Илјадници на Црвениот плоштад во Москва ја прославуваат анексијата (ФОТО)

Рускиот претседател Владимир Путин изјави денеска дека Русија ќе „победи“ во конфликтот со Украина, на собирот што се одржа на Црвениот плоштад во центарот на Москва.

"Ние ќе победиме!" рече рускиот претседател, што беше придружено со аплауз од неколку илјади негови приврзаници, кои носеа руски знамиња.

"Добредојдовте дома!" рече тој, обраќајќи им се на жителите на анектираните украински територии, велејќи им дека „се вратиле во својата историска татковина“. Путин зборуваше пред гледачите поканети да гледаат поп концерт на Црвениот плоштад кој се емитуваше на телевизија.

„Русија не само што ја отвора вратата од својата куќа за овие луѓе, туку го отвора своето срце“, рече тој на бината специјално поставена за таа прилика на познатиот плоштад под ѕидовите на Кремљ.

Меѓу толпата можеше да се забележат голем број руски знамиња, објави новинарот на АФП. Некои носеа ленти со црни и портокалови риги во чест на свети Ѓорѓи, поранешна царска воена декорација, која подоцна стана симбол на победата на Црвената армија над нацистичка Германија.

Поставени биле неколку големи екрани и моќен систем за озвучување за насобраните да можат да го следат говорот на рускиот претседател и настапот на познатите руски музичари. „Сега сме посилни затоа што сме обединети“, рече Путин со микрофонот во рака.

Рускиот претседател посочи дека ова е „посебен, историски ден на вистината и правдата“ во време кога руските војници „херојски ја бранат одлуката на народот“ во Украина.

„Ќе направиме сè за да им помогнеме на нашите браќа и сестри во Запорожје, Херсон, Луганск и Доњецк, со цел да ја зајакнеме нивната безбедност, да ја започнеме економијата и реконструкцијата“, рече тој неколку часа по потпишувањето на одлуката за анексија на четирите украински региони на церемонија во Кремљ.

Лидерите на западните земји колективно, како и Европскиот совет, и поединечно, ја осудија руската анексија на четирите окупирани украински региони. Украина официјално побара прием во НАТО, а украинскиот претседател Володимир Зеленски рече дека Киев е подготвен да разговара со Русија, но не додека Путин е нејзин претседател.

Киев соопшти дека украинската армија ќе продолжи да ја ослободува својата територија окупирана од Русија и дека „ништо не се менува“ откако Путин најави припојување на четирите делумно окупирани украински региони кон Русија.

Крокодил изел едногодишно дете - го извлекол од чамецот, татко му се обидел да го спаси (ВИДЕО)

Крокодил грабнал и изел едногодишно момче и тешко го повредил татко му додека веслале по река во Малезија.

Вчераутро ѕверот го грабнал малото момче од кану додека со татко му ловел риба во Сабах. Неговиот вознемирен татко (40) се обидел да го одбрани, но крокодилот лесно го совладал. Тој истрчал на брегот со повеќекратни рани од каснување, вклучително и ужасен удар во главата.

Селаните го извлекле членот на племето Палаух од реката, но крокодилот веќе го одвлекол неговиот син во длабочините. Подоцна се појавил на површината со осакатено тело на малото дете во вилиците пред да потоне назад во водата.

Сумсо Рашид, водачот на спасувачката екипа вели дека потрагата по телото се уште е во тек.

- Таткото се здоби со сериозни повреди на главата и телото. Неговиот син се уште е исчезнат, а потрагата е во тек. Мажот е префрлен на лекување во болницата Лахад Дату - рекол Рашид.

Кралската малезиска полиција и поморската полиција ѝ се придружиле на локалната противпожарна служба во потрагата по телото на момчето. Официјалните лица, исто така, ги предупредиле селаните кои живеат покрај реката да се држат подалеку од водата поради ризикот од нов напад на крокодилот.

- Многу жители се потпираат на реката за храна и егзистенција, па мораат да влезат во водата. Ги предупредивме на дополнителна опасност во овој момент и да бидат дополнително внимателни бидејќи крокодилот најверојатно се уште ќе биде во областа – додаде Рашид.

Едвард Сноуден добил руски пасош, откако ѝ се заколнал на верност на Русија

„Свиркачот“ Едвард Сноуден доби руски пасош откако се заколна на верност на земјата која го штити од американските власти од 2013 година.

Веќе во септември оваа година, Сноуден доби руско државјанство со декрет потпишан од рускиот претседател Владимир Путин.

Информацијата дека 39-годишниот кодош го добил пасошот денеска ја потврди и неговиот адвокат Анатолиј Кучерена. „Тој положи заклетва“, изјави Кучерена и додаде дека Сноуден е среќен бидејќи неговото руско државјанство ја спречува неговата екстрадиција, пренесува Гардијан.

"Се разбира, тој е среќен и благодарен на Руската Федерација за неговото државјанство, тој сега е полноправен државјанин на Русија. И што е најважно, според рускиот устав, тој не може да биде предаден на странска земја", рече адвокатот на Сноуден. Не се објавени фотографии или видеа од церемонијата.

Поединците кои добиваат руско државјанство со закон се обврзуваат да „го почитуваат уставот и законодавството на Руската Федерација, правата и слободите на нејзините граѓани, да ги исполнуваат должностите на државјанин на Руската Федерација во корист на државата и општеството, да ја заштитат слободата и независноста на Руската Федерација,да бидат лојални на Русија и да ја почитуваат нејзината култура, историја и традиција“.

Одлуката за доделување државјанство дојде во крајно неповолен момент, по почетокот на руската инвазија на Украина и последователниот пад во меѓународна изолација. Очигледно и сопругата на Сноуден поднела барање за руско државјанство. Двајцата живеат на непозната локација со нивните два сина, кои се родени во Русија.

„После години разделба од нашите родители, јас и мојата сопруга немаме желба да се разделиме од нашите синови. По две години чекање и речиси 10 години егзил, малку стабилност значи многу за моето семејство. Барам приватност за нив и за сите нас“, напишал Сноуден во септември.

Левандовски е во одлична форма поради диетата од неговата сопруга

Роберт Левандовски во моментов е еден од најценетите напаѓачи во светот.

Откако го постигна својот прв гол на Светското првенство, многумина беа заинтригирани од неговата извонредна форма. А според Марка, тајната е во обратната диета дизајнирана од неговата сопруга.

Што е тоа? Овој режим има ригорозен избор на храна што може да се јаде, како и она што е целосно забрането.

Левандовски јаде просо, палачинки, брауни, висококвалитетна риба, сок од репка, салати, супи, урми, енергетски барови, свежи сокови и бадемово млеко. Покрај тоа, зеленчукот (брокула, тиквички, зелена салата, моркови и спанаќ) и авокадо се секојдневно на неговото мени без исклучок.

Јаглехидратите и протеините се јадат посебно. „Се консумира само добра храна, без лактоза“, вели Ана Левандовски.

Пржената храна не е во исхраната на Левандовски. Полјакот го ограничил и внесот на брза храна.

„Поентата е да се јаде најквалитетна храна од локално и органско производство, односно сезонско овошје и зеленчук. Избегнувам бел шеќер, сурово млеко и пченица“, открива сопругата на познатиот фудбалер, која учествуваше на Олимписките игри и е дипломиран студент на Академијата за физичка култура и нутриционистка.

притисни ентер