Свет

Иран тврди дека може да обогатува ураниум и до 60 проценти

Иран има капацитет за збогатување ураниум до 60 проценти, изјави денеска портпаролот на иранската агенција за атомска енергија , што е повеќе од потребно за цивилни цели, но сепак е далеку од 90 проценти потребни за производство на нуклеарнa бомба. 

„Организацијата има капацитет за збогатување ураниум од 5, 20 дп 60 проценти“, рече портпаролот на АЕИО, Бероз Камалванди на прес-конференција во нуклеарната централа „Фордоу“, јави новинската агенција ИРИБ.

„Во моментов има потреба од 5 проценти“, додаде Камалванди.

Врховниот лидер на Иран, Али Хаменеи, минатиот месец рече дека Исламската Република никогаш не се обидела да гради и користи нуклеарно оружје, што религијата им го забранува.

Иран во четвртокот објави дека продолжи со збогатување на ураниум кај „Фордоу“, оддалечувајќи се подалеку од нуклеарниот договор во 2015 година со светските сили, откако Соединетите држави решија да се повлечат од договорот.

Договорот забранува производство на нуклеарно оружје во Фордоу, високо чувствителна област што Иран ја криеше од инспекторите на ООН до 2009 година.

Инспекторите на Меѓународната агенција за атомска енергија (МААЕ) утре ќе го посетат Фордоу, објави Камалванди.

Во мај, Иран започна да ги надминува границите договорени со договорот како одмазда за притисоците на САД врз Техеран да преговара за ограничувања на програмата за балистички ракети и поддршка за силите за посредување во Блискиот исток.

Иран вели дека ќе ги повлече своите мерки ако европските потписнички на договорот успеат да го вратат пристапот до надворешната трговија со Техеран, што беше блокирано со наметнување санкции од САД.

Култура

Отворање на изложбата „Интимност и интерконекција“ во Куманово

Зимскиот салон од Штип ќе гостува во Куманово со изложбата „Интимност и интерконекција“ која ќе биде претставена во уметничката галерија во градот.

Отворањето на изложбата е вечер во 19.30 часот, а посетителите ќе имаат можност да ја посетат до 8 мај.

-Сметаме дека ваквите претставувања на изложбите на ДЛУМ се од голема важност бидејќи ДЛУМ се состои од членови од цела Македонија, велат од Друштвото на ликовни уметници на Македонија.

Следната поставка на оваа изложба се планира да биде во Музеј Битола.

Култура

Премиера на „Паника“ во Велешкиот театар

Велешкиот театар „Јордан Хаџи Константинов Џинот“ вечерва во 21 часот премиерно ќе ја изведе претставата „Паника“ на финскиот автор Мика Мулуахо, во режија на Александар Ивановски. 

Во претставата, која е дуо драма настапуваат Стефан Николовски како Лазе и Филип Христовски како Мики. Драматург на претставата е Катерина Момева а сценографија на Филип Коруновски а музиката е во избор на двајцата актери.

Како што појаснуваат од велешкиот театар, приказната е за двајца другари што се немаат видено долго време и после многу поминати години и патешествија во животот, тие се соочуваат еден со друг, си помагаат еден на друг, се провоцираат еден со друг, преку што избиваат нивните внатрешни конфликти.

-Во претставата се навлегува во најдлабоките теми на суштествувањето, прашања што го мачат секој човек кој сака да биде сакан и прифатен, а општествениот и социјален притисок наметнува стеги каде индивидуалниот идентитет се гуши, се преиспитува себеси, а преку оваа претстава сугерираме дека човек треба прво да се прифати таков каков што е, за да може да се промени. Играјќи си со жанровите, понекогаш нештата изгледаат многу трагично, а има мигови кога не ќе можете да се воздржите од смеење, поради суптилниот хумор што се провлекува низ целото дело и преку кој се релативизираат проблемите, се разобличуваат карактерите со нивните човечки мани, оправдувајќи ја нивната несовршена природа, појаснуваат од театарот.

Свет

Израел вели дека ја покажал својата способност да нападне во внатрешноста на Иран

Денешниот напад „имаше намера да му сигнализира на Иран дека Израел има способност да нападне во внатрешноста на земјата“, изјави неименуван израелски функционер за „Вашингтон пост“.

Нуклеарната организација на ОН (МААЕ) потврди дека иранските нуклеарни локации се неповредени, по извештаите за напад во ирански Исфахан.

МААЕ, исто така, го повтори својот повик и Иран и Израел да покажат максимална воздржаност, нагласувајќи дека атомските капацитети никогаш не треба да бидат цел.

притисни ентер