Индија е четврта најпогодена земја во светот, со постојан пораст на бројот на случаи и покрај карантинот воведен низ целата земја кон крајот на март, што сега е ублажен.
Бројот на потврдени случаи на инфекција во најпогодената федерална држава на запад, Махараштра, надмина 100.000, покажуваат податоците.
Главниот град Њу Делхи, каде што здравствениот систем е преоптоварен, забележа дополнителни 2.000 нови случаи на зараза.
И покрај зголемувањето на бројот на заразени, стапката на закрепнување на пациентите се подобрува, при што повеќе од 147.000 луѓе се излечиле од ковид-19, соопшти во федералната влада.
Индија има 145.779 активни случаи и регистрирани се 8884 смртни случаи.