Иницијатива за спас: Единственото решение за Попова Шапка е да биде самостоен правен субјект

Попова Шапка е локомотива. Имам информации од надлежните дека зимава дневно остварува по околу 500 илјади денари промет што не се памти последниве 20 години.

Во неделата биле реализирани 11.000 евра само од ски карти, рече денеска Хамди Сулејмани од Иницијативата „Да ја спасиме Попова Шапка".

Сулејмани на прес-конференција уште еднаш истакна дека единственото решение за спас на Попова Шапка е јавното-приватно партнерство. Воедно изрази уверување дека ќе се оствари заложбата на Иницијативата – скијачкиот центар да биде самостоен правен субјект со цел негов побрз развој.

-Се надеваме дека ќе се исполни нашето барање ЕЛЕМ Турс да биде една институција под Владата и Попова Шапка да биде самостоен правен субјект. Така треба да биде зашто Попова Шапка е најголем и најглавен туристички капацитет, истакна Сулејмани.

Во јули 2020 година Иницијативата побара од политичките партии да потпишат обврзувачка декларација со цел во иднина како дел од власта да се посветат на развој на скијачко-рекреативниот центар Попова Шапка. Со декларацијата се бара одземање на сите компетенции на АД ЕЛЕМ Турс и нивно пренесување на Општина Тетово, на локално ниво. Постојат и повеќе краткорочни и долгорочни барања како дел од заложбата која тогаш ја потпишаа три партии. /МИА

Видео: Корејци ја пеат „Молитва“ од Марија Шерифовиќ

На интернет се појави снимка на која музичка група од Кореја ја пее песната „Молитва“ на натпревар за пеење.

На нивните способности не остана рамнодушна ни самата Марија Шерифовиќ, која со оваа песна и донесе победа на Србија на Евровизија во 2007 година.

Пејачката го изрази своето воодушевување од нивната изведба на својот Инстаграм профил.

Таа во објавата напомена дека ова е најдоброто изведување на нејзината песна, и напиша прекрасна порака упатена до талентираните Корејци.

„Ви посакувам се најдобро во понатамошната кариера и натпреварување. Се гледаме наскоро“, напиша пејачката.

Фото: Елена Китиќ ги запали социјалните мрежи

Таа објави фотографија во костим за капење, која го покажува нејзиното совршено тело и облини.

Ќерката на пеачкиот пар Миле Китиќ и Марта Салиќ, Елена Китиќ е активна на социјалните мрежи, а фановите неретко ги изненадува со смели фотографии.

Имено, Елена, судејќи по објавите, отпатувала во потоплите краишта. Елена најпрво објави фотографија во костим за капење од една од плажите во Доминиканската република, за потоа да објави снимка на која се гледаат убавините на оваа луксузна дестинација.

Фотографијата во костим на капење на која го покажува своето совршено тело и облини, наиде на многу позитивни реакции од фановите.

„Згодна“, „Убавице“, „Жена бомба“, се само дел од коментарите.

Сирискиот претседател и неговата сопруга имаат корона

Претседателот н Сирија Бапар Ал Асад и неговата сопруга Асма се заразени со коронавирусот, но се добро и нивната состојба е стабилна, објави денес претседателството, додека во земјата расте бројот на заразени.

Ал Асад и сопругата Асма направиле ПЦР тест откако почувствувале благи симптоми на корона.

Тие ќе бидат во изолација две до три недели.

„Во текот на изолацијата која ќе трае измеѓу две и три недели тие ќе продолжат со работата од дома“, додава претседателството во соопштението.

На почетокот на март министерството за здравство извести за зголемување на бројот на инфекции и повика на строго почитување на дистанцата и оцени дека таа земја не е поштедена од другите варијанти на вирусот.

Власта на крајот на февруари најави почеток на кампања за вакцинирање на медицинскиот персонал. Сирија доби 5000 дози од кинеските вакцини за 2500 медицинари, според дневниот весник „Al-Watan“, близок до власта. Сирија исто така одобри употреба на руската вакцина.

притисни ентер