„Ако ги прочитате упатствата за каков било лек, секогаш има несакани ефекти кај мал број луѓе“, рече Пилар Гарсија што чекала во редица да ја прими вакцината „АстраЗенека“ пред фудбалскиот стадион „Ванда Метрополитано Атлетико Мадрид“, кој што се користи како центар за масовна вакцинација.
„Мислам дека е иста работа со вакцината“, додаде таа.
Европската агенција за лекови (ЕМА) денеска соопшти дека биле пријавени 169 случаи на згрутчување на крвта во мозокот по администрација на 34 милиони дози на АстраЗенека.
„Денес е многу тежок ден поради сите новости кои доаѓаат од Европската агенција за лекови“, изјави жителот на Мадрид, Кармен Руиз, веднаш по приемот на вакцината.
И покрај контрадикторните пораки од властите, таа одлучила да му верува на советот на Европската агенција за лекови дека придобивките од вакцините ги надминуваат ризиците.
Некои земји користат AstraZenecа само за одредени возрасни групи, а ЕМА соопшти дека европските земји треба да донесат свои одлуки за тоа како да се справат со ризикот, со оглед на стапката на инфекција и достапните алтернативи.
Пред ЕМА да ги објави своите откритија за несаканите ефекти на вакцината, властите во централниот шпански регион Кастилја и Леон ја прекинаа вакцинацијата со АстраЗенека, иако националната влада одлучила да продолжи.
Шпанскиот министер за здравство се очекува да објави нови упатства за вакцината по самитот на европските министри за здравство и да ги разјасни правилата за носење маски на плажите.
Мешањето на националните и регионалните правила за вакцинација ја разбесни 63-годишната Фелисидад Гутиерез.
"Некои велат дека вакцината не е добра, некаде е дури и повлечена. Ако слушаме сè што ќе кажат, на крајот не би сториле ништо. Решив да се вакцинирам", изјави таа за Ројтерс по напуштањето на стадионот.