случаи на ден од крајот на август, а минатата недела имала повеќе од 16 000 на ден, пренесува Ројтерс.
Иако дневниот биланс на смртност на околу 100, е далеку помал отколку во екот на пандемијата кон крајот на март, кога починале по 900 луѓе дневно, додека бројот на хоспитализации низ целата земја се зголемил за 20 проценти, а во Каталонија за дури 70 проценти.
Соседна Франција има повеќе од 900.000 случаи, така што наскоро би можела да ја премине и озлогласената граница од милион заразени, иако има околу 40% поголема популација од Шпанија.
Франција денеска забележа повеќе од 25.000 нови инфекции по шести пат во рок од 12 дена.
Бројот на хоспитализирани се зголемил за повеќе од 700 трет ден по ред, што укажува на тоа дека полицискиот час што неодамна е воведен сè уште не го покажал своето влијание. Бројот на хоспитализирани за прв пат од почетокот на јуни е поголем од 13 илјади. Во Франција, 163 лица денеска починале од коронавирус, со што вкупниот број достигнал 34.048.
Италија, европската земја која прва беше погодена од пандемијата, денеска забележа рекорден број на новоинфицирани, 15.199. Претходно, тој рекорд изнесувал 11.705, а бил забележан минатата недела. Уште 127 лица денеска починале, што е зголемување за 89 на ден претходно, но сепак е многу помалку од просекот на 900 луѓе на ден кои починале во март и април.
Бројот на заразени во овој бран во Италија е поправилно распореден по региони, но Ломбардија е повторно најтешко погодена, особено околу најголемиот град Милано. Денеска, Италија има рекорден број тестирани, дури 177.848.