Хакерски напад врз израелското Министерство за одбрана

Хакерската група Стапот на Мојсеј, составена од ирански граѓани тврди дека извршила хакерски напад врз израелското Министерство за одбрана.

Хакерите тврдат дека се инфилтрирале во повеќе од 165 сервери и 254 веб-страници, акумулирајќи повеќе од 11 терабајти податоци, вклучувајќи ги и оние на Израелската пошта, израелското Министерство за одбрана, информации поврзани со министерот за одбрана Бени Ганц, компанијата „Електрон Цилаг" и корпорацијата „Епсилор".

– Ве набљудуваме многу години, во секое време и на секој чекор. Сите ваши одлуки и изјави се под наш надзор. На крајот ќе ве удриме кога воопшто не ги очекувате, се наведува во соопштението на хакерската група Стапот на Мојсеј.

Хакерската група објави документи во Ексел, кои содржат лични податоци, како имиња, идентификациски броеви, електронска пошта, адресаи, телефонски броеви, дури и социјално-економската состојба на припадниците на израелската армија.

Објавени се и фотографии од Ганц со војници, како и писмо од Ганц од 2010 година до заменик-началникот на Генералштабот и до началникот на разузнавањето на јорданските вооружени сили.

Швајцарија: Се зголемува бројот на заразени, се воведуваат построги мерки

Швајцарските власти денес најавија воведување на построги мерки за ограниучување поради зголемениот број на заразени со Ковид-19.

Маските ќе мора да се носат во поголемиот број затворени простори а само оние кои се вакцинирани или прележале Ковид ќе можат да одат на разни настани.

Надлежните ја повторија препораката што поголем број граѓани да работат од дома. Новите мерки стапуваат на сила на 6 декември и ќе траат до 24 јануари, пишува Ројтерс.

Ковид-сертификати за семејни собири?

Во Швајцарија досега се потврдени три случаи на инфекција со новата варијанта омикрон. Заразените се во изолација, а нивните контакти се во карантин.

Земјата која има 8,7 милиони жители се бори со пораст на инфекции, со повеќе од 96.000 нови случаи во последните 14 дена. На 29 ноември е забележан најголем број новозаразени од почетокот на пандемијата – 11.340.

Властите исто така ја проширија употребата на Ковид сертификатите. Тие ќе бидат потребние за сите јавни настани што се одржуваат во затворен простор, како и за сите спортски и културни активности.

Ризик претставуваат и помалите семејни собири, се вели во соопштението.

„За собири со семејството и пријателите во затворен простор со 11 или повеќе учесници, препорачуваме во иднина да се воведе употреба на Ковид сертификат“, се додава.

СЗО: Омикрон може да ја влоши ситуацијата во Европа

 „Новиот сој може да ја влоши ситуацијата“.

Зголемувањето на бројот на заразени со Ковид-19 во Европа во изминатите два месеци се должи на сојот Делта, но Омикрон може да ја влоши ситуацијата, рече Марија Ван Керхове, шефица на техничкиот тим во одделот за итни случаи на Светската здравствена организација.

– Во последните два месеци, видовме раст во Европа. И ова се должи на варијантата Делта, а новиот сој може да ја влоши ситуацијата, рече таа за време на онлајн сесијата за прашања и одговори за ситуацијата со коронавирусот.

Затоа, таа смета дека е исклучително важно да се продолжи со поддршката на епидемиолошките мерки насочени кон ограничување на ширењето на варијантата Делта. Посебно, треба да се засилат кампањите за вакцинација.

притисни ентер