ИДУЕП дебата: Младите мора да бидат рамноправен партнер во процесите на одлучување

Младинскиот активист, Марио Паунов истакна дека младите сакаат наместо умови, надвор да извезуваме успешни младински приказни создадени во Македонија.

Поквалитетно образование, консензус меѓу партиите за сите прашања кои ги засегаат младите, како и вклучување на секој млад човек во процесите на носење на одлуки – беа само дел од заклучоците од првата од серијата јавни дебати на тема „Што сакаат младите?" кои ги организира Институтот за добро управување и евроатлантски перспективи (ИДУЕП).

Младинските лидери, учесници на јавната дебата – Бленди Ходаи, Александар Каратошо, Дена Сачмароска и Марио Паунов се согласуваат дека е потребно постојано да ги потсетуваме институциите дека младите се рамноправни и активни чинители во процесот на креирање политики на локално и централно ниво, се согласија

-Ме радува што успеавме да поттикнеме се повеќе млади луѓе гласно да ги бараат своите права, односно нивните барања да бидат почитувани и прифатени од сите надлежни институции. Еден таков важен потег беше и компромисното решение за државната матура кое како Сојуз го постигнавме во дијалог со Владата, потенцираше Бленди Ходаи, основач на Сојузот на средношколци и активист.

Верувам, додаде тој, дека она што го изградивме како млади активисти, а кое се темели врз мултикултурното обединување на младите и борбата за нашите барања и цели ќе продолжи и во иднина бидејќи е од интерес на младите, односно на целата земја.

-Секоја млада личност има обврска да биде активна со цел заедно да придонесуваме во општеството за да имаме подобар стандард. А, желбата за иселување кај младите ќе се смени само ако ние младите сме активни и неуморно се бориме за заедничките цели кои ги имаме, бидејќи никој друг тоа нема да го направи за нас или во наше име, рече Ходаи.

Александар Каратошо, млад европски амбасадор од Западен Балкан истакна дека сите влади прават напори за реформи во образованието, ама го избрзуваат процесот, без да ги вклучат сите страни и без да ги применат предлозите кои ги даваат сите чинители.

– Ќе го споменам примерот од претходно, со воведувањето на деветолетка, или, пак, актуелниот пример со реформата за дигитализација на учебниците. Надлежните институции мора да имаат инклузивен процес за секоја реформа. Ние како држава немаме консензус од сите засегнати страни за важни теми како што се образованието, здравството и слично. Сведоци сме дека се повикуваат младите на состаноци, ние даваме предлози и идеи, но на крајот речиси ништо од тоа не се прифаќа, туку изгледа како да се викнати младите со единствена цел да се прикаже дека формално биле дел од процесот на одлучување. Ако не ги промениме работите во оваа сфера, иселувањето на младите ќе бележи погубни статистички бројки, рече Каратошо.

Дена Сачмароска, младинска активистка смета дека целиот процес на образование мора да се реформира бидејќи учиме само како да учиме, наместо да стекнуваме вештини потребни за живот и работа. Мора да им се дадат можности на младите, а тие бараат шанса да се покажат, па макар и некогаш и да погрешат. Посочи дека дефинитивно се потребни еднакви можности за сите, како и инклузивно образование, каде наставниот кадар ќе биде во улога на ментор/ка на секој ученик или студент смета.

– Неопходно е да го подобриме нашиот образовен систем со цел младите да не сакаат по секоја цена да одат во странство. Тоа значи дека треба на секоја млада личност да ѝ се овозможи истиот квалитет на едукација. Младите се иднината на државава – тие утре ќе бидат идните лидери. Затоа, мора сите да се еднакво информирани, да имаат еднаква шанса за стипендија, односно секоја друга поддршка да им биде овозможена, истакна Сачмароска во своето излагање на јавната дебата.

Младинскиот активист, Марио Паунов истакна дека младите сакаат наместо умови, надвор да извезуваме успешни младински приказни создадени во Македонија.

-А, бидејќи живееме во време кога сите информации се онлајн, пристапот до дигитални уреди и квалитетен интернет не смее да биде привилегија, туку можност и придобивка буквално за секој млад човек. Дали и понатаму генерациите млади својата иднина исклучиво ќе ја гледаат надвор од границите на државата зависи од тоа какво општество ќе креираме сите заедно. Потребно ни е општество во кое има место за секого, односно простор каде гласот на младите луѓе ќе биде еднакво слушнат и вреднуван. Како едно од основните барања за напредок на младите е токму образовниот процес и неговото постојано унапредување до степен на квалитет како во европските земји или САД. Тука можеме заеднички со надлежните институции многу повеќе да придонесеме, а еднаквиот пристап до квалитетен интернет и уреди за следење на наставата и учењето е една од основните придобивки која моја да ја има секоја млада личност во 21 век, посочи Паунов.

Во делот на дигитализација на образованието, учесниците се согласија дека овој процес несомнено ќе влијае за подобар квалитет на образованието, особено за намалување на непотребните хартиени процедури и трошоци за запишување во училиштата, како и заверка на семестри на факултетите, а на младите ќе им даде повеќе шанса и простор да се посветат на своето образование и развој, наместо да го трошат времето на на бирократски процедури. Истовремено, тие потенцираа дека дигитализацијата во образовната сфера мора да остане право на избор за секој ученик или студент, бидејќи само на тој начин може да се почитува волјата на секоја личност и со тоа да се создаде вистинско инклузивно образование.

„Што сакаат младите?" е првата од серијата јавни дебати на Институтот за добро управување и евро-атлантски перспективи (ИДУЕП) кои имаат за цел подигнување на јавната свест за вклучување на младите во процесите на одлучување и владеење, особено кај општествените чинители. Преку овие активности, ИДУЕП цели да придонесе кон идентификување на потребите, барањата и очекувањата на младите луѓе во Македонија со цел институциите да градат успешни и инклузивни младински политики, првенствено преку вклучување на секој млад човек во обликувањето на својата иднина.

Ја препознавате ли оваа пејачка?

По неа денес лудува цел регион, а песните ѝ се толку популарно што се слушаат на секој чекор!

На Tикток почна да кружи снимка на која една од најпопуларните пејачки на нашите простори се појавува во сосема непрепознатливо издание.

Харизматичната словенечка пејачка Сенида во последните неколку години ја освои публиката ширум регионот и повеќето ги засакаа нејзините песни, специфичниот глас и посебниот музички правец, кој не го прилагодуваше на трендовите што „носат пари“. За кратко време се покажа дека овој музички правец е одлично пртифатен, особено кај помладите генерации.

@eminentan2 ZAPRATI ME DA VIDIS KO JE SLEDECI😱 #fyp #foryoupage #fypシ #viral #senidah ♬ original sound - L i d i j a ✌

Градејќи го својот простор на музичката сцена, Сенида го формираше и својот стил на облекување и шминкање. Меѓутоа, кога се во прашање хируршките корекции на физичкиот изглед, се чини дека малку им „подлегнала“ на трендовите, па така беше забележало дека пејачката направила неколку интервенции за да изгледа токму онака како што сите ја знаеме денес.

На ТикТок кружи снимка од Сенида пред операциите, но нејзините фанови не се ниту изненадени ниту разочарани.

Иако повеќето се согласија дека Сенида изгледа прекрасно во секое издание и има природна убавина, имаше и коментари што се однесуваа на тоа дека секому му е потребно мало дотерување и дека таа не е ниту прва ниту последна што го прави тоа.

Позната ѕвезда на филмови за возрасни проговори за шокантните работи во Холивуд!

Актерката Мејтлан Ворд позната на пошироката јавност по својата улога во серијата „Boy meets world“ откако ја отвори вратата на Холивуд, филмската индустрија за која сите актерки сонуваат, таа се сврте кон индустријата за еротски филмови. 

Своето неверојатно искуство таа го опишала во книгата „Како порно индустријата ме спаси од Холивуд“.

Актерката се осврнала на периодот на снимањето на серијата што ја направи ѕвезда, опишувајќи го искуството како многу збунувачко.

- Во серија како „Boy meet word“ би можела да бидам секси и провокативна. Во некои сцени носев минимална облека и сите беа воодушевени што во некои кадри имав онолку облека колку што би имала за дечкото во спалната соба. Ако носев такви работи во јавноста или би ме фотографирале некаде, продуцентите и индустријата на Дизни ќе ме пикираа. Особено Мајк Џејкобс, тој беше многу упорен во тоа дека девојките мора да изгледаат невино – истакна актерката.

Според оваа актерка, искуството од снимањето на серијата ѝ пречело да ја истражи својата сексуалност.

- Сето тоа ми беше многу збунувачко. Ми пречеше во откривањето која сум и какви желби имам, и тоа траеше многу долго - открива познатата актерка на филмови за возрасни.

Актерката Мејтлан Вард влезе во порно индустријата во 2006 година. За многу кратко време таа се најде на самиот врв во филмовите за возрасни. Таа продолжи да снима филмови и стекна голема слава кај публиката од таа содржина.

Актерката открива и дека тоа што го заменила Холивуд со порно индустријата ја ослободило од притисокот со кој се соочуваат жените поради стареењето.

-Во текот на раните 2000-ти, притисокот во Холивуд беше страшен. Сите беа во паника дека набргу, како стареат, кариерата ќе им заврши, дека нема да добиваат атрактивни улоги и дека ќе заминат во заборав. Холивуд сака убави и млади жени, сè друго за нив има рок на траење. Секако, тоа не е случај со мажите, тие би можеле да бидат ѕвезди и на 60 или 70 години. Холивуд е многу суров кон стареењето, додека јас тоа не го чувствувам во порно индустријата – открила актерката.

Таа се надева дека нејзината приказна ќе доведе до некаков напредок во елитната филмска индустрија.

Чудо на Алјаска: Отровен гас излегува од новоформираните езера (ВИДЕО)

Езерата на Алјаска кои се формираат поради топењето на вечниот мраз „ослободуваат“ метан во атмосферата, предупредуваат научниците.

Овие езера, наречени термокарсти, се толку полни со гас, опасен за климата, што може да се види како клокотат на површината. Според истражувањата од 2021 година, со топењето на „вечниот мраз“ на Алјаска се создаваат сѐ повеќе вакви езера.

Вечна шума или вечен мраз е името во геологијата за почва што е на температура од 0 степени Целзиусови, или пониска, за период од две или повеќе години. Топењето на вечниот мраз на Алјаска, односно ледената покривка која треба да биде замрзната во текот на годината, се должи на климатските промени; повисоки температури и поголем број шумски пожари.

Експериментот за ранливост на Арктикот Бореал (ABoVE) на НАСА го проучува влијанието на ваквите новоформирани езера врз климатските промени. Кога „вечниот мраз“ се топи, масивните блокови мраз вградени во земјата исто така се топат, што предизвикува колапс на земјата.

„Пред многу години земјата беше околу десет метри повисоко и имаше шума од смрека“, рече Кејти Волтер Ентони, еколог од Универзитетот во Алјаска-Фербенкс, опишувајќи го термокарстот Big Trail во Алјаска.

Волтер Ентони работи со проектот ABOVE за да го проучи влијанието на езерото Биг Треил врз климатските промени. Како што водата навлегува во дупките, така навлегуваат и бактериите.

„Големото Езеро Трејл изгледа како некој да ја отворил вратата од замрзнувач и оставил храната да се стопи и да се распадне. Како што бактериите го разградуваат материјалот, тие ослободуваат гас метан“, вели Волтер Ентони.

На Арктикот има милиони езера, но повеќето од нив се стари илјадници години и повеќе не испуштаат многу гас. Само поновите, како Биг Трејл, кое се појави пред помалку од 50 години, ослободуваат високи нивоа на метан.

Ваквите езера испуштаат толку многу метан што многу лесно се запалуваат, како што може да се види на видеото.

Иако јаглерод диоксидот (CO2) е главниот двигател на климатските промени, истекувањето на метанот исто така ги забрзува проблемите со глобалното затоплување. Метанот е стакленички гас, што значи дека ја задржува топлината во атмосферата што зрачи од земјата, наместо да дозволи Земјата да се олади.

Тој е многу помоќен од CO2 во оваа смисла, односно е околу 30 пати поефикасен во задржувањето на топлината. Но, исто така се расфрла побрзо од CO2, кој всушност се задржува подолго во атмосферата, пишува Business Insider.

„Намалувањето на емисиите на метан е исклучително важно во борбата против климатските промени и глобалното затоплување. Метанот, исто така, придонесува за формирање на озон на ниво на земја, кој предизвикува приближно 500.000 предвремени смртни случаи ширум светот секоја година“, рече Рик Спинрад, шеф на американскиот Национален институт за океани и атмосферска администрација (NOAA).

Човечките активности како што се земјоделството, користењето гориво и депониите придонесуваат за емисиите на метан. Но, постојат и природни извори; како мочуришта или новосоздадени езера како ова.

NOAA во април објави дека зголемувањето на температурите може да предизвика таканаречена повратна врска која еден ден повеќе нема да можеме да ја контролираме.

притисни ентер