Италија предложи задолжително тестирање за сите што се враќаат од одмор

Италија предложи воведување задолжителни тестови за коронавирус за сите кои се враќаат од земјите каде што нивните државјани најчесто летуваат.

Одлуката ќе важи за земји за кои Италија оценила дека се ризични поради епидемиолошката состојба. Тоа се, на пример, Шпанија, Хрватска , Грција и Малта.

Италијанците предлагаат две решенија. Прво, секој патник треба да покаже сертификат за негативен тест не постар од 72 часа или да направи брз тест во рок од 48 часа по влегувањето во земјата. Брзото тестирање, кое трае околу 15 минути, би можело да се прави на аеродромите.

Ова го предложи италијанскиот министер за здравство Роберто Сперанза и предлогот е испратен до италијанските региони за усвојување. Одлуката се очекува доцна вечерва или утре. Тој ги објави овие информации на својот Фејсбук профил.

Италија на тој начин се обидува да го спречи хаосот што се појави во регионите и во Рим, а се однесува на третманот на повратниците од ризичните земји. Имено, задолжителната самоизолација од 14 дена е проблематична за многу Италијанци кои веќе се во странство и кои заминале на годишен одмор кога ограничувањата не биле на сила.

Задолжителната двонеделна самоизолација е веќе на сила за сите оние кои доаѓаат од не-шенгенски земји, меѓу кои и Бугарија и Романија.

Италија потенцира дека во последниве денови бројот на заразени лица во Хрватска нагло расте, како и бројот на италијански туристи кои развиле некои симптоми на болеста при нивното враќање во татковината.

Царинските службеници во Грција ќе одржат 48-часовен штрајк следната седмица

Од Федерацијата на царински службеници на Грција соопштија дека цариниците од Независната управа за јавни приходи како и од Министерството за финансии ќе одржат 48-часовен штрајк.

Дводневен штрајк за 2 и 3 април закажаа грчките царинските службеници, што ќе влијае и на сообраќајот на граничните премини од Грција кон соседните земји, меѓу кои и Македонија, јави дописничката на МИА од Атина.

Од Федерацијата на царински службеници на Грција соопштија дека цариниците од Независната управа за јавни приходи како и од Министерството за финансии ќе одржат 48-часовен штрајк, а од Синдикатот на вработени во јавниот сектор преку соопштение изразија поддршка за штрајкот.

Според информациите на дописничката на МИА од Атина, поради 48-часовниот штрајк на цариниците целосно ќе биде во прекин сообраќајот на граничните премини од и кон Грција за товарните возила и секаков вид пратки, додека пак во однос на автомобилите, не е исклучена можноста возилата повремено да се пропуштаат, нешто што ќе се дефинира и појасни непосредно пред почетокот на штрајкот.

Паоло Малдини би можел да се врати во Милан

Легендата на Милан, Паоло Малдини може да се врати во клубот.

Според „pianetamilan.it“ под фотографијата објавена од сопругата на Малдини, Адријана, се појавило прашање дали да го очекуваме функционерот во клубот од Милано. Сопругата на Малдини стави смајли што може да се протолкува како „наскоро“.

Милан го отпушти Малдини во летото 2023 година. Неговите играчки денови во Милан траеја од 1984 до 2009 година. Во овој период со клубот освои 26 трофеи, од кои седум победи во италијанското првенство и пет во Лигата на шампионите.

Малдини ја презеде функцијата технички директор во 2019 година, а од 2018 година работи како директор за стратешки развој. Вкупно, тој помина 36 години во Милан во различни статуси.

Саудиска Арабија за прв пат учествува на изборот за Мис Универзум

Саудиска Арабија ќе учествува на изборот за Мис Универзум 2024 за прв пат во историјата на изборот.

Руми Алкахтани, 27-годишна манекенка и инфлуенсер родена во Ријад, ќе ја претставува Саудиска Арабија на изборот за убавина.

- Чест е да се учествува на изборот за Мис Универзум 2024. Ова е прво учество на Кралството Саудиска Арабија на изборот за Мис Универзум - објави таа на својот Инстаграм профил.

Освен што е крунисана за Мис Саудиска Арабија, Алкахтани ги носи и титулите Мис на Блискиот Исток, Мис на Арапскиот свет за мир 2021 година и Мис жена на Саудиска Арабија.

Таа претходно ја претставуваше Саудиска Арабија на неколку меѓународни натпревари, меѓу кои и оној за Мис Азија, кој се одржа во Малезија, пишува Index.hr.

притисни ентер