Илјадници на протести во Берлин против епидемиолошките мерки (ВИДЕО)

Во Берлин под слоганот Ден на слободата, околу 17.000 луѓе денеска учествуваа во протестот против мерките за борба против пандемијата на коронавирус.

Со транспаренти со пораки како „Најголемата теорија на заговор е корона-пандемијата“ или „Крајот на пандемијата е ден на слободата“, илјадници демонстранти побараа укинување на мерките за борба против ширење на инфекцијата, како што се почитување на дистанца или носење маски.

Притоа, демонстрантите, и покрај зголемувањето на бројот на нови случаи на инфекција во Германија во последните неколку дена, не се придржуваа кон мерките за борба против ширењето на инфекцијата.

Протестот беше прекинат откако полицијата поднесе тужба против организаторите за непочитување на епидемиолошките мерки.

Неколку политичари изразија револт поради недостаток на разбирање за одржување протести и укажаа на тековната неповолна епидемиолошка состојба во Германија.

"Илјадници ковид-идиоти слават во Берлин како пред втор бран: нема маски, без дистанца. Тие не само што го загрозуваат нашето здравје, туку и нашите успеси во борбата против пандемијата и на тој начин се борат против заживување на економијата, образованието и општо општеството“, изјави Саскија Ескен, претседател на владејачката Социјалдемократска партија на Германија (СПД), преку Твитер.

Христијанско демократскиот политичар од сојузната држава Бранденбург, Јан Редман, посочи на неодговорното однесување на демонстрантите во време кога државниот епидемиолошки институт Роберт Кох предупредува за зголемување на бројот на заразени во Германија и за опасноста од вториот бран пандемија.

„Повторно, имаме над 1.000 нови инфекции во Берлин на ден, а тие протестираат против мерките? Мораме да ставиме крај на оваа опасна глупост“, објави Редман преку Твитер.

Протестите во Берлин беа придружени со контра-протести од анти-десничарски активисти кои упатуваат на поврзаност меѓу противниците на пандемичните мерки и екстремната десница во Германија.

Според полицијата, немало конфликт меѓу двете групи.

Денот на слободата е исто така еден од најпознатите филмови на нацистичкиот пропагандист и омилената режисерка на Адолф Хитлер , Лени Рифенштал.

Без масовно присуство на протестот за спас на Универзална сала

Вечерва изостана масовноста на протестот  за спас на Универзалната сала, кој преку иницијативата Солидарни за срцето на Скопје се најавуваше последните денови.

Иницијативата на фејсбук, потекна по објавата на конкурсот, за идејно решение за парк со летна сцена кој според замислите на градските власти, би требал да никне на местото на „Универзална сала“.

По бурните реакции во јавноста на иницијативата и се придружија повеќе уметници.. Но вечерва немаше масовна присутност а речиси и никој од присутните не сакаше да зборува пред камерите.. Но тоа го стори еден од поранешните директори на Универзална, Петар Георгиевски.

Павле Трајанов и Љупчо Пренџов во „Само Вистина“

Вечерва во „Само вистина“ гости беа Павле Трајанов и Љупчо Пренџов

Трајанов изнесе оптимизам дека во наредните 2-3 дена Заев ќе успее да обезбеди парламентарно мнозинство врз основа на што би го добил мандатот за формирање влада. Според Трајанов ДУИ уценувале за премиер Албанец во рок од 6 месеци до една година и за повеќе места на извршни функции поради поголемиот број освоени пратенички мандати.
Пренџов истакна дека ако Заев и Ахмети ја сочинуваат повторно идната владејачка коалиција тоа би било погубно за Македонските евроинтеграции зашто дури тогаш ЕУ немало да ни даде датум за преговори , поради големиот криминал и корупција што го направиле овие две партии.

Трајанов и Пренџов спорат на што се должи бројот на освоени гласови во првата изборна единица.Според Трајанов голем број гласови на коалицијата ,,Можеме“ се изгубиле поради уставните измени и промената на името а дека опозицијата не сакала да учествува во процесот а сакала да ги користи бенефитите.

Пренџов ги оцени за измама сите,,прелети“ на пратеници од една во друга партија во Собранието,измама за која треба да се одговара. Иако дел од коалицијата предводена од ВМРО ДПМНЕ Пренџов рече дека за ГРОМ системот на меници за пратениците не бил познат и не се применувал.
И Трајанов рече дека е против менување на партискиот дрес. Рече дека бланко поддршка за новата влада нема и дека ако Заев не успее да формира влада, тие како ДС ќе бидат во опозиција.

Погледнете ја целосно вечерашната емисија „Само вистина“ овде.

Шилегов објави видеа од диносаурусите во Зоолошка

Градоначалникот на Скопје Петре Шилегов на својот фејсбук профил објави видеа од неколку диносауруси кои денеска имале проверка пред монтажата на големите праисториски животни во Дино паркот во Зоолошката градина.

Во овој парк ќе има 41 диносаурус во природна големина. „ Диносаурусите ќе имаат синхронизирани движења, дишење, трепкање и ќе испуштаат звуци, со што ќе ги доловиме на посетителите овие праисториски животни.

Ова ќе биде прв Дино парк на Балканот каде ќе има толкав број на диносауруси, како и едукативна содржина за секој од нив. Паркот ќе зафаќа површина од 2.000 метри квадратни.

Ќе има два влеза, еден од внатрешноста на Зоолошката градина и уште еден од страната на Градскиот парк. За Дино паркот ќе се плаќа посебен билет од 50 денари.

За уредување на просторот и набавка на диносаурусите од буџетот на Град Скопје обезбедени се 20 милиони денари (околу 325.000 евра).

притисни ентер