Истражување Преспа институт: Србија со 45 % најголем пријател на Македонија, само 0,2% Бугарија

Србија е најголем пријател на земјава – покажуваат резултатите од истражувањето на Преспа институтот. 

Според податоците, за нашиот северен сосед се определиле 45 проценти од анкетираните, а потоа следуваат Косово и Албанија проценти. Бугарија пак, како пријател ја гледаат само 0,2 проценти. Според податоците, македонските граѓани најмногу вредности или интереси споделуваат со Србија или 62 проценти односно раст од 7 проценти за разлика од 2020 година, што според истражувачите се должи на тоа добрите односи со нашиот северен сосед, економската соработка, пост – ковид мерките и решавањето на црковното прашање.

-Анкетата ни кажува дека Србија продолжува да се искачува како најперцепиран пријател на Македонија, најважен критериум за нашите граѓани за тоа кој е пријател или не се споделуваните интереси и вредности, но не до тој степен демократскиот допринос или економијата и соработката со таа земја. / После Србија, следната земја како најпрепознатлива за пријател е Косово со 9 проценти, Албанија, 5,6 проценти. Бугарија е на 0,2 проценти, изјави - Ивана Јордановска – Постара надворешна соработничка и истражувачка на „Преспа институт“.

Како земји кои најмногу имаат придонесено за демократскиот развој на земјава, на прво место е САД, а потоа ЕУ и Србија. Слична е ситуацијата во поглед на економијата, односно најпрепознатливи држави за граѓаните се ЕУ, Србија и САД. Интересно е тоа што Германија за разлика од минатите години, повеќе не важи за еден од главите партнери на земјава за демократски развој и економска соработка

-Земја која што најмногу има допринесено кон демократскиот развој на Македонија, број еден се САД со 24,2 проценти, па ЕУ со 22,8 проценти , и на трето место е Србија со 14,7 проценти. Во поглед на тоа кој има најмногу допринесено за економскиот развој на Македонија, најпрепознатливи се ЕУ со 21,2 проценти, потоа Србија со 15,9 проценти и на трето место се САД, истакна - Ивана Јордановска – Постара надворешна соработничка и истражувачка на „Преспа институт“.

Според истражувањето, 61 процент од граѓаните сметаат дека ЕУ е најдобра опција, пред се поради економски развој и нови работни места. Ист процент од нив би гласале и позитивно на референдум за влез во ЕУ, а дури 30 проценти би гласале против.

Прашани пак за промена на уставот, 32 проценти би поддржале влез на Бугарите, Хрватите и Црногорците во уставот, 45 се против, речиси 13 проценти се против влез само на Бугарите во уставот. Најважни вредности за сите старосни групи пак, се културата, религијата и традицијата. Истражувањето е спроведено телефонски во април и мај годинава на репрезентативен примерок од 1.500 испитаници.

Најмалку десетмина загинати во судир на воени хеликоптери над малезиска поморска база

Два воени хеликоптери утрово се урнаа за време на тренинг над поморска база на западниот брег на Малезија, при што загинаа десет лица, јавија локалните медиуми повикувајќи се на морнарицата на земјата.

Сингапурскиот информативен канал ЦНА ја цитира Кралската малезиска морнарица (РМН) која во соопштение информира дека морнарички хеликоптер со седум членови на екипажот и уште еден со тројца патници се урнале во поморската база во Лумут, околу 200 километри северозападно од Куала Лумпур.

CNA јави дека хеликоптерите тренирале прелетување за прославата на 90-тиот Ден на морнарицата, што треба да се одржи за неколку дена.

Причината за несреќата првично е нејасна и РМН ќе „формира истражен одбор за да ја утврди причината за инцидентот“. /МИА

Фон дер Лајен: Европа ќе остане глобално срце на индустријата и иновациите

Обраќањето пред Европарламентот на Урсула фон дер Лајен. 

Од последните европски избори во 2019 година, ЕУ се соочи со две кризи од историски размери - Ковид-кризата и војната во Украина, проследена со енергетска криза „произведена во Русија“, кои можеа да се претворат во драматична економска и социјална криза, но тоа не се случи поради големата отпорност на Европа, но и поради тоа што ги поставивме вистинските политики, изјави денеска претседателката на Европската комисија во обраќањето пред Европарламентот, Урсула фон дер Лајен.

- Последните пет години не научија нешто. Одново и одново ги изненадивме скептиците и им пркосевме на „пророците“. Затоа што за силна Европа, ако има волја, има и начин и нашиот континент ќе продолжи да биде глобалното срце на индустријата и иновациите, истакна Фон дер Лајен во дебатата за заклучоците од минатонеделниот Специјален самит на Унијата посветен на економските перспективи на ЕУ.

Таа нагласи дека иако на почетокот на оваа деценија се предвидуваше масовна невработеност и долга рецесија, денес стапката на невработеноста е на историски најниско ниво од под шест отсто, вработеноста е над 75 проценти, а инфлацијата се приближува до целта од две отсто.

Сепак, според неа, овие кризи го земаа данокот на конкурентноста на Европа, бидејќи до пред нивната појава бизнис модел на многу европски индустрии се засноваше на евтина енергија од Русија и зголемена трговија со Кина, а продуктивноста на трудот се зголемуваше за само 0,8 отсто годишно.

- Ова може да се реши само со заеднички напори и на европско и на национално ниво. Затоа, враќањето на нашата конкурентска мора да биде во сржта на економската агенда на Европа во иднина. И јас сум апсолутно убедена дека можеме да поттикнеме нов наплив на европска конкурентност, додаде Фон дер Лајен.

Според неа, тоа ќе се постигне, прво, со поттикнување на приватниот капитал кон инвестиции , за што од суштинско значење е создавање на единствен европски на пазар на капитал, што ќе овозможи предвидливост, заштеди за инвеститорите и зајакнат надзорот на европско ниво на најважните играчи на пазарот.

- Вториот приоритет е намалување на трошоците за енергија. Трошоците за енергија продолжуваат да влијаат на нашата конкурентност. Минатата година за време на енергетската криза беа направени многу инвестиции и наскоро можеби од глобален недостиг да добиеме вишок на ЛНГ. Како резултат на тоа, очекуваме да паднат цените на бензините. Ова ни дава простор за понатамошен развој на обновливите извори на енергија, рече Фон дер Лајен.

Потсетувајќи дека лани првпат во ЕУ е произведена повеќе струја од ветер отколку од гас, претседателката на ЕК апелираше за продолжување на реформите на пазарот на електрична енергија со цел да се добива поевтина и чиста енергија во Европа.

Според неа, третиот приоритет мора да биде насочен на намалување на недостигот на работна сила и стручно оспособени работници и за таа цел да се обучуваат младите преку образованието, да се овозможи професионална преориентација на повозрасните работници и да се привлекува легална миграција на работна сила од странство. /МИА

Норис верува во прва Ф1 победа оваа сезона

Возачот на Мекларен, Ландо Норис, изјави денеска дека неговиот настап на последната трка во Кина покажал дека може да ја оствари својата прва Формула 1 победа оваа сезона.

Норис заврши втор на кинеското ГП во Шангај минатата недела зад Макс Ферстапен од Ред Бул, порачувајќи дека и самиот не очекувал таков резултат.

Во последните 23 трки, Ферстапен забележа 21 победа и на другите возачи им е тешко да му парираат.

„Веќе реков, не ми треба поголема самодоверба. Трката во Кина тоа го докажа. На почетокот на годината реков дека мислам оти можеме да се бориме против Ред Бул и ќе можеме да победуваме. Секако тоа нема да биде лесно. Но во едно вистинско време, во добри услови и со работи што малку повеќе ќе му одговараат на нашиот болид – верувам 100 отсто во тимот и во мојата способност да го направам тоа“, изјави Норис за Скај. /МИА

притисни ентер