Ирак организира нови летови за враќање на мигрантите од границата со Белорусија

Ирачките власти соопштија дека организирале два нови лета за враќање на мигрантите заглавени на белоруско-полската граница, една недела по враќањето на околу 400 лица, главно ирачки Курди.

Министерството за транспорт ќе организира „два итни лета во четврток навечер за евакуација на ирачките граѓани заглавени на белоруско-полската граница“, се вели во соопштението.

Двата авиони полеталњ од меѓународниот аеродром во Багдад за Минск, се додава во соопштението, без да се прецизира бројот на мигранти кои треба да се вратат дома.

Првиот авион со 185 луѓе треба да пристигне во Ербил по полноќ, а оттаму во Багдад, изјави за AFP Лак Гафури, портпарол на властите на Курдистан. Автономниот регион соработувал со федералните власти во Багдад за да го организира враќањето.

Пред една недела, 431 лице се вратија на првиот лет организиран од ирачката државна компанија Ирак ервејс, кој застанал во Ербил за да ги остави повеќето патници таму пред да слета во Багдад.

Откако започнала кризата ова лето, илјадници луѓе се натрупаа на белоруско-полската граница, позајмувајќи ги и трошејќи ги своите заштеди за да ја избегнат сиромаштијата во својата татковина и да стигнат до Западна Европа.

Илјадници од нив, вклучително и ирачките Курди, сè уште се блокирани во овој сектор.

Полските медиуми проценуваат дека најмалку десетина луѓе загинале од двете страни на границата.

Западот ја обвинува Белорусија дека вештачки создава криза со издавање визи за мигрантите со цел да се одмазди за западните санкции. Минск го негира обвинението, обвинувајќи ја Унијата дека не прифаќа мигранти.

Разбојници ја убиле сопругата на легендарен музичар

Сопругата на легендарниот музичар Кларенс Авант е убиена во вторникот во нејзиниот дом во елитната населба Трусдејл Естејтс во Лос Анџелес.

Имено, таа била убиена од крадци кои упаднале во нивната семејна куќа.

Полицијата на Беверли Хилс била повикана во куќата во Трусдејл Естејтс во вторникот вечерта околу 2.30 часот по полноќ, откако на телефонскиот број 911 добиле повик дека некој бил застрелан и убиен.

Сопругата на Авант, Жаклин Авант, итно била пренесена во болница, каде што подоцна починала. Таа имала 81 година.

Семеен извор изјавил за ТМЗ дека разбојниците пукале додека влегле во куќата и ја погодиле сопругата на Авант.

Авант (90) во тој момент бил дома, но не е јасно дали е повреден во нападот.Легендарниот музичар беше примен во Куќата на славните во октомври, а покрај него беше неговата сопруга.

Нивната ќерка Никол Авант е во брак со извршниот директор на Нетфликс, Тед Сарандос.

СЗО: За неколку дена ќе знаеме колку е заразен омикрон

Светската здравствена организација очекува за неколку дена да има повеќе информации за тоа колку е заразен новиот сој на корона, омикрон, изјави денеска техничкиот директор на СЗО Марија ван Керхове.

Во соопштението се посочува дека СЗО ќе има податоци за омикрон многу побрзо од предвиденото, бидејќи Женева претходно соопштила дека ќе бидат потребни недели за да се добијат податоците, пренесе Ројтерс.

Некои од главните прашања се дали сојот е позаразен или отпорен на заштитата од вакцини, а одговорите треба да се почекаат, се додава.

Софија Вергара на луда латино забава во кругот на семејството (ВИДЕО)

Софија Вергара (49) изгледа сензационално на прославата на американскиот Ден на благодарноста, а актерката на социјалните мрежи се пофали со фотографии и видеа од забавата на која присуствуваа членовите на нејзиното семејство.

На ѕвездата од ТВ серијата „Модерно семејство“ и` се придружија помладата сестра, музичарката Вероника (21) и внуката Клаудија (29). Веселото трио танцува пред огледалото, а на Софија подоцна во танцовите чекори и се придружила и нејзината баба.

Се чини дека на споменатата забава не присуствувал актерот Џо Манганиело (44) за кого заносната американско-колумбиска дива се омажи во 2015 година.

- Среќна шеста годишнина од бракот, љубов моја! Уште многу години заедно! Те сакам – напишала Софија на Инстаграм во вторникот.

Двојката се свршила на Божиќ за време на романтичен одмор на Хаваи во 2014 година, само шест месеци откако Вергара раскинала со Ник Лоеб. Тие се венчале во 2015 година во Палм Бич, Флорида. Заедно немаат деца, а Софија е мајка на 27-годишниот син Манол, кој го доби со поранешниот сопруг Џо Гонзалес.

притисни ентер