Исламисти од Албанија и од Балкан се борат во Сирија

Не е изненадување што на Балкан се врши регрутирање на борци за Сирија, иако во апсолутни бројки предничат други држави во Европа, вели Гидо Штајнберг од фондацијата Наука и политика во интервју за Дојче веле.

ДВ: Антитерористичките единици во Албанија уапсија 8 лица кои регрутирале борци за Сирија. Тие прво оделе во Турција за потоа да заминат кон Сирија. Што се случува во овој поглед на турско-сириската граница?

Штајнберг: Заминувањето од Албанија кон Турција, а потоа кон Сирија не е никакво изненадување. Постои голем бран европски борци од сите можни земји, од Германија, Велика Британија, Франција, но и од Босна, од Косово, Австрија, Белгија, во правец на Турција. Во меѓувреме постојат градови во кои регрутите можат да отпатуваат, во кои без проблеми наоѓаат лица за контакт, кои потоа брзо ги префрлаат преку сириската граница. Новодојденците таму одат на обука во кампови и по желба се распределуваат кон различни групи. Тоа е феномен кој ни е познат веќе две години.


ДВ: Дали обуката се врши во Турција или во Сирија?

Штајнберг: Тренингот се одвива во Сирија. Турција е главно логистички регион и транзитна територија. Но, голем проблем е што Турција последниве години ги толерираше овие активности, од пред неколку месеци се обидува да ја ограничи слободата на движење барем на најопасните групи. Целосно земено, Турција е дел од проблемот, а не од решението.


ДВ: Феноменот е релативно нов за Албанија, повеќе е познат од Косово, од Македонија и од Босна. Колку се чувствителни земјите на Балкан кон овој феномен?

Штајнберг: Можеби исто така не е изненадување заминувањето на регрути во Сирија од Балканот. Ова помалку се однесува на апсолутните бројки. Најбројни се борците за Сирија кои тргнуваат од Велика Британија, Франција и Германија. Но, ако се гледаат бројките во однос на бројот на населението, малите држави се водечки и тука се Белгија, Австрија, Данска, но и Босна и Херцеговина. Ако се земе во предвид дека во Босна веќе две децении се присутни салафистички мисионерии проповедници, не е никакво чудо, а истото важи и за Косово, иако помалку за Албанија.


ДВ: Како функционира регрутирањето, со кои методи?

Штајнберг: Постојат различни приоди. Постојат луѓе со контакти кон териристичките мрежи, кои целно вршат регрутација, што главно се однесува на салафистичките културни центри или џамии. Тоа е феномен кој не е доволно испитан, зашто по правило овие луѓе постапуваат многу итро. Но, јасно е дека младите се регрутираат меѓусебно, носат свои пријатели и познаници во џамиите во салафистичката сцена и тогаш по правило се врши заминување кон Сирија. Се работи главно за групнодинамичен процес, а не за целно врбување. Не е точна претставата дека сириските организации имаат свои луѓе за регрутирање во Европа, такви случаи има поединечно, но по правило во прашање е иницијатива на европски доброволци.


ДВ: Какви мотиви ги водат овие луѓе да го ризикуваат и својот живот во Сирија?

Штајнберг: Постојат најразлични мотиви, кои варираат од земја до земја. Општо, многумина од нив се салафистички муслимани од убедување, кои сакаат да им помогнат на своите браќа по вера во Сирија. Разликата со Пакистан, Авганистан или Сомалија е во тоа што патувањето во Сирија е релативно едноставно. Од сите европски градови може да се отпатува во Турција само со личен документ. Постојат и други мотиви, на пример авантуризам, но најважна причина се сепак грозните слики кои стигнуваат од сириското боиште.


ДВ: Муслиманската заедница во Албанија се огради од имамите кои организираат патувања во Сирија.

Штајнберг: Најголем дел од борците припаѓаат на салафистичката сцена, која е поддржувана од Саудиска Арабија и други држави од Персискиот Залив. Салафистите се дистанцираат од останатите муслимани, ја истакнуваат својата како единствено правилна интерпретација на исламот. Тие развиваат одредена агресивност, а кај порадикалните групи оваа агресивност преминува во насилство, која потоа се отсликува во џихад, света војна.


ДВ: Парламентот во Косово усвои предлог-закон кој забранува учество во странска армија. Дали тоа може да помогне?

Штајнберг: Во повеќе земји постои таков закон, и во Германија. Тоа е средство против регрутирањето борци за Сирија. /Преземено: DW/

Ѓоковиќ се уште не избрал нов тренер

 Српскиот тенисер Новак Ѓоковиќ изјави дека се уште не знае кој ќе му биде тренер. Пред тоа ја прекина соработката со Горан Иванишевиќ. Србинот истакна дека Хрватот е негова драга личност и нивното пријателство нема да заврши.

-Се уште не знам точно кој ќе биде новиот тренер и дали воопшто ќе има таков. Имам тренери уште од детството, сега се обидувам да се потпрам на моите чувства и самостојно да одлучувам што ми треба, што е позгодно за мене. Ако некој се приклучи на тимот, тоа ќе биде објавено, изјави Ѓоковиќ.

Ѓоковиќ и Иванишевиќ почнаа да соработуваат од 2018 година. Покрај Ѓоковиќ, Иванишевиќ беше тренер на Хрватот Марин Чилиќ, Чехот Томаш Бердих и Канаѓанецот Милан Раониќ.

Од 2018 година, Ѓоковиќ четири пати ги освои Австралија Опен и Вимблдон, како и Ролан Гарос и УС Опен по два пати. /МИА

Фифти Сент ќе бара самостојно старателство над синот

Американскиот рапер Фифти Сент ќе побара самостојно старателство над синот што го има со Дафне Џој, откако таа е посочна како наводна сексуална работничка во тужбата против музичарот Шон Комбс - „Диди“.

„Со оглед на најновите случувања и вести за вмешаноста на Дафне Џој во тужбата на Диди, Фифти Сент ќе бара самостојно старателство над неговиот син“, изјави извор близок до двојката за „Ју-ес викли“ (Us Weekly).

Портпаролот на Фифти рече дека нема коментар за овие наводи.

Раперот и Дафне беа во врска во 2011. и 2012 година. Тие се разделија набргу по раѓањето на нивниот син Сајр. По последните наводи, Фифти на својот интернет-простор објави фотографија од себе со пура и не многу пријателски коментар за поранешната девојка.

„Не знаев дека си сексуална работничка. Мала сексуална работничка. 'ЛОЛ'. Овие г**нарии се претворија во филм", напиша музичарот.

Според западните медиуми, во судските документи Дафне Џој е обвинета дека била вмешана како сексуална работничка, заедно со Јанг Мајами и Џејд Рејми, во наводниот синџир за секс-трговија на Диди. За нив, наводно, раперот „се фалел“ дека им плаќал „месечна стипендија“ за нивната сексуална работа./МИА

Индустриското производство во февруари зголемено за 0,3 отсто

Индустриското производство во февруари годинава во однос на истиот месец лани е поголемо за 0,3 отсто. 

Во периодот јануари – февруари 2024 година, пак, споредено со првите два месеца од 2023, растот изнесува 1,5 проценти, соопшти Државниот завод за статистика.

Гледано по сектори, индустриското производство во секторот Рударство и вадење на камен во февруари 2024 година, во однос на февруари 2023 година, бележи пораст од 5.6 %, во секторот Преработувачка индустрија бележи пораст од 0.8 %, а во секторот Снабдување со електрична енергија, гас, пареа и климатизација опаѓање од 14.5 %. Зголемувањето во секторот Преработувачка индустрија е резултат, пред сѐ, на зголеменото производство во следните оддели: Производство на прехранбени производи, Производство на текстил, Производство на хартија и производи од хартија, Производство на хемикалии и хемиски производи, Производство на основни фармацевтски производи и фармацевтски препарати, Производство на производи од гума и производи од пластични маси, Производство на електрична опрема, Производство на машини и уреди, неспоменати на друго место, Производство на моторни возила, приколки и полуприколки, Производство на останата опрема за транспорт, Производство на мебел, Останата производствена индустрија и Поправка и инсталирање на машини и опрема.

Според главните индустриски групи, производството во февруари 2024 година, во однос на февруари 2023 година, бележи пораст кај Интермедијарни производи, освен енергија за 5.9 %, Капитални производи за 4.8 % и Трајни производи за широка потрошувачка за 3.4 %, додека опаѓање бележи кај Енергија за 15.4 % и Нетрајни производи за широка потрошувачка за 5.9 %

притисни ентер