Илиевски: Битола заслужува човек без партиски багаж,човек кој ќе работи за доброто на граѓаните

Здравствениот профитер и актуелен советник во Општина Битола треба да им одговори на битолчани што сработи во изминатите 4 години во Советот на општината, рече Методија Илиевски, кандидат за советник од редовите на СДСМ и коалицијата. 

За жал нашите сомнежи дека цел негов мандат го преспал секојдневно се потврдуваат. Се покажа дека нема основни познавања од фукнционирањето на локалната самоуправа, можеби токму и поради тоа неговата програма се состои од празни флоскули, без конкретни проекти.

Што да очекуваат битолчани од актуелен советник во Општина Битола кој сам си признава дека за прв пат во кампањта се запознава со проблемите на битолчани?

Кој не го знае ниту бројот на училиштата, градинките, капацитетите на противпожарната единица и здраствените центри во својот град.

Господина Коњановски, што работевте во изминатите 4 години во советот на Општина Битола?

Дали мислите дека како советник сте ја оправдале довербата на битолчани со настапи во советот кои можат да се избројат на прсти?

Сакаме и овде јавно да ве прашаме дали ви сметаат реконструирани училишта со одблокирани сметки за кои вие во советот на Општина Битола гласавте против или преферирате блокирани и уништени образовни институции како што беа 12 години во времето на вашиот ментор Владимир Талески кој толку ревносно го фалите?

Дали можеби ви сметаат успешни спортски клубови во Битола за кој исто така гласавте против или повторно преферирате уништени и задолжени спортски клубови кои се борат за опстанок во втората лига како што беше во времето на Владимир Талески. Патем не радува фактот што макар во кампања и за политички цели, конечно ги посетивте трибините на спортската сала за сам да се уверите за напредокот на спортот.

Дали не се согласувате и со субвеционирањето за купување на над 2700 инвертер клими за нашите сограѓани за кои исто гласавате против?

Наведете барем една добра работа која сте ја поддржале во изминатите 4 години за доброто на битолчани.

Од ова можи да се заклучи само едно, сите одлуки кои се носеа во корист на битолчани вие ги преспавте или гласавте против.

Со тоа уште еднаш се потврдува загриженоста на битолчани, дека вие ниту им го мислите нивното добро, ниту можите да се одважите како индивидуа и да превземите одлуки без амин од ДПМНЕ.

20 години вие со најтесната ваша фамилија и опкружување сте во политика барајќи шанса повторно да го разграбате и унишите нашиот град.

Битола заслужува човек без партиски багаж, човек кој ќе работи за доброто на граѓаните, а не за партијата и фамилијата.

Затоа да се обединиме сите заедно и конечно да ги испратиме вечните политичари во политичка пензија,се наведува во партиското соопштение.

Бајден: Гласот ми е засипнат од настинка, добро сум

Американскиот претседател Џо Бајден денес изјави дека неговиот многу засипнат глас е „последица на настинка“ која ја добил кога стапил во контакт со неговиот внук и додаде дека секој ден се тестира на Ковид-19.

Тој со засипнат глас и со неколку напади на кашлање одржа говор за економијата, што го поттикна новинарот да го праша за неговото здравје.

„Добро сум. Секој ден се тестирам за Ковид. Ова го добив од мојот внук на една и пол година кој сака да му дава бакнежи на дедото. Настинка е само“, додаде тој.

Американскиот претседател минатиот викенд го помина со семејството, кога во Америка се славеше Денот на благодарноста.

Пред две недели тој беше на систематски, лекарот вели дека е во добра здравствена состојба

Здравјето на Џо Бајден, со оглед на тоа што тој е најстариот претседател некогаш избран во САД (79), привлекува посебно внимание.

Пред две недели тој беше подложен на систематски преглед, чии резултати ги објави Белата куќа, а неговиот лекар заклучи дека Бајден е во „добро здравје“.

САД стравуваат од зголемување на случаите со Ковид-19 со доаѓањето на зимата и ширењето на новата варијанта, омикрон.

Заев: Градиме инклузивно општество во кое лицата со попреченост имаат еднаков пристап

Фејсбук објава на премиерот Зоран заев по повод Меѓународниот ден на лицата со попреченост.

Преку сеопфатни политики и мулти-институционален пристап градиме инклузивно општество во кое лицата со попреченост имаат еднаков пристап за напредок и развој.

Оваа година го одбележуваме 3 декември, Меѓународниот ден на лицата со попреченост со позитивни промени, како резултат на спроведувањето на најдобрите светски практики за поддршка и вклучување на лицата со попреченост во нивното секојдневие, во здравството, образованието и социјалната заштита. И не само денес, инклузијата на овие лица во општеството е процес на којшто сме посветени секој ден од годината. Тие се дел од нашето секојдневно живеење, наши пријатели и роднини.

Овие наши сограѓани најмногу од сè бараат еднаквост, самостојно живеење и функционирање во општеството и затоа врвен приоритет на Владата е инклузијата на лицата со попреченост во сите општествени текови. Тоа е особено важно кога станува збор за животот на овие лица во актуелниот миг на пандемијата со КОВИД-19 и за нивната транзиција без стрес во пост-ковид периодот.

Со цел унапредување и создавање квалитетно општество, во кое различностите се почитуваат и вреднуваат, Владата посветено работи на унапредување и олеснување на условите за живот на лицата со попреченост, без разлика на возраста на лицата:

- Ја намаливме границата за лична асистенција. Сега право на личен асистент имаат лицата со попреченост од 6 до 64 годишна возраст. На тој начин овозможуваме лицата со попреченост да ги извршуваат секојдневните активности и да бидат активно вклучени во секојдневието.

- Ја изработивме апликацијата Аудио-читач, која на слепите и на лицата со оштетен вид им овозможува пишаниот текст да го слушнат и разберат во аудио верзија на свој мајчин јазик.

-Отворени се 15 нови инклузивни детски градинки, кои им овозможуваат на децата со попреченост да се вклучат во предучилишното образование.

-За оние кои се грижат за своите најблиски, а кои се лица со попреченост државата ја надополнува втората половина од платата доколку работат со скратено работно време, а за оние над 64 години возраст обезбедуваме еден вид на пензија, со цел да имаат економска сигурност.

Во афирмирањето на автентичниот концепт „Едно општество за сите“, Владата и понатаму останува посветена да предничи и да ги промовира и штити правата на лицата со попреченост во областите како што се: еднаквост и недискриминација, слобода на движење, самостојно живеење, образование, пристап до стоки и услуги, вработување, правна поддршка и пристап до правда, здравство, и правото на политичко учество во сите процеси од стратешка важност за нашата држава, објави Заев на Фејсбук.

Кремљ: Договорен е прелиминарниот датум за видео-конференција Путин-Бајден

Помошникот на рускиот претседател Владимир Путин изјави дека видеоразговорот со американскиот претседател Џозеф Бајден ќе се одржи по патувањето на рускиот лидер во Индија, планирано за следната недела.

Јуриј Ушаков не прецизираше кога точно ќе се одржи видеоповикот меѓу двајцата претседатели, велејќи дека сè уште се работи на последните детали за разговорите.

– Состанокот ќе се одржи за неколку дена. Веќе имаме конкретен датум и време за видеоконференцијата. Но, подобро е да се почека сите подготовки да бидат целосно договорени со американската страна. Тогаш ќе имаме можност да излеземе со официјално соопштение, рече Ушаков.

Тој рече дека двајцата лидери ќе разговараат за напредокот во спроведувањето на договорите кои двајцата ги постигнаа во Женева во јуни, за „незадоволителните" билатерални врски, „Авганистан, Иран, Либија, кризата во Украина и дијалогот за стратешка стабилност".

притисни ентер