Цените на недвижностите од година во година се зголемуваат, како за купување, така и за изнајмување. Ова секако е голем проблем за поголемиот дел од светската популација, но има и такви што се обидуваат, ако е можно, да се снајдат на друг начин и да избегнат плаќање кирија.

Видеото што го објави корисник на Тикток по име Џејк во кое тој го открива својот животен простор воодушеви многумина и им се допадна на околу 1,7 милиони лица. Имено, Џејк открива дека порано живеел во стан, кој потоа го заменил со брод, па сега плови по океанот и ужива во оваа необична авантура. Иако на прв поглед изгледа како обичен чамец за едно лице, и тоа само за обично пловење, Џејк всушност покажува како изгледа неговиот „дом на вода“.

Откако се спушта во чамецот, тој го покажува својот мини-дом во кој се наоѓа сè што му е потребно – соба во која престојува, кујна каде приготвува оброци, спална и бања. Секако, сето тоа е далеку потесно од животниот простор на кој навикнал, но е сосема доволен за неговите основни потреби.

Џејк во видеото објаснува дека бродот има и соларни панели кои се полнат на сонце и му обезбедуваат струја за основните апарати на бродот. Покрај сè што му е потребно, тој има и велосипед што го користи секој пат кога ќе се најде на копно и сака да се повози. Партнер во овој необичен животен стил му е неговата мачка.

@jakesvan Rent free since 2023 | #boatlife #sailboat #tinyhome ♬ original sound - Jake

Авантурата на која Џејк е навикнат долго време е желба на многумина што го погледнале неговото видео на Тикток. Очекувано, секому му е сон да се ослободи од сметките, но и од секојдневните нервози во сообраќајниот метеж низ градот, а ова момче живее токму така.

Сепак, неговиот животен стил не го поддржуваат сите, многумина на мрежата изразиле загриженост поради временските неприлики што не може да се избегнат.

-Што ќе правите кога ќе има ураган?

- Ова е супер за живеење.

- Таа нема да каже „не“.

- Попрво би плаќал кирија.

- Ова е магично – беа дел од коментарите.

И додека некои го фалеле момчето завидувајќи му на ваквиот начин на живот и велејќи дека вака сигурно ќе заштеди, други признале дека лесно може да се живее во таков простор во Филаделфија, каде е сончево речиси цела година.

Еден корисник се пошегувал, па прокоментирал дека е интересно што мачка живее на океан без да го знае тоа, а коментарот им се допаднал на преку 52.000 лица.

Модата во европските градови се следи со децении, а италијанскиот град Милано отсекогаш се сметал за нејзина престолнина. Сведоштвата на многумина кои некогаш го посетиле овој град најчесто беа позитивни и откриваа убаво облечени жени и мажи што шетаат по улиците.

Сепак, едно видео на социјалните мрежи покажа дека работите се менуваат, дека не е сè како што се чини, а тоа во најмала рака ги изненади луѓето. Иако сите мислат дека во Милано шетаат средени и дотерани луѓе, оваа снимка покажува дека, или луѓето имале погрешна слика за престолнината на модата или таа се променила со текот на времето и со доаѓањето на новите генерации и трендови.

На видеото може да се видат млади луѓе како се шетаат во безлична и неугледна облека. И не само тоа, туку и комбинираат неспоиви стилови, па носат бермуди со бели чорапи и мокасини. Исти такви чорапи се забележани и кај една девојка која ги комбинирала со фустан и високи потпетици, додека еден маж шета со речиси женска свилена кошула. Некои комбинирале зимска облека со летна, која изгледа како да ја собрале од контејнер, но сепак се сретнуваат и убави и позитивни примери на складно и елегантно облечени вљубеници во модата.

Дека уметничкиот израз е присутен меѓу луѓето во овој град, покажуваат и девојките кои преку ден носат вратоврска во комбинација со полежерна кошула, а притоа не изгледаат деловно. Додека некои носат фармерки со разни платнени додатоци, кои попрво би ги виделе во циркус отколку на улица. Сепак, некои останале доследни на својот стил и нешто што е класично, па не погрешиле при изборот на облека. Од друга страна, оние што носат необични парчиња облека и форсираат позапуштен изглед, посакуваат доза на екстравагантност и лежерност. Многу корисници на мрежата ова го дочекале со чудење, додека некои го бранеа ваквиот стил.

- Сè додека им е удобно така, не е важно. Модата е забавна и слободна.

- Луѓето прават сè за да изгледа како бездомници.

- Ниту еден од овие луѓе не изгледа добро. Сè им прилега лошо.

- Ова, демек, треба да биде мода... Луѓето немаат поим од мода, ова е само неуредност...

- Ужас! Сите се обидуваат да изгледаат лошо денес?

- Фала му на Бога што не живеам во Милано - беа дел од коментарите.

Многумина рекле дека овие шетачи секако се обидуваат да бидат автентични и креативни, но дека тоа не им успеало. Некои прокоментирале дека ова потсетува на модата од 90-тите, но изгледа многу поевтино. Има и коментари во кои е наведено дека вакви ситуации не се сретнуваат само во Милано, туку невешто облечени луѓе гледаме секојдневно, а тоа сигурно не може да биде мода. Со оглед на тоа што Милано е центар на модата и културата, многумина се согласиле дека вака Милано сигурно не испраќа добра слика и дека луѓето би требало малку повеќе да се погрижат со својот изглед.

Извор: srecna.republika.rs

Приказната за прв пат ја објави ТВ Глобо од Бразил, а видеото се појави на социјалните мрежи.

На видеото гледаме жена која стои покрај блед постар маж во инвалидска количка. Се гледа како го држи за врат и го нарекува „чичко“.

Таа наводно се претставила како внука на мажот и побарала кредит од 3.400 долари.

„Вујко, слушаш ли? Треба да го потпишете договорот за заем. Ако не потпишеш, нема шанси, бидејќи не можам да го сторам тоа за тебе“, вели таа.

Вработената во банката, која ја снимила снимката, одговара: „Изгледа не му е добро, неговата боја“.

Жената возврати: „Таков е тој. Тој не зборува ништо“.

Вработените во банката набрзо повикале полиција.

„Тој веќе беше мртов во банката. Главната работа е да се продолжи со истрагата за да се пронајдат членовите на семејството и да се дознае повеќе за случајот“, изјавил началникот на полицијата Фабио Луиз за ТВ Глобо.

Ако се покаже дека жената е виновна, таа може да биде одговорна за обид за измама.

Надлежните ги истражуваат околностите под кои мажот починал, а неговото тело е пренесено во Институтот за судска медицина.