И покрај критиките , за еден ден 20 држави нарачале милијарда дози од руската вакцина

Откако Русија ја регистрира првата вакцина во светот против „Ковид-19“, Светската здравствена организација соопшти дека сè уште не добила доволно податоци за да изврши проценка на новата вакцина.

„Соработуваме тесно со руските здравствени власти“, рече портпаролот на СЗО, додавајќи дека „во тек се разговори за евентуална преквалификација на вакцината“ што Русија ја нарече Спутник V, алудирајќи на првиот светски сателит на Русија.

„Сепак, ова се строги проверки и квалификации на сите информации поврзани со безбедноста и ефективноста на вакцината“, рече портпаролот Тарик Јашаревиќ, со што се потврдува дека проценката ќе трае долго.

И додека се кршат копјата околу новата вакцина и прашање е дали Русија невнимателно го ставила својот престиж пред човековото здравје и безбедност, руските медиуми пишуваат дека 20 земји веќе нарачале милијарда дози на Спутник V. Овие се земји од Јужна Америка, Африка и Азија. „Заедно со нашите партнери, ние сме во состојба да произведуваме половина милијарда дози годишно“, изјави Кирил Дмитриев, шеф на руското тело за иновации, потврдувајќи дека Русија веќе има низа клиенти.

Еден од нив е претседателот на Филипините, Диего Дутерте, кој јавно објави дека ќе биде првиот што ќе ја проба вакцината врз себеси. Институтот за технологија во Парана, една од сојузните држави погодена од пандемијата во Бразил, објави дека ќе произведува руски вакцини во своите погони. Нивното соопштение ги изненади тамошните централни власти.

Но, додека некои јавно изразуваат целосна доверба во руската вакцина, многумина предупредуваат на претпазливост. Имено, во април рускиот претседател Владимир Путин донесе закон со кој се скрати времетраењето на стандардните проверки на несаканите ефекти на вакцините.

Најавата дека ќе ја произведат вакцината и ќе ја тестираат истовремено во третата фаза од клиничкото испитување, постави црвен аларм за многумина.

„Ова е неразумна и глупава одлука. Масовната вакцинација со недоволно тестирана вакцина не е етичка. Ако се појави проблем, тоа ќе биде катастрофално не само за здравјето на луѓето, туку и затоа што ќе го поткопа прифаќањето на вакцинацијата во општеството “, изјави Франсоа Балукс, генетичар на британскиот универзитетски колеџ во Лондон.

Питер Хотез, експерт за имунизација на Универзитетот во Тексас, има исти ставови . „Тие ги прескокнуваат чекорите и тоа може да има штетни последици за глобалната битка за пронаоѓање на вакцините“, рече Хотез. Имено, многу други вакцини, особено шесте на кои смета СЗО, се во третата фаза од клиничкото испитување кое вклучува строго набљудувано тестирање на десетици илјади луѓе. Но, Русија одлучи да преземе бртза постапка.

Владимир Путин во вторникот објави дека е уверен во ефикасноста, дека вакцината создава силен имунитет и дека една од неговите ќерки ја земала. Русија објави дека руските медицински работници и наставници ќе бидат први што ќе ја примат новата вакцина.

Ентони Фаучи, шеф на американскиот Институт за инфективни болести и главниот лик на битката против Ковид-19 во САД, отворено изјави дека „силно се сомнева дека руската вакцина е подготвена за широко распространета употреба“. „Се надевам дека Русите со сигурност утврдија дека вакцината е безбедна и ефикасна. Но, јас искрено се сомневам во тоа “, рече Фаучи за АБЦ Њуз.

Имено, Фаучи посочува дека две различни работи се да се има вакцина и да се знае дека е безбедна и ефикасна. „Имаме најмалку пет или шест вакцини. И, ако сакаме, би можеле да почнеме да ги даваме следната недела. Сепак, тоа би можело да биде штетно за луѓето и не се прави така “, истакна Фаучи.

Американскиот министер за здравство Алекс Азар веднаш во вторникот истакна дека САД имаат строги безбедносни регулативи и дека „ова не е трка за прво место“. Руските медиуми ги нарекоа сличните изјави за нетолеранција на Западот и обид за дискредитација на руската вакцина.

Според СЗО, 28 вакцини во моментот се тестираат врз луѓе низ целиот свет. Две од шесте американски вакцини неодамна влегоа во третата фаза, а руската се знае дека штотуку била тестирана на луѓе во јуни, додаде Азар.

Во Русија, третата фаза на клиничкото тестирање започна во средата, иако вакцината е регистрирана претходниот ден. Ќе учествуваат 2.000 руски волонтери, а останатите се од Обединетите Арапски Емирати, Саудиска Арабија, Бразил и Мексико. „Новиот закон ни овозможи да ја спроведеме третата фаза во оваа ситуација како дел од давањето вакцини на групите кои се најмногу изложени на вирус и веруваме дека ова е најдобриот пристап“, рече првиот човек на Центарот за иновации, Кирил Дмитриев.

Русија се најде на четвртото место во светот по бројот на заразени, а бројките поврзани со „Ковид-19“ покажуваат дека досега се заразени 20 милиони луѓе во светот, додека 750.000 од нив починале како резултат на инфекцијата. Берзите реагираа на соопштението на Русија дека ја регистрирала вакцината, најпрво скокајќи во надеж дека вакцината би можела да биде меѓу нас помалку од планираното, но исто така бележеа пад на крајот на денот заради информацијата за нецелосност на сите потребни тестови.

Николоски на средби во ММФ

Здравите економски политики поттикнуваат забрзување на економскиот раст.

Македонија продолжува да води здрави економски политики. Фискалната политика даде соодветен одговор во справување со кризата, а поставената цел за фискална консолидација во наредниот период преку заштеди и поголема поддршка на економијата со инвестиции е основа за забрзување на економскиот раст на среден рок. Владата останува посветена на реформите коишто се клучни за напредок и постигнување повисоки стапки на економски раст и забрзана интеграција во ЕУ. Напредокот во евроинтегративниот процес и реализацијата на новиот европски План за раст на Западен Балкан се исто така дополнителен придонес во остварување на поставените политики. Ова беше посочено на средбите на заменик-министерот за финансии Филип Николоски во Вашингтон со заменик на генералниот директор на ММФ Бо Ли, извршниот директор на ММФ Пол Хилберс, алтернативниот извршен директор Лук Дресе, како и директорот на ММФ за Европа Алфред Камер.

„РС Македонија во изминатите две години доби значајна поддршка од Меѓународниот монетарен фонд, која воедно беше и потврда за здравоста на економските политики што ги спроведува. Преку пристапот до Програмата за ликвидност и претпазливост, ги потврдивме здравите политики, а од страна на ММФ беше позитивно оценет првиот преглед за ПЛЛ што овозможи повлекување на втората транша финансиски средства од овој инструмент. Остануваме на патеката на постепена фискална консолидација, намалување на буџетскиот дефицит, зголемени средства за јавни инвестиции и поттикнување на економскиот раст и постигнување просечни стапки на раст од 5%“, рече заменик-министерот Николоски.

Тој додаде дека оваа година се очекува интензивирање на економската активност, која ќе биде поттикната од зголеменото учество на капитални расходи во Буџетот, силните инвестиции во инфраструктурни проекти, како и приватната потрошувачка, поддржана од растот на платите.

Дополнително влијание, како што додаде, покрај домашните фактори ќе има и очекувањата за нормализација на глобалното опкружување, стабилизирање на глобалните синџири на снабдување, растот на економската активност кај нашите главни трговски партнери и слично.

„Најголем придонес кон раст во 2024 година се очекува од бруто-инвестициите со планиран раст од 8,4%, главно поттикнати од интензивирањето на реализацијата на големите инфраструктурни проекти на коридорите 8 и 10, зголемена доверба кај инвеститорите, очекуваниот прилив на странски директни инвестиции, зголемениот интерес за инвестиции во обновливи извори на енергија, зголемената активност во индустриските зони и најавените нови инвестиции кои ќе придонесат за раст на извозот за 4,6%, како и приватната потрошувачка која се очекува да има реален раст од 3,1% и надворешната побарувачка темелна на подобрување на надворешното опкружување, односно раст во еврозоната и зголемување на економската активност во Германија“, истакна заменик-министерот за финансии, кој посочи и на очекувањата од реализацијата на европскиот План за раст на Западен Балкан и активностите коишто се одвиваат со забрзана динамика во овој процес и секако стабилизирање на инфлацијата.

Ваквото поповолно опкружување ќе даде основа за преориентација на владините политики од справување со криза кон остварување засилена економска активност, смета заменик-министерот, кој наведе дека поради се уште присутните ризици и предизвици, во Буџетот и во оваа година се обезбедени средства за надминување на одредени кризни состојби.

Средбите се одржаа во рамки на Пролетните средби на ММФ и Светска банка во Вашингтон, каде заменик-министерот за финансии Филип Николоски учествува заедно со гувернерката на Народната банка на Македонија Анита Ангеловска-Бежоска. Во Вашнгтон, тие ќе остварат средби и со високи претставници на Светска банка, односно со потпретседателката на Светска банка Антонела Басани, извршниот директор на Светска банка Јуџин Ругенат, директорката на Светска банка за Западен Балкан Шиаочин Ју.

Министерство за финансии

Приведен дилер во Охрид, пронајдена дрога

Денеска во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид, соопшти МВР.

Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена. Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.

Лицето било задржано во полициска станица и по целосно документирање на случајот против него ќе биде поднесена соодветна пријава.

„Гответе со Дракче“ - Тортиљи со ајвар

Во петок (19.04.2024) во емисијата гостин ни беше Ленче Кукиќ.

Состојки за денешниот рецепт:

3 тортиљи

3 јајца

200 гр. сирење

100 гр. ајвар

зачини по желба

Погледнете како се подготвува овој рецепт:

притисни ентер