Македонија

Границите со Косово и Србија остануваат отворени и покрај зголемениот број новозаболени во двете земји

Границите со Косово и Србија засега остануваат отворени, Владата периодов нема да разговара и да одлучува за затворање на северната граница и покрај значителниот раст на новозаболени во двете земји.

Иако се очекуваше, Комисијата за заразни болести, неофицијално,поради поделеноста на членовите по денешниот состанок не достави препорака за затворање на границите. Ќе се следи состојбата во овие две земји и ќе се чекаат дополнителни информации, вели премиерот Оливер Спасовски.

„Ова не е прашање на политика, и затоа владата не може да носи одлука која би била политичка. Ние сакаме да носиме одлука врз основа на стручните лица. Ако се согледа било каква потреба, ако се согледа дека има потреба да се превземат мерки, тогаш ќе се разговара на Влада. Владата нема донесено засега никаква одлука, и во моментов важи старата, односно дека границите се отворени“, рече Спасовски.

Од Комисијата за заразни болести велат дека не успеале да изградат заеднички став, а крајната одлука за границите со Србија и Косово ќе и ја остават на Владата. За дел од членовите на Комисијата било спорно зошто да се препорача затворање, сега откако сме ги отвориле границите.

Во меѓувреме епидемиолошката состојба се влошува кај дел од соседните земји. Откако Србија вчера забележа највисок број на заразени од коронавирусот во изминатите два месеца, Белград денеска прогласи вонредна состојба. Во последното деноноќие има 309 новозаболени и 11 смртни случаи, а дури 82, 5 отсто од заразените се од српската престолнина, соопшти градоначалникот на Белград Зоран Радојичиќ.

,,Во затворен простор до 100 луѓе можат да бидат присутни, на отворен 500 од нив, со дистанца од 1,5 метри. Следна мерка е ноќните клубови да не работат од 23 часот до 6 наутро и третата мерка е стрикно почитување за носење маски и евентуално казнување од понеделник на тие што нема да носат, објаснува Радојичиќ.

Доколку се затворат границите кон Србија и Косово, македонските државјани во моментов би можеле да патуваат само во Албанија.

Свет

Видео: Коњи трчаат низ центарот на Лондон, еден е облеан во крв

Жителите на Лондон утринава забележале два коња без сопственик во центарот на градот, од кои едниот изгледал облеан во крв. Носеле седла и узди.

„Околу 8 часот и 40 минути добивме пријава дека коњи без сопственици трчаат низ градот. Полицајците ги запреа на автопатот кај Лајмхаус. Чекаме возило за да ги однесеме на ветеринар“, соопшти полицијата.

Скај њуз вели дека коњите припаѓаат на дворската коњаница, дел од британската армија. На социјалните мрежи се појавија видеа од настанот на кои се гледа како црн и бел коњ трчаат по улицата. Набрзо зборуваше портпаролот на армијата.

„Одреден број воени коњи се олабавиле за време на рутинска вежба. Сите коњи сега се вратени во кампот. За време на инцидентот се повредени одреден број вработени, како и коњите. На сите им била укажана лекарска помош ," вели тој .

Извор: Индекс.хр

Свет

Директорот на ФБИ предупредува: И во САД е можен напад како што беше масакрот во Москва (ВИДЕО)

Директорот на Американското Федерално истражно биро (ФБИ), Кристофер Реј, предупреди дека во САД е можен напад како неодамнешниот масакр на концертот во Москва, кога беа убиени 144 лица.

Како што пренесува „Dailymail“, Реј истакнал дека ФБИ во моментов води дури 4.000 меѓународни истраги за тероризам.

Тој, исто така, изјави дека ФБИ е „сè повеќе загрижен за потенцијалот за некаков вид координиран напад на територијата на Соединетите држави“. Објаснувајќи дека таквиот напад можеби не е толку различен од она што се случи во Москва кога припадниците на Исламската држава убија 144 луѓе во концертна сала.

Нападот во трговскиот центар во руската престолнина на 22 март е и најсмртоносниот терористички напад во Русија во последните две децении. Вреј претходно изрази загриженост за зголемените закани од тероризмот, велејќи на панелот на Претставничкиот дом на САД претходно овој месец дека моменталната закана од тероризам е најголемата што може да се сети во неговата кариера.

„Додека гледам наназад на мојата кариера во спроведувањето на законот, тешко е да се сетам на време кога имало толку многу закани за нашата јавна и национална безбедност. На крајот на фискалната 2023 година, ФБИ спроведуваше 4.000 меѓународни истраги за тероризам“, кажа Реј.

Тој, исто така, предупреди дека терористичката закана за САД е зголемена по нападот на Хамас врз Израел на 7 октомври:

„Уште пред нападот на 7 октомври мислевме дека тероризмот еволуирал. По овој напад тој е на сосема ново ниво“, додаде Реј.

Реј, исто така, се осврна на сè понепријателската меѓународна средина и потенцијалното прелевање на теророт:

„Без разлика дали станува збор за закана од Кина, Русија, Иран, има терористички закани и од странски и од домашни фактори.“

Потсетуваме, Реј на функцијата директор на ФБИ беше поставен во 2017 година од Доналд Трамп, тогашниот претседател на САД. Тој водеше кампања во Конгресот за да добие уште повеќе средства. Буџетот на ФБИ за фискалната 2024 година падна 500 милиони долари помалку од она што беше потребно за одржување на сегашните функции.

Руските власти уапсија четворица напаѓачи во концертна сала во Москва. Иако Исламската држава ја презеде одговорноста за нападот, а во Кремљ сакаа да докажат дека нападот е поврзан со властите во соседна Украина.

Регион

Словенечката опозиција бара истрага за случаите на кражба на бебиња

Опозициските партии во Словенија поднесоа барање за парламентарна истрага за потенцијалното учество и одговорност на јавни службеници во случаите на кражба на бебиња во таа земја во периодот од 1965 до 1991 година.

Опозициските партии во Словенија поднесоа барање за парламентарна истрага за потенцијалното учество и одговорност на јавни службеници во случаите на кражба на бебиња во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.

- Во таканаречената трговија со бебиња, која се случила главно во 70-тите и 80-тите години во поранешна Југославија, повеќе од 20.000 можеби се продадени, рече Јерај и додаде дека се соработува со српско здружение за овие случаи, говорејќи за иницијативата на нејзината СДС и партијата Нова Словенија, пренесуваат словенечките медиуми.

Словенечкото здружение на родители на украдени деца овој проблем минатата година го презентираше до собраниската Комисија за петиции, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се што е во нивната моќ.

Јерај изјави дека надлежните не презеле ништо, наведувајќи дека медицинскиот персонал инволвиран во повеќе случаи на кражба на бебиња не бил вклучен во полициската истрага, а полицијата не ја презела документацијата од здружението на родители.

Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.

притисни ентер